اقرا الحادثة

**kono** · 06-10-2010 01:21 AM

كان نفسى اجيلكوا بخر حلو
بس انا حسيت انى تقريبا الوحيد اللى معاه سيراتو اللى لسه معملش حادثة فى المنتدى ( ربنا يكفينا كلنا شر الحوادث )
فقولت اشمعنى انا بقى
المهم التفاصيل
المكان : ميناء دمياط المشؤم أمام مسجد الحاويات
الزمان : الثلاثاء 5-10-2010 الساعة 12 ونص الضهر
الأحداث : كنت بخلص شغل ونازل باركب العربية ورايح لمكان تانى اكمل فيه الشغل ( روتينيات العمل الممل فى مصر لازم تروح مليون جهة عشان تنجز شغلك ) وانا طالع من شارع يعتبر جانبى بعض الشئ وفيه فى اول الشارع الرئيسى كده يو ترن
انا ماشى فى حالى لا بيا ولا عليا وببص جنبى الاقى مقطورة جنب الشباك وش
مفهمتش اعمل ايه المهم كيك داون عشان اهرب منها بس هو كان شكله مصمم ومفرملش
تااااااك اتخبطت من جنبى الشمال ورا ركنت ونازل اشوف وبقول يارب ملاقفيش حاجة جامدة
لاقيت الفانوس وشه اتكسر ومن الجنب شوية
الرفرف الورانى اتدهس لجوه
الاكصدام الخلفى وقع لتحت شوية
والحمد لله على كل شئ
بس سواق النقل طلع محترم وقف معايا لحد ما جبت شرطة المينا وعملنا محضر بس مجبتش سيرته فيه وقولتله مش عاوز منك حاجة

طبعا المحضر لازم يروح المركز الاول وبعدين اروح اسال عليه
مش عارف بقى اعمل ايه بعد ما اجيب صورة المحضر
انا مامن مع مصر للتامين

دى كام صورة للعربية

2shared - file upload

2shared - file upload

2shared - file upload