عرض للطباعة
الحمد لله رب العالمين الذى هدانى لهذا الاخيار
انا استملت لانسر مو 2008 شكل قديم هاف سبورت 1600 خليجى يوم 17/3/2008
طبها العفشه ناشفه شويه والعربيه استهلاكها للبنزين عالى شويه
على فكره انا مستلم العربيه عامله 8 كم بس و دلوقتى عامله 67 كم
كمان الكاتولج بيقول انى بعد ما اشيل الاستيكر بتاع الفابريه ادهن العربيه شمع
حد عنه فكره فى الموضوع ده ؟؟؟؟؟
مبروك يا استاذ limo
اخيرا الحمد لله و بعد طول بحث ربنا يباركلك فيها و يبعدك عن شرها
الف مبروك يا ليمو وربنا يحفظهالك ويحفظك من كل سوء
الف الف مبروك يا باشا
ربنا يبارك لك فيها و يحفظها لك من كل سوء
الف مبروك ..ربنا يبارك لك فيها و يحافظ لك عليها
و تستعملها في الخير دائما
الف الف مبروووووووووووووووووووك
الف مبروك يا ليمو باشا ربنا يملهالك بركه يا رب و يديك خيرها و يحميك من شرها
مبروك يا باشا و ربنا يبارك لك فيها
الف الف مبروك وربنا يديلك خيرها ويكفيك شرها ويحفظهالك
الف مبرووووووووووك يا ليمو :)
ألف مبروك يا أخ ليمو :) ربنا يباركلك فيها و يعطيك خيرها و يبعد عنك شرها , منتظرين الصور ان شاء الله , العفشة مع الوقت هاتتعود عليها :) ماتنساش تراجع ضغط الهواء فى العجل علشان العربية بتكون جايه فيها هواء زيادة و يمكن الدبدبة تقل شوية , بالنسبة للبنزين ماتنساش أنها 1600 برده , هى عادة ولا أتوماتيك؟اقتباس:
المشاركة الأصلية كتبت بواسطة limo
8 كم ممتز جدا يا بختك :D أول مرة اسمع عن موضوع الشمع ده..... أنا من رأى لسه بدرى.
الف الف مبروك
وربنا يديك خيرها ويبعد عنك شرها
خلي بالك من ابعاد العربية وحاول متزودش السرعة عن 90 في اول الف
ومتقرصش عليها ومتزودش عن 3 ربم
1000 مبروك ياتري علقت نمر ولا لسه انا جايبها من يوم 15/3 وحتي الان بدون نمر
الف مبروك . ربنا يديك خيرها ويكفيك شرها .
مستنيين التقييم
الف مبروك ... بكام اشترتها ؟؟؟
انا عاوز اشترى واحده بس الاسعار كتير وخايف يتنصب عليه ..
الله يبارك فيكم يا رب وربنا يخفظلكم عربياتكم جميعا
انا عربيتى 1600 اوتوماتيك هاف سبورت كويتى شاريها من شركه هيفين ب110,500 ومعاها ضمان سنه او عشرون الف كم
وكمالياتها كالاتى
2 وساده هوائيه
5جنوط سبور
عتب جانبى
فرامل مانعه للانزلاق
اكر نيكل
عصا فتيس وطاره جلد
كاسيت متسوبيشى الاصلى +4 سماعات +ايال سقف
فوانيس خلفيه شفافه
دواسات نيكل
فوج لايت
تكيف
باور -زجاج ومرايات كهرباء وسنتر وريموت
ملاحظتى على العربيه
1- العفشه ناشفه شويه بس عاديه ومش مزعجه للدرجه
2-الفتيس العجيب الى مش قادر اتعود عليه لحد دلوقتى لدرجه انى حاسس انه بيأخر فى النقل وهوه اساسا مفيهوش نقل -كمان حاسس انه عزمه ضعيف
3-العربيه بلاعه بنزين تقريبا ال25 لتر مش هيكملوا 200 كم
4-التكيف ضعيف شويه بس انا خلاص عرفت سر اللعبه (تنظيف فلتر التكيف )
غير كده العربيه الحمد لله زى الفل وتستاهل فلوسها
انا الحمد لله رخصتها امبارح روحت اول امبارح خلصت التأمين والفحص وقالوا مفيش نمر فادينا اسمك وتعالى بكره الساعه 8ونصف روحت وكانت النمر لسه واصله وعليها ضرب نار بس الحمد لله اخذت نمره ورخصت العربيه 3 سنين
صحيح انا رخصت العربيه 3 سنين فى الرخصه كتبوا سنه واحده لما سألت عرفت ان كل ده علشان النمر الجديده الى نازله فى شهر 8 فلما تخلص السنه الترخيص اروح اخذ النمر الجديده واخذ باقى مده الرخصه بدون تأمين ولا ضريبه جديده
