m11 airbags

**radid** · 05-10-2010 10:41 PM

النهاردة كنت فى مصرية للسيارات و اتفرجت على m11

, و انا هناك لم الاحظ كلمة srs airbags على التابلوة فسالت الموظف هى مافيهاش ايرباجز قاللى يظهر موديل 2011 لا يوجد فية!!!!!! هل هذا صحيح

الملحوظة الهامة نمرة 2 - ان الراجل قاللى ان مشكله تسقيف الموتور تم تلافيها فى موديل 2011 هل هذا صحيح ايضا؟؟؟

ارجو الرد للاهمية

**samehsalem** · 06-10-2010 12:11 AM

ياباشا اصلا موديل 2010 مكانش فيه ايرباج ومشكلة التسقيف دي ولا تم تلافيها ولا حاجة عشان هيا موضوع تعود مش اكتر بسبب ان دواسة البنزين علي حساس مش واير

**radid** · 06-10-2010 12:18 AM

انا اتاكدت فعلا ان اليرباجز مكنتش موجوجة اساس فى 2010 طيب ممكن تقوللى مشكلة التسقيف دى عبارة عن اية و حلها اية بتفصيل شوية؟؟
ثانيا سعادتك تنصحنى اجيبها و لا اجيب حاجة تانية و العربية عاملة معاك اية ؟؟؟ شكرا ليك مقدما

**samehsalem** · 06-10-2010 02:44 AM

والله يا باشا العربية بقالها معايا سنة تقريبا وعامل بيها لحد دلوقتي 20 الف كيلو والحمد لله العربية معايا تمام في ناس مش هيعجبها كلامي بس العربيات عاملة زي البطيخة مش اسبرانزا بس ...كل العربيات فيها مشاكل واللي يقول غير كدة يبقي مش بيشوف المشاكل اللي في الماركات التانية واللي مسمعة في بلدنا...عموما انا العربية مريحاني جدا الحمد لله ومفيش عندي اي مشكلة مضيقاني الحمد لله لحد دلوقتي ورينا يرزقك باحسن حاجة واحسن اختيار انشاء الله...كمان حضرت لازم تعرف ان العربية دي فيها حاجات مش موجودة في عربيات اغلي منها بكتير زي نظام الفرامل مثلا ده غير الاوبشنز والكماليات..

**egypt0777** · 06-10-2010 02:33 PM

محدش حيزعل منك ولا حاجة

ربنا يباركك فيها

التسقيف ده نوع بنزين وده على لسان الجنود البواسل بتوع ابو الفتوح

اصل عربية الاسبرانزا عربية بتاعت عز مش واخده على البنزين المغشوش بتعنا ده

الله يكون فى عون العربية

عموما التسقيف ده مش عيب فى العربية و حتاخد عليه لدرجة انه حيختفى لوحده

**samehsalem** · 06-10-2010 05:30 PM

فعلا البنزين عندنا بايظ ومغشوش وكله شوائب و قرف بس فعلا مشكلة التسقيف انا شايفها مسالة تعود مش اكتر

**radid** · 06-10-2010 10:50 PM

المشاركة الأصلية كتبت بواسطة egypt0777

محدش حيزعل منك ولا حاجة

ربنا يباركك فيها

التسقيف ده نوع بنزين وده على لسان الجنود البواسل بتوع ابو الفتوح

اصل عربية الاسبرانزا عربية بتاعت عز مش واخده على البنزين المغشوش بتعنا ده

الله يكون فى عون العربية

عموما التسقيف ده مش عيب فى العربية و حتاخد عليه لدرجة انه حيختفى لوحده

speranza غلطة عمرى ؟؟ لية يعنى ما اجيبهاش

**odaoda** · 07-10-2010 01:00 PM

يا باشا هو مقلش غلطة عمرك
بص يا باشا والله العظيم العربيات دى زى البطيخة
حسب مزاج الى بيجمع كل العربيات كدة
الا بقى الاوربى والحاجات دى المراقبة بتبقى شديدة حبتين فتلاقة نسبة اخكاء اقل
وبعديه ا اليابانى نسبة اخطاء اعلى سنة
وهكذا الكورى والصينى
الام 11 انا شفت ناس كتير بتشكر فيها وشكلها فخم جدا
ومكانيات روعة
بس موضوع الايرباج دة منزلش مصر لان كل نسخ الشيرى فمصر مش موجود فيها ايرباج
استخير وتوكل على الله فلعربية الى هتجيبها
ولازم تشوفها كويس قبل ما تجيبها وتختبرها ان امكن مع حد مالك ليها
وتأكد ان الصنع البشرى لازم لازم لازم وبكرر لازم يكون فى اخطاء
ان مكنش خطأ فى التصميم هيكون خطأ فى المواد وان مكنش فالمواد هيكون خطأ فطريقة تصنيع مكونات العربية وان مكنش فكدة هيكون فطريقة التجميع وان مكنش فكدة هيكون فالشخص نفسة
كل الحكاية انها مسألة ارزاق
معاك فلوس تجيب المانى هات وتوكل
معاك فلوس تجيب يابانى هات وتوكل ولو معاك تحيب ككوري هات وتوكل ولو مش معاك تجيب غير صينى هات وبردو توكل
اما لو معاك تجيب الكورى واليابانى والصين اغرتك بامكانيات كبير وكل فخم ووابشن ممتاز وخايف
فدة يرجعلك
انا جبت وتوكلت على الله
انت بقى هتعمل اية؟؟
ربنا يعينك

**egypt0777** · 07-10-2010 02:56 PM

المشاركة الأصلية كتبت بواسطة odaoda

1- معاك فلوس تجيب المانى هات وتوكل

2- معاك فلوس تجيب يابانى هات وتوكل

3- ولو معاك تحيب ككوري هات وتوكل

4- ولو مش معاك تجيب غير صينى هات وبردو توكل

5- اما لو معاك تجيب الكورى واليابانى والصين اغرتك بامكانيات كبير وكل فخم ووابشن ممتاز وخايف
فدة يرجعلك

انا جبت وتوكلت على الله

انت بقى هتعمل اية؟؟

اسمحلى انا رتبت الاختيارات

بس انت بصراحة

اوجزت فأبنت فاوفيت

**fineart607** · 07-10-2010 04:12 PM

المشاركة الأصلية كتبت بواسطة samehsalem

والله يا باشا العربية بقالها معايا سنة تقريبا وعامل بيها لحد دلوقتي 20 الف كيلو والحمد لله العربية معايا تمام في ناس مش هيعجبها كلامي بس العربيات عاملة زي البطيخة مش اسبرانزا بس ...كل العربيات فيها مشاكل واللي يقول غير كدة يبقي مش بيشوف المشاكل اللي في الماركات التانية واللي مسمعة في بلدنا...عموما انا العربية مريحاني جدا الحمد لله ومفيش عندي اي مشكلة مضيقاني الحمد لله لحد دلوقتي ورينا يرزقك باحسن حاجة واحسن اختيار ان شاء الله...كمان حضرت لازم تعرف ان العربية دي فيها حاجات مش موجودة في عربيات اغلي منها بكتير زي نظام الفرامل مثلا ده غير الاوبشنز والكماليات..

مش هيعجبها كلامك ليه سيدى الفاضل الحمد لله العربيه معنا حتى الان زى الفل كان هناك مشاكل تم معالجتها الحمد لله والعربيه تمام المشكله الوحيده الى لسه موجوده احيانا الزجاج الخلفى بيعمل صوت تزييق
لكن العربيه تصميمها ممتاز وادائها رائع الحمد لله