السلام عليكم ورحمة الله وبركاته
اخواني في الله
احب ان انقل لكم ما قد شاهدت بأم عيني
دولة الصين الشقيقة ربنا يخلهالنا هية تقريبا شغالة على دولة مصر :shine[1]: ولكن مة فعلا ناس انا عايز ارفعلهم القبعة لنو الناس دي عندها اكتفاء ذاتي بطريقة مش طبيعية وعندهم جميع الخامات والأنواع وللأسف احنا اللي العيب فينا بنستورد اسوئها ولكن الحمد لله على كل شئ ..
من كام يوم وانا مروح وانا ساكن اساسا في احمد سعيد شفت عند تاكي كده جنب مدينة البعوث الإسلامية عدد 2 ميكروباص هايس الياباني العالمي اللي اكيد مصر كلها عرفاه 2500 CC تيربو بس مش في مصر ده ههه ولكن هوة شئ متميز جدا في السفر وفي كل شئ بصراحة فبركز شوية لقيتوا مرسوم عليه علامة غريبة جدا جدا فقربت شوية لقيتها فعلا علامة مختلفة ولكن لفيت حوالينوا لقيت مكتوب عليه من ورى بالصيني طبعا انا صدمت لأني عارف انو نازل منوا الصيني ولكن لم اعرف جودة التقليد لهذه الدرجة وانعدام الإبتكار نهائيا طبعا حارس الأمن رفض يعطيني اي معلومات عنوا ولا حتى سعروا ولا امكانيات حتى انوا منعني من اني اصوروا قولتلوا هوة انا ها استخدم الصورة في حاجة مسيئة ده انا عايز الناس تعرف انو في شئ اسمو كذى .... ولكن طبعا على مين برضوا اخدت صورة كده في السريع ولكن للأسف لم يتسنى له التصوير من الخلف ولكن ياريت اي حد من الأعضاء عندوا اي معلومات عنوا سعر - امكانيات - كماليات يفيدنا بيها ...
انا تعمدت اني احط صورة للـ Hiace بنفس اللون والكماليات عشان تعرفوا الدقة ...
http://i94.photobucket.com/albums/l1...ala_Lumpur.jpg
http://i94.photobucket.com/albums/l1...01003-1517.jpg