مرة الجملة دي اتقالت لي وكنت وقتها متعصبة من حاجة
نسيت الحاجة دي وسألت يعني ايه ؟؟
طلعت الجي اختصار جمجمة والدي اختصار دماغ طبعا قعدت اضحك
عالم دماغ :verygood:
عرض للطباعة
عندك حق والله يا بنتي زي ما يكون اطفال kg هما اللي بيكتبوا مع الاعتزار لكل الناس
مين جاب سيرة المهندسين..؟؟؟؟ :36_9_4:
والله يا نور بشوف الاخطاء الاملائيه دي زي الرز و ببقى مستغرب جداا
هو اللي كاتب الكلام ده, بينطقه بنفس الشكل ده..!!!!!!!! مستحيييييل
طبعاً ده غير ان بعض الناس عموما خارج المنتدى في الكلام ماعندوش
اي فرق بين (( القـاف )) و (( الكــاف )), و تلاقي الاثنين نفس النطق,
لما البنات بتنطق كده كنا بنقول دلع, لكن الرجاله مالهومش حجه للاسف...
يا اما العكس تماماً, و تبقى الكاف هي اللي قاف... زي المذيع اللطيف
بدون ذكر اسمه اللي كان بيذيع ماتش الاهلي و بيقول( و ماشي محمد "برقات")..!!
و طووول الماتش في واحد اسمه (برقات) في الملعب, مش عارف مين ده..!! :ma:
بس فعلاً بعض الناس بتغلط بدون قصد او بسبب الكتابه السريعه,
لكن لما تلاقي الرد كله (ق) بقت (ك), و (ذ) بقت (ز), و (ص) بقت (س)
يبقى لازم صاحب الرد ده يتحااااااااكم, و مدرس العربي بتاعه يتعدم فوراً... :C_laugh[1]:
قولي الحمد لله, ليطلع سفندي باشا لما يكبر بيغلط في الاملاء, و تبقى جت فيه... :majd(4):
ربنا يباركلك فيه...
على فكرة موضوع النطق ده مختلف شوية عن قصدي
يعني اللي بينطق الكاف قاف والعكس دي حاجة خارجة عن الارادة زي اللدغ في حروف معينة وكمان في مناطق في مصر بيفخموا كل الحروف فتلاقي بركات تتنطق برقاط كمان مش برقات
اما سفندي فهو ماشاء الله عليه لما بمليه الحروف والارقام في الهوم وورك ال 7 يكتبها 9 وال ص يكتبها ع وحاجة اخر فل وقربت يجيلي انهيار عصبي منه
بس الحمد لله مستقبله باهر في عالم الانترنت بيعرف يعمل سيرش في جوجل عن الجيمز ويلعب اون لاين وبيعرف يدخل مواقع معينه حافظ اللينك بتاعها واللي مش حافظه بيسجله في الفيفوريت وبيعرف يدخل فيس بوك يحذف لي اصدقاء ويضيف اصدقاء على مزاجه :majd(4): ويلعب العاب الفيس وحافظ ارقام قنوات الاطفال على كل تليفزيون حتى لو القناة رقمها 3 ارقام
يعني علامات الفشل ظاهرة عليه من دلوقت
الموضوع ده فعلا منتشر جدا جدا وحصل فيه اكتر من انتقاد هنا فى المنتديات
وفكرنى بمشاركه من فتره كبيره جدا حبيت اوريهالكم بس والله مش قصدى التشهير بصاحبها انا قصدى كمثال فقط لا غير
(ممنوع الضحك ها انا نبهتكم وانتوا احرار)
تم حذف اسم العضو صاحب المشاركه المقتبسه
برجاء التفهم
مشرف عام 3
عندي اخطاء من نوع تاني
لاب صغير 12 بوصة الحروف فيه مزنقة مع سرعة الكتابة بتقع حروف وتطلع ساعات كلمات كوميدية
في الشغل المشكلة اكبر لاني بشتغل على كيبورد وايرلس
مع السرعة في حروف بتطير برضه :-) او تتعكس