انا ركبت فرش بيج جلد مخصوص للانسر سعره 215 ووانا اخذته من الراجل على 205 ورحت ركيته عن السروجى ب40 جنيه بس الصراحه السروجى ركبه حلوه جدا ان شاء الله انزل صوره هوه والعربيه فى موضوع مستقل
وفى النهايه وبعد الصداع الى انا سببته ليكوا سواء دلوقتى او وانا باختار العربيه احب اشكر كل من شارك فرحتى بكلمه رقيقه او ساعدنى الى الوصول لهذا الاختيار
والسلام عليكم ورحمه الله وبركاته
فيين الصور والتفاصيل اية
انا اسف جدا انا صورت العربيه والفرش بكاميرا الموبيل بس مش لاقى الكابل علشان انقل الحاجه على الكمبيوتر ومنها للنت بس ان شاء الله هحاول اتصرف فى كابلاقتباس:
المشاركة الأصلية كتبت بواسطة hatem_badawe
تفاصيل الفرش
لونه بيج فاتح
جلد ومفصل للانسر بالاخص
وسعره 205 من غير تركيب
وعليه علامه متسوبيشى فى الكراسى الاماميه
ومصصم للكنبه ال4 قطع مش قطعه واحده
انا جبت نفس الفرش من يومين من عند سبير كار وامري لله ب 280 بالتركيب
بس مخدش 10 دقايق كان خمسة شغالين في العربية مرة واحدة
وللعلم كان حاسبهولي ب 400
وبعد الخصم 280
وانا عارف شغل التجارة دا
ونفس مواصفات الفرش الي قلت عليه
الف مبروك يا باشا على العربية والفرش بس انا عايزك تراجع على الضغط بتاع الكاوتش علشان الخليجى بينزل ضغط الهواء 35 خليه 28 ومش حتسمع صوت العفشه
[url=http://www.m5zzn.com/upload/]http://www.m5zzn.com/upload/uploads/...206ad655b5.jpg[/url]
الـــــــــــــــــــــــ ـــــــــــــــــــــــــ ــــف ملـــــــــــــــــــــــ ــــــيــــــــــــــــــ ــــــــــــــــــون
مــــــــــــــــــــــــ ـبـــــــــــــــــــــــ ـــــــــــــــــــروك
يــــــــــــــــا ليـــــــــــــــــــــــ ـــــمـــــــــــــــــــ ـــــــو
عقبالي لما اخد اللانسر بتاعت والدي مو 2000
ألف مبروووووووك
رغم انها متأخره شويه لكن لسه شايفه الموضوع حالا
سووورى
ربنا يبارك لك فيها و يديك خيرها و يكفيك شرها
انا اسف جدا يا استاذ حاتم انى تأخرت عليك فى الرداقتباس:
المشاركة الأصلية كتبت بواسطة hatem_badawe
ان اعتبر جبت الفرش بالتركيب بحوالى 245 جنيه
بس بصراحه سبير كار شغلهم فى التركيب حلو اوى
مبروك عليك الفرش ومش هتركب انذار ولا ايه ؟؟؟
الله يبارك فيكاقتباس:
المشاركة الأصلية كتبت بواسطة medo1970
انا فعلا اول ما جبت العربيه كان العجل الخلفى 35 والامامى 30
شكرا يا غالى على النصيحه
الله يبارك فيكاقتباس:
المشاركة الأصلية كتبت بواسطة naguib
وان شاء الله والدك يديك الانسر ونبارك قريت
الله يبارك فيكى يا سندرللااقتباس:
المشاركة الأصلية كتبت بواسطة alsindrella
ومتشكر جدا على ذوقك
اقتباس:
المشاركة الأصلية كتبت بواسطة limo
انت بتفكر زي تامام
بس دا ان شاء الله الشهر الجاي
انت عارف الديون
كل شهر حاجة
انا فعلا قلقان عليها اوي لاني مش مأمن عليها
ولسة مش عارف اية احس نوع انذار
وممكن نركبة فين
وممكن في التوكيل ولا لأ
لاني خايف من اللعب في الضفيرة
لو عندك معلومات يا ريت تفدنا
انا فاكر انى قريت فى مواضيع ان فى جهاز اسمه صب زيرو بيركب على الريموت الاصلى بتاع العربيه تقريبا سعره 175 جنيه و 50 جنيه تركيباقتباس:
المشاركة الأصلية كتبت بواسطة hatem_badawe
وتقريبا استاذ اسلام شاهين هوه الى كان كاتب الموضوع ده
كمان فاكر بس مش متأكد ان الباشمهندس طارق كان قال ان التوكيل مبيركبش الانذار وينصح انك تركبه عند حد نظيف
انا برضو خايف من اللعب فى كهرباء العربيه وافتح على نفسى فتوحه