عرض للطباعة
انا يا جماعه عضوه جديده في المنتدي ومعنديش اصحاب هنا خالص المهم انا عندي مشكله مع اصحابي مع خطيبي كل شويه يتنرفز ولما يتنرفز يغلط وبعدين يقولي اسف انتي اللي وصلتيني لكده وبعدين نتصالح بس تاني نعيد من الاول مش عارفه اعمل ايه معاه حد يقولي
تم تغيير العنوان ليناسب محتوى الموضوع
6/10/2010
1:13am
مشرف القسم
20ب
لو العادى بتاعه ان لما يغلط يتنرفز ايا كان اسباب نرفزته
يعنى مش بيقدر يتحكم فى اعصابه
الكلام ده من دلوقتى
امال لما تتجوزا وتقابلوا ضغوط الحياة اللى بجد هيعمل ايه
توتا
الطبع يغلب التطبع
انتى اللى تقدرى تقيمى قدرتك على تحمل الغلط ده ممكن تكون لحد فين
حاولى بداية تمتصى غضبه وتقفلى عليه كل الابواب انه ينفعل ويغلط
لو استمر فى الغلط يبقا بلاش منه
فى فرق بين انفعال وعصبيه وحدة فى الكلام
وبين الغلط
انتى اكيد فاهمانى
نورتى نايل موتورز واحنا هنا كلنا اصحاب واخوات وعيلة واحدة من اقدم عضو لاحدث عضو
اهلا بحضرتك
عندنا في المنتدي الأجتماعي لما اثنين يختلفوا ويحتدوا علي بعض بيلجأوا للشكوي للجنة فض المنازعات بقسم الشكاوي واحيانا احد الأطراف بياخد تحذير او ايقاف.:shine[1]:
شكرا يا بسكوته انك رديتي ومن دلوقتي احنا اصحاب
احنا جيران علي فكره يا محمد
ده شرف ليا يا توتااقتباس:
المشاركة الأصلية كتبت بواسطة tota_love
الشرف ليا انايا بسكوته بس انا شفت الملف بتاعك لقيتك ولد صح
اهلا بحضرتك.اقتباس:
المشاركة الأصلية كتبت بواسطة tota_love
اقتباس:
المشاركة الأصلية كتبت بواسطة tota_love
لأ دة بس تمويه عشان تخوفنا ولكن على مين هيهات أحنا هنا عندنا مخابرات تقدر تشوف جنين النملة في بطن أمه :36_3_10[1]: .
متخافيش المخابرات عندنا طيبين وولاد حلال وقدامك حل من الأتنين يا تنضمي لينا يا تنضمي لينا طبعاً الأختيار راجع ليكي لأننا ديمقراطيين هنا وسيبك من مخابرات البنات مش هينفعوكي بحاجة .
أوعي تخافي أنا بهزر :shyy: نورتي المنتدى .
خلاص انا هنضم ليكوا وشكرا للرد
البنى آدم بيظهر على حقيقته وقت الغضب
ابن الأصول بيسكت أو بيعاتب أو بياخد موقف لكن عمره ما يغلط ويهين
فترة الخطوبة معمولة علشان اكتشاف حاجات زى دى
انت صح بس المشكله انه كده مع كل الناس بس زياده شويه معايا بس احنا حبينا بعض 5 سنين قبل الخطوبه وانت استحملت مينفعش دلوقتي اقول كفايه صح؟ وشكرا للرد
بصي يا توتة
اتنين قرايبي اتجوزوا وجوزها عصبي جدا ولما بيتعصب بيغلط
وهي عارفة كدة من قبل الخطوبة وهو معترف وبيقول دي نقطة ضعفي
وقالها انا حاولت اتغير كتير معرفتش ومفيش امل اني اتغير
وسألها هل هاتقدري تستحملي عيبي وتتعايشي معاه ولا مش هتقدري وننفصل من دلوقت ؟
قالت له هاستحمل
دلوقت بعد جوازهم بينهم مشاكل بسبب عصبيته السريعة ولما حد يتدخل بينهم بيقولهم انا صارحتها من البداية وهي خدتني على عيبي
بصراحة كدة عداه العيب
فانتي يا توتة مش هتقدري تغيريه ومحدش بيقدر يغير حد
السؤال وجيهه لنفسك
هل هاقدري تعيشي وتتعايشي مع عيبه باقي عمرك واجابتك هي اللي هتحدد تعملي ايه
ومنورة المنتدى يا جميل
وسيبك من معسكر الرجال صحيح احنا اقل بكتير لكن العبرة مش بالكثرة
اهلا بيكى نورت المنتدى
هو ممكن لما بيزعل بيتعصب و ده مقبول حسب سبب المشكله لكن لو بيغلط فيكى و انت مش متقبله الغلط ده يبقى خلاص كل واحد يكمل لوحده
و مش معنى انه بيرجع يعتذر يبقى خلاص ننسى, لا
لازم تعرفيه انك مش متقبله اسلوبه ده و خيريه بين انه يغير الأسلوب اللى بيعملك به او الأنفصال
طيب لو انت اللى مزعلاه, هل بيتقبل منك الأعتذار ولا لأ
اهلا وسهلا بيكى نورتى منتدى نايل موتورز
وكلنا هنا اخوات مش مجرد علاقات على النت او على اعضاء على منتدى
واهلا بيكى يا اخت توتا
شكرا يا جماعه وانا مبسوطه ان بقي عندي اصحاب بس عارفين المشكله الكبيره اني بحبه من وانا صغيره اوي وحصلتلنا مشاكل كتير اوي عشان الموضوع يكمل ادعولي
مش لازم يكون حب, ممكن يكون تعود مش اكتر
لا انا متاكده انه حب لان حصل حاجات صعبه واستحملنا مع بعض من حوالي 5 سنين اكيد لو كان تعود كان زماني زهقت
طيب انت جربتى تبعدى عنه فتره ؟
و بعدين 5 سنين ومستحمله عصبيته يبقى خلاص فاضل ايه تانى ؟؟!!
