الموضوع: تعمل ايه لو اكنشفت ان مراتك حوشت من وراك مبلغ كبير ؟؟؟

المشاركة الأصلية كتبت بواسطة sara2001

انا مستغربه الردود اللى بتقول عادي
عادي لو دي فلوسها سواء مصدرها اهلها او مرتبها من عملها او ميراث
او مصروف شخصي من زوجها
لكن
مصروف البيت معروف انه للبيت
احوش منه 30 سنه بدون علم الزوج ....... خيانة امانه طبعاً
إلا إذا كان هو بيقول لها اللي يفيض من مصروف البيت خديه او اتصرفي فيه
العادي انها تحوش من مصروف البيت شهر ولا شهرين
ولما تيجي احدى الفواتير المعتاده غاليه
تقول له ان كان فاضل من مصروف البيت كذا ممكن نسدد بيه الفواتير
او لو اتحوش مبلغ ممكن نجيب بيه جهاز او حاجه ناقصه في البيت
لكن ما ينفعش اروح اجيب بيه حاجه شخصيه لنفسي او لأهلي
وحتى لو هديه للزوج هتبقى مأخوذه منه بسيف الحياء

وبعدين ما هو ده زي الأولاد الي بياخدوا مصروف من اهلهم
وبيطلبوا مصاريف منفصله للكتب او للدروس
توافقوا ان الأولاد يكذبوا في تمن الكتب والدروس
علشان يزودوا المصروف الشخصي
او زي ما في ستات كتير بتحب تقول ان سعر الحاجه اعلى من تمنها الحقيقي
لسببين : التفاخر وانها تاخد من زوجها تمن اعلى من تمن الحاجه اللي اشترتها
وتاخد الباقي لنفسها .... فين الأمانه هنا؟
كل ده مال حراااااام و غير مبارك فيه لأنه سرقه
الحاله الوحيده المسموح بها الأخذ من مال الزوج بدون علمه هي البخل
وفي حدود كمان هي ما يكفي من اكل وملبس فقط مش هدايا ونثريات




احييك بشده على رأيك

الله يفتح عليك الحمد لله لسه فى بنات مقتنعه بالكلام والرأى ده

انت فهمتى انا اقصد ايه وليه بقول حرام وخيانه

طبعا لانه بدون علم الزوج ولا موافقته يبقى كده الامر اختلف تمـــــــــــــــــــــام ا

كل ده مال حراااااام و غير مبارك فيه لأنه سرقه
الحاله الوحيده المسموح بها الأخذ من مال الزوج بدون علمه هي البخل
وفي حدود كمان هي ما يكفي من اكل وملبس فقط مش هدايا ونثريات

واتفق معاكى فى النقطه دى والتى وضحها اخونا اسلام وقال حديث للرسول (ص) عن الحاله دى

المشاركة الأصلية كتبت بواسطة soma_sooma

فى الحقيقة بعد ما قرأت جميع التعليقات هرد من وجهة نظرى

اولا لازم نعرف هى ليه عملت كدة فى الأصل :

حرد على اسئلتك من واقع الحاله الى انا بتكلم عليها بتاعه ال 30 سنه لانى اعرف عنهم حاجات كتير وحضرتك تجاوبى عليا ده كده خيانه وحرام ولالا


هل لأنزوجها بخيل ؟ لا خااااااااالص وبشهاده كل الناس بجد راجل كريم
هل لأنة مش بيحب يجامل اهلها زى ما هى عايزة؟؟ لا خالص بالعكس فاتح بيته ليهم وبيكرمهم وبيهاديهم
هل لأنة مبيديهاش مصروف ؟ لا بالعكس برضه مصروف كبير اكبر من مرتب موظف او عامل
هل دة خوف من المستقبل عليهم هم الأثنين وعلى اولادهم وان محدش عارف بكرة فى ايه؟؟ الله اعلم بالنوايا بس لو كده كانت قالت ليه
هل دة عشان زى ما بيقولوفى المثل زمان لازم الست تقصقص ريشة؟؟ لا مش مبرر خالص وملوش دعوه لانه حيطلعله ريش تانى
هل دة لأنها طماعة ؟ الله اعلم برضه بس هى برضه مش بخيله
هل دة لأن زوجها مسرف وهى بتحاول تمسك شوية ؟؟ الله اعلم برضه ممكن تكون بتفكر كده بس ده مش مبرر
هل دة لأن الزوجة حابة تجيب هديةلزوجها فا بتحوشلة؟؟ لا مش للسبب ده ولو كده يبقى هو حيعرف لكن هى مخبيه الفلوس منه
هل دة لأنها بتحاول تحوش عشان تجيب شقة لاولادها مثلا او زوجها يفتح مشروع خاص ؟؟ لا اولادها مش محتاجين

فى اسباب كتيرة جدا تخلى الست تعمل كدة ...

