-
بخصوص جبيرة الجبس
موقف حصلي النهارده و انا بلعب كورة ادى الى شرخ صغير جدا في دراعي الشمال عند المفصل(حسب كلام الدكتور ) و حطلي جبيره على دراعي الشمال كله لحد الكوع المشكله حاليا اني مش عارف اتوضا يعني اجيب عليها مياه عادي و لا غلط مع العلم اني مصلتش و لا فرد النهارده بسبب الموضوع ده ايه الحل ؟؟؟
-
ألف سلامة عليك يا أفندم ..
الحبيرة لازم تكون في مكانها لمدة أسبوعين - ثلاثة بالكتير لحد لما الشرخ يلحم ..
بخصوص الوضوء : أتوضي عادي جدا , وحط نقطتين ماء بس علي يدك و أمسحها علي الجبيرة مرة واحدة
ربنا يكمل الشفاء علي خير بإذن الله . :)
-
شكرا لردك و الدكتور فعلا قالي اروحله كمان اسبوعين افكها بس بالنسبه لو عاوز اخد دش ماجبش عليها مياه و لا ايه ؟ معلش اصلي اول مره اتجبس :(
-
هتعمل حركة بسيطة لو حضرتك عايز تأخد دش ..
هات كيس كبير و دخل ذراعك فيه و أربطه كويس ,,, و حاول تتجنب وصول المياة بكثرة علي المنطقة ..
إن شاءالله يلحم الشرخ بسرعة ,, أطمئن يا أخي الفاضل .. :)
-
المياة هتبوظ الجبس
انا كنت بعمل زى مالعضو الفاضل قال فوق
وعند نهاية الكيس بحط قطن حولان الجبس والزق لزق طبى
وهانت خلاص
الف سلامة ليك
-
Content Relevant URLs by
vBSEO 3.6.0 PL2