لالالالالالالالالالالالال الالالالااقتباس:
المشاركة الأصلية كتبت بواسطة tota_love
هو يمكن كان تمويه
بس خلاص كل شئ انكشفن وبان
مكنتش واخدة بالى فعلا كويس انك قولتيلى عدلتها
حبيبك يبلع لك الزلطاقتباس:
المشاركة الأصلية كتبت بواسطة tota_love
وعدوك يتمنى لك الغلط
لو قدرتى تكتشفى أسباب النرفزة ممكن تتجنيها بسهولة
بشششششششششششششرط
انك بتحبيه
لو مافيش حب ....... يبقى مافيش دافع للاستمرار
اهلا بيكى يا توتا معانا نورتى المنتدى يا جميل:s1[1]:وهنا كلنا اخوات واصحاب
اكييد.. وربنا يجمعك انتى وخطيبك على خير يارب ويقدملك اللى فيه الخير
اي خدمه يا بسكوته
اه طبعا بحبه شكرا يا خالد
شكرا اوي يا سوسو
الحب بيموت مع تكرار الإهانة ولا يحييه الاعتذار
عموما اللى شايل قربة مخرومة وهو عارف انها مخرومة مايشتكيش انها بتنقط عليه بعد كده
هو فى حب دلوقتى اساسا .........
نورتى نايل موتورز
شكرا علي النصيحه يا دكتور
انا هقول حاجة عن تجربة انا كنت لما اتعصب حاجة من الاثنين اغلط ومش بحب اغلط فى البنت اللى بحبها او اقفل التليفون فى وشها كانت بنعود بى 5 ايام مش بنكلم بعض على انى ازاى اقفل فى وشها التليفون بعد كدة حولت اسيطر على نفسى عشان (هى زكية) لما تكون غلطانة تنرفزنى اروح انا اغلط تبقى هية الكسبانة شغل بنات بقى بس علمت نفسى بنفس ذات نفسى ........ المهم انتى ممكن تخلى عصبى ممكن تخلى هادى ممكن تخلى بارد كمان بس ..............
شكرا علي النصيحه
بس انا هحاول
بصي معظم الرجالة و أنا منهم عصبيين :) المهم يلاقي الواحدة اللي تحتويه
و طالما في حب يبقى هتكملوا على خير ان شاء الله
و أهلا بيكي فى المنتدى يا توتا
عصبيين ماشى, بس متوصلش للغلط يعنىاقتباس:
المشاركة الأصلية كتبت بواسطة hondawy_2008
فيه حاجة
ايه اسباب النرفزة
يعنى على كل فاضية ومليانة
ولا
على حاجات فعلا بيضايق منها وانتى بتعمليها - سورى يعنى -
انا مثلا بضايق ان ادى ميعاد لحد ويتأخر عليا
فممكن اتنرفز
وبعدين حاولى انك مش تساميحه بسهولة على الغلط
هل هتقبلى يغلط امام الاولاد او ضيوف فى بيتكم
بصى انا برضه زيه كده من النوع العصبى الخلقى اللى روحه فى منخيره
ههههههههههههههه
و مش بستحمل نقاشات طويله
بس بصراحه عمرى مفكرت اهين اللى معايا
اه ممكن اقول يحرق و يولع ويلعن و يولع
بس مش اهنينها هى نفسها
و بمسك نفسى على قدر الامكان و بحاول اتحكم فى عصبيتى
بس طبعا ساعات بتفلت مني اعصابى و بنفجر بحده فى الكلام
و لو لقيت انى خلاص بأوفر او هأفور
بقولها تسيبنى دلوقتى لما اهدى و بعدين نتكلم
لحد ما هى اتعودت اصلا انها لما تلاقينى متعصب يا تهدينى شويه
يا تسيبنى و نتكلم بعدين
حاولى تجربى كده الموضوع ده و ان شاء الله يجيب نتيجه
بس فعلا زى ما الناس قالولك
مينفعش ان الاهانه تبقى ليكى انتى او موجهه ليى
اه ممكن عصبيه نرفزه زعيق جنان و تكسير
انما اهانه شخصيه مش حلوه و مستقبليا
هاتحسى احاسيس مش حلوه
و ربنا معاكى و يهديكوا
و اهلا بيكى معانا فى اسره نايل موتورز و ان شاء الله تبقى مبسوطه معانا
تحياتى
من كام يوم كنت بتفرج علي برنامج البساط احمدي علي قناة الناس والمقدم بتاعة دكتور في قمة الروعه والبرنامج مخصص للمشاكل الزوجيه
سمعته بيتكلم علي موضوع الطباع