لازم بقى نفسر كل تصرف على حدى لأن كل موقف ولية ردالفعل عاليه

فا انا مستنية ردك عن اى موقف انت تقصد تتناقش فية؟؟؟

مستنى ردك عن الاجابات الى انا كتبتها

المشاركة الأصلية كتبت بواسطة نور القمر

99% من الاراء المؤيدة للزوجة هي اراء رجال
بمعنى انهم موافقين ومعندهمش مانع من حيث المبدأ
اذن مش خيانة امانة

مش مبرر

الى بيدفع رشوه بيدفعها وهو معندوش مانع وهو عارف انه حرام يبقى هى كده حلال لانه معندوش مانع ودفعها بمزاجه (ده مجرد مثل )

بس كل واحد حر فى رأيه لكن فى النهايه الكلام ده صح ولا غلط وحرام ولا حلال ده الى بتكلم فيه الاعتراف بالحق فضيله

المشاركة الأصلية كتبت بواسطة islam_galal

مش بالآراء
لأن ده حساب حنقابل بيه رب كريم ، مش مهم رأي الناس
المهم رأي الخالق

ممكن حضرتك تستفتي دار الإفتاء مثلا بس خللي السؤال واضح و علي حالة محددة
سيبك من آراءنا فهي لن تغني عن أحدنا من الله شيئا

(بالمناسبة أنا سألت زوجتي رأيها بحكم إن معلوماتها الدينية أقوي مني و أيدت رأيي قبل قراءته و بعده)
الزوجة الصالحة أفضل ما في الدنيا و كيف تكون صالحة و هي غير مصارحة

اتفق معاك فى الجزء الاول من كلامك طبعا

وانا طبعا عرفت اغلب المعلومات دى من زوجتى وطبعا سألتها الى حصل ده حرام ولا حلال وده صح ولا غلط لاقيت انه رأيها من رأى برضه ولكن حاسس انها بتشاور عقلها هههههههههههههههههه

المشاركة الأصلية كتبت بواسطة islam_galal

هو لو اتفضل حاجة من مصروف البيت مش المفروض يرجع لصاحب المال

طبعا لو كان الزوج موافق من البداية كأن يقول ده مصروف البيت و لو اتفضل منه حاجة انتي حرة فيه
في الحالة دي طبعا مفيش مشكلة

انما تخزين مبلغ و زيادته بشكل اعتيادي بدون معرفة الزوج ، ده وضه مختلف

طيب هي الفلوس مش فلوس الزوج
طيب بتخبي ليه ؟
و بعدين ليه نفترض إن نيتها كويسة ، و برضه ليه نفترض إن نيتها وحشة ، النوايا دي اللي بيحاسب عليها هو اللي خلقنا بس
المفروض مننا نتقي الشبهات

و مع زيادة المبلغ لأرقام ضخمة بيبقي الوضع مشبوه جدا جدا و يعتبر خيانه للأمانه

قصة حقيقية:
زوجة مصرية تعيش في الخليج و كالعاده هناك يتم التحويش بشراء الذهب

الزوجة أعطت الذهب لأختها و أبوها و أمها لحل أزمة مالية
بعد فترة اكتشف الزوج عدم وجود الذهب و بمتابعة سلوك الزوجة اكتشف انها تركت شقة الزوجية في مصر لأبوها و أمها (مسنين) و أختها

طبعا الراجل اتجنن و ظلت الزوجة تدافع عن أهلها و كانوا علي شفي الطلاق و بالرجوع للأخت رفضت إعادة أي أموال؟
الزوجة كانت بتحاول تساعد أهلها
بس النتيجة الزوج اتنصب عليه

حسن النوايا غير كاف
الغاية لا تبرر الوسيلة

لو حنتكلم عن الزوجات الى بتاخد من فلوس زوجها من غير ميعرف وتروح تدى اهلها ده عاوز موضوع تااااااااااانى
وطبعا الكلام ده حرام حرام حرام

وفى النهايه برضه زى ما انت قولت الغايه لاتبرر الوسيله

المشاركة الأصلية كتبت بواسطة dramir1

لكن لازم يكون بعلمه ولو بتلميح ليه انها بتحوش من مصروف البيت عشان لو جراله حاجه يبقى مسامحها في الفلوس دي

الله ينور عليك هو ده الى بتكلم فيه

تحوش اوكى بس من ورايا ماينفعش عشان حرام
واعتقد ان بعض الشيوخ قالو ممكن فى بعض الحالات مثل ان الزوج مدمن (خمر-بودره-حشيش) وبيصرف فلوسه على الحاجات دى فينفع انها تحوش من وراه
مسرف وبيحب الفشخره ينفع تحوش عشان العيال مايشحتوش اذا حصل اى دروب
حاجات كدا يعنى
لكن تحوش عشان تجيب دهب ولا ارض ولا حاجات كدا لازم بأذن الزوج

المشاركة الأصلية كتبت بواسطة omaroof

تحوش اوكى بس من ورايا ماينفعش عشان حرام
واعتقد ان بعض الشيوخ قالو ممكن فى بعض الحالات مثل ان الزوج مدمن (خمر-بودره-حشيش) وبيصرف فلوسه على الحاجات دى فينفع انها تحوش من وراه
مسرف وبيحب الفشخره ينفع تحوش عشان العيال مايشحتوش اذا حصل اى دروب
حاجات كدا يعنى
لكن تحوش عشان تجيب دهب ولا ارض ولا حاجات كدا لازم بأذن الزوج

تسلم يا باشا ده الكلام
:. وهو المطلوب اثباته

و ليه الزوج ميعملش كونترول - ودي - على نفقات البيت
بحيث انه يكون عارف فين المصاريف الاساسية و كام و هكذا
+
يديها مصروف ايدها ليها هي - الستات بتحب تتحرك في مساحة حرية و لو ضيقة- تحس فيها ان دي فلوسها

مع التأكيد على ان التحويش من وراء الزوج حرام
و كمان في نقطة
ممكن الزوج يكون مضغوط او عنده ظروف
بس مش مبين لمراته
و بيديها المصروف عادى اللي هي بتطلبه
شوف ازاي ممكن تخفف عنه لو قللت المبلغ ده

و لا ايه