الموضوع: أستفسار عن كيا سيراتو خليجى ومشكورين

المشاركة الأصلية كتبت بواسطة ismaeal

أنا متشكر للجميع على الردور السريعة وحاسس ان المنتدى كل اعضائه محترمين جداً وبالنسبة ل vin فهو knafu411bb5293634 المواصفات كما ذكرت موديل 2011/اتوماتيك/تكييف بكر/جنوط 15/وصلة usb-ipod-12 volt /زجاج معتم/كاسيت cd/فتحة سقف/مفتاح ريموت/زجاج كهرباء/مسند أمامى وخلفى/طارة بوظأئف متعددة/عدادات رياضية/تحكم كهربائى بالمقعد/تعتيم شمس/فوج لايت/تحكم بالمرايات الجانبية وعموما هى نفس المواصفات الموجودة بالبحث فى موقع الشركة بال vin ولكن لا أعرف البلد الموردة منه وياترى لو السعر غالى فيبقى فى حدود أيه وانا متشكر جداً على تضامن الجميع وربنا يكفينى شرها

الف مليون مبروك على العربيه وربنا يديك خيرها ويكفيك شرها .. العربيه اردنى وتاريخ تصديرها 14/7/2010

ياباشا انا عربيتى نفس المواصفات دى من غير فتحة سقف و عدادات رياضية موديل 2010 شاريها فى شهر 7 و كانت 105000 بس حوار المقاعد الكهربية دى معنديش فكرة عنها
و انا عربيتى سعودى و فعلا مفهاش طفاية ولا ولاعة و خليت والدى يجبلى الطفاية من التوكيل فى الكويت ب 200 جندى عشان شكلها حلو:))
و فى الاول و الاخر انت جبت العربية الف مبروك عليك و اتمتع بيها

يا صباح إللى بتغنى ................... ده على أى أساس السعودى ماينزلش بولاعة و طفاية دا ليه إن شاء الله ؟

يمكن علشان التدخين حرام شرعا علشان كده هما من الأصل ما بيحطوش ولاعة فى العربية و كمان بيشيلو الطفاية ( إنتم قصدكوا طفاية حريق زى ظابط المرور و لا أنا فهمت إنها طفاية السجاير زى أحمد حلمى ما فهم فى نفس الفيلم ) .

يا رجالة عايز بجد الموقع إللى بيجيب مواصفات العربية و كمان بلد المنشأ لحسن أروح أكسر المعرض على صحابه
وأستخدم الولاعة إللى لسه مستخدمتهاش لحد دلوقتى و أروح فيهم فى ستين داهية و هيبقى إنتم السبب

ضبط المقاعد مانيوال واعتذر عن الخطأ ولكن أرجو أن أعرف كيف عرف الاخ adelahmed007 أنها اردنى فلا يوجد أى شىء مكتوب على العربية يشبر إلى ذلك

ربنا يديك خيرها ويكفيك شرها

شكرا يا adelahmed007 على المعلومات وعلى أهتمامك وشكراً لجميع المشاركين