قال وانا مؤمن بكلامه ان مفيش حاجه اسمها ده طبعي والطبع غلاب ومش بيتغير والكلام الفاضي ده كله
مفيش حاجه اسمها طبعي ومش هغيره لان ده مش حاجه وراثيه ولا حاجه ربنا خلقها فيك وملكش ذنب فيها
اي انسان يقدر يغير طبعه بس المهم ازاي؟
يعني انتي عايزاه يغير طبعا يبقي مش انت مش عاجبني كده ولازم تغير طبعك والكلام ده - لازم تشوفي حاجه تخليه هو اللي يبتدي يغير من نفسه بنفسه
في حاجات بتاخد وقت عشان تغير وفي حاجات سهله
انا كنت نرفوذ قوي وبالبلدي كده كنت عمال اكل في نفسي عمال علي بطال وقعدت مع نفسي وابتديت اهدي شويه ودلوقتي باخد اي موقف بمنتهي الهدوء
نفسي النظام مع مراتي فيها برده حاجات مش بحبها وخلتها تغيرها وهي غيرت فيا حاجات كتيير
اهم حاجه طريقة التواصل
مفيش حاجه اسمها طالما بيتنرفذ من اولها يبقي بلاشه وطالما مش عارف ايه يبقي سيبيه احسن
لو بتحبيه بجد يبقي خليكي وراه لحد ماتغيرييه او تغيرييه
اقتباس:
المشاركة الأصلية كتبت بواسطة shaddadfalcon1
انا حسة ان هى عايزة حد يقولها كده
بس الواحد لما بيعوز يتغير لو هو شخصيا عنده الرغبة وحاول بقوة الموضوع بيبقى صعب جدا فما بالك لو هو معندوش الرغبة او مش عايز يحاول او اشتغل على نغمة انت كنت عارفة واستحملتى من قبل الجواز
انتى الوحيدة اللى تقدرى تحكمى مينفعش تاخدى رأى حد فى الموضوع ده لأن اللى انتى تقبليه غيرك ميقبلوش والعكس
وانت اللى تعرفيه اجمالا بكل حاجة فيه وفيكى كمان
وممكن يكون فى حاجات تانية حلوة تغطى على ده
وممكن فعلا لما تبقى فى الجد متستحمليش
وميصعبش عليكى الخمس سنين لو حسبنا استحملتى نرفزته فيهم قد ايه مش هتكمل 5 شهور يعنى قعدتوا مع بعض قد ايه فى 5 سنين
وايع يعنى 5 سنين قصاد عمرك اللى فاضل
اعملى استخارة وحاولى تحكمى عقلك اكتر من قلبك لأن الأهانة فعلا ممكن تجرح الحب لغاية ما تقتله وخصوصا لو بقت قدام الناس وقدام الأطفال فى المستقبل
فى ناس ممكن تمتصى غضبها ويبقى ليكى دخل
وفى ناس مبينفعش معاهم حاجة خالص لو الزناد انطلق لا رجعة
شوفى هو من اى نوع
والأعتذارات بعد كده هتفقد معناها وقيمتها ليكى وليه
ورأى المقربين منك ايه لأنهم شايفين اكتر مننا
وربنا يعمل لك اللى فيه مصلحتك وخيرك ويوفقك
http://www.al-amakn.net/up/uploads/i...780c1a1ddc.gif
شكرا اوي علي النصيحه
لو العصبية بشكل مرضي او غير محتمل ........ يبقى لازم تراجعي نفسك اكتر من مرة
العيوب اللي بتظهر في فترة الخطوبة بتكون زي قمة جبل الجليد اللي عايم في البحر ...... بيبقى الظاهر منه 10% فقط والباقي تحت الماء ...... يعني ح يظهر باقي العيب بعد الزواج
...
انتو دلوقتي في فترة الخطوبة اللي هيا فترة التجمل من كل طرف للآخر ...... امال لما يبقى فيه بيت واسرة واولاد وازعاج ومدارس ومصاريف وحاجات تاني كتير اوي
ح يكون عصبيته شكلها ايه
....
انتي اللي تقدري تحددي مدي استحمالك لعصبيته ..... مع العلم ان الحياة ومصاعبها ومشاكلها بتدفع الانسان نحو زيادة العصبية ..... يعني ما تتوقعيش انه ح يتعدل بعد الزواج ..... اعتقد ان العكس هو الصحيح ......
هل انتي ح تقدري تستحملي العصبية دي كأمر يومي مسلم به ؟؟؟؟؟؟؟؟
إجابتك على هذا السؤال يتحدد منها قرارك ...... وده زواج .... يعني عمر مش امر بسيط
ربنا يوفقك للقرار الصائب