تعمل ايه لو اكنشفت ان مراتك حوشت من وراك مبلغ كبير ؟؟؟

**heshamzaky** · 08-10-2010 02:51 PM

يا ريت تحوش من ورايا من ادامى المهم تحوش و السلام افترض حسن النية ممكن الزوج يكون مسرف و اكيد هية بتشيل الفلوس لوقت حاجة مش علشان تصرفها على نفسها افترض حسن النية و اتبسطو بالملغ الى اتحوش

**mikho83** · 08-10-2010 03:13 PM

يا عم بس هى تحوش وانا في الآخر اللي هاخدهم.هههههههههه. بس لو من مصادر مجهولة يبقي لازم الواحد يعرف ايه هي المصادر دي

**zakiali** · 08-10-2010 03:36 PM

كلهم بيعملوا كدع علي فكره وده طبع فيهم .. بس المهم تكون نيتها كويسه

**wesam_salom** · 09-10-2010 02:44 AM

حصلت معايا وحوشت مبلغ معقول من مصروفها الشخصى

+ شويه خنصره من مصروف البيت (هات 90 جنيه لحد ما افك ال100 جنيه اللى معايا)

+حبه استعباط (نازله تشترى حاجه وانا بوصلها تقولى ادفع علشان مجبتش فلوس) او عيب انا ادفع وانت معايا خايفه احرجك (مع انى مديها الفلوس قبل ما نخرج) او انا اشتريت الحاجه دى من عند حد معرفتك وحلف ما ياخد منى فلوس الا منك علشان نفسه يشوفك

+++++ طبعا حبه تقليب من جيبى فى الهدوم اللى رايحه الغسيل واى فكه استحاله الاقيها

وفى الاخر استلفتهم منها وقلت لها عيب يا روحى دا انا وما املك وعمرى كله ليكى

ابقى قابلينى لو خدتيهم بعد كده

بس هى اللى غلطانه طبعا

كل ما تكمل 80 جنيه تديهوملى اكملهم 100 وكل 900 عاوزه تكملهم 1000 وكل الف جنيه ببقى عاوز اضرب عليهم الطناش تحت بند بحوش علشان اشترى لك العربيه

وفى الاخر بقى رصيدها اكبر من رصيدى بس طبعا مكنتش اتخيل انها ممكن تحوش المبلغ ده فى المده دى وطبعا مبقيتش شايل هم اى حاجه هى عاوزه تشتريها عارف انها هتعرف تحوش تمنها وانا عامل نفسى ميت

**misoalex** · 09-10-2010 03:03 AM

المشاركة الأصلية كتبت بواسطة wesam_salom

حصلت معايا وحوشت مبلغ معقول من مصروفها الشخصى

+ شويه خنصره من مصروف البيت (هات 90 جنيه لحد ما افك ال100 جنيه اللى معايا)

+حبه استعباط (نازله تشترى حاجه وانا بوصلها تقولى ادفع علشان مجبتش فلوس) او عيب انا ادفع وانت معايا خايفه احرجك (مع انى مديها الفلوس قبل ما نخرج) او انا اشتريت الحاجه دى من عند حد معرفتك وحلف ما ياخد منى فلوس الا منك علشان نفسه يشوفك

+++++ طبعا حبه تقليب من جيبى فى الهدوم اللى رايحه الغسيل واى فكه استحاله الاقيها

وفى الاخر استلفتهم منها وقلت لها عيب يا روحى دا انا وما املك وعمرى كله ليكى

ابقى قابلينى لو خدتيهم بعد كده

بس هى اللى غلطانه طبعا

كل ما تكمل 80 جنيه تديهوملى اكملهم 100 وكل 900 عاوزه تكملهم 1000 وكل الف جنيه ببقى عاوز اضرب عليهم الطناش تحت بند بحوش علشان اشترى لك العربيه

وفى الاخر بقى رصيدها اكبر من رصيدى بس طبعا مكنتش اتخيل انها ممكن تحوش المبلغ ده فى المده دى وطبعا مبقيتش شايل هم اى حاجه هى عاوزه تشتريها عارف انها هتعرف تحوش تمنها وانا عامل نفسى ميت

ههههههههههه بس الى انت بتقوله ده عادى زى معظم الناس ومفيش حاجه غلط بالعكس ده انت الى بتجمد ليها الفلوس يعنى كله ادامك

لكن لو بدون علمك او بدون متاخد علم او خبر وفجأه لاقيت جواب من البنك مثلا بيفيد ان المدام رصيدها فى البنك 30 الف وانت متعرفش اى حاجه عن الكلام ده
ماذا سوف تفعل

**A.samy** · 09-10-2010 04:33 AM

لو هى بتحوش من مصروف البيت وانت محستش يبقى هى صح لانك انت كدة تبقى فى الطراوه ومن حقها تأمين نفسها من واحد مش عارف بيتو بيصرف كام ولا ازاى و مكبر دماغة يبقى من حقها انها تحوش للزمن .
وانا متأكد ان لو الراجل مراعى بيتو كويس وعارف اية اللى رايح واية اللى جاى مش هتعرف تحوش من وراك ولو حوشت هتبقى مبالغ لا تذكر من مصروفها الشخصى .

**misoalex** · 09-10-2010 05:00 AM

المشاركة الأصلية كتبت بواسطة a.samy

لو هى بتحوش من مصروف البيت وانت محستش يبقى هى صح لانك انت كدة تبقى فى الطراوه ومن حقها تأمين نفسها من واحد مش عارف بيتو بيصرف كام ولا ازاى و مكبر دماغة يبقى من حقها انها تحوش للزمن .
وانا متأكد ان لو الراجل مراعى بيتو كويس وعارف اية اللى رايح واية اللى جاى مش هتعرف تحوش من وراك ولو حوشت هتبقى مبالغ لا تذكر من مصروفها الشخصى .

لا يا باشا اختلف معاك مفيش حاجه اسمها فى الطراوه هو انت قاعد مع المدام ال 24 ساعه وراشق معاها فى كل حته
و لا هى حتجيبلك فاتوره من الجزار وبتاع الخضار وكل المصاريف الى صرفتها

لازم يبقى فيه ثقه بين الزوجين يا باشا مش حراقب كل حاجه واقول عشان ابقى مش فى الطراوه

امال انا بقول خيانه ليه لان انت وثقت فيها فى جزء معين من مهماتها فى الحياه وهى استغلته لصالحها

**هيثم** · 09-10-2010 10:07 AM

دا تبقى ست محترمه
و يا بخت جوزها

**AVON** · 10-10-2010 05:06 PM

من حقها تحوش من مصروف البيت بس بشرط أن تقول لزوجها عندما يتبقى من المصروف شىء سوف آخذه لمصاريفى الشخصية أو تحوش من مصروفها الشخصى أذا كان زوجها يعطيها مصروفا شخصيا ، الزوجة أو المرأة بوجه عام تحب أن يكون لديها مال يخصها هى تحسبا لأى ظروف مثلا أن يكون الزوج مسافر ولم يرسل لها نقود أو أن يكون مرتبه خلص ومصروف البيت خلص بدل ما يستلف من حد غريب عنه . كما أنه هناك نقطة أخرى أذا قالت لزوجها أن معها مبلغ معين من المال فأول رد فعل لمعظم الأزواج أنه سيأخذ هذا المال ويصرفه وسيقلل من المصروف ومش هيصدق أنها معهاش فلوس فى يوم من الأيام.