الحب.....

**M.almaghraby** · 06-10-2010 06:38 AM

حب ؟؟ يعني ايه !!

**magyver** · 06-10-2010 06:52 AM

الحب دة بيودي في داهية والله العظيم
بس الواحد بيضعف قدااامة

**ams** · 06-10-2010 07:11 AM

ببساطة لو مفيش حزن او وجع يبقى الفرح مالوش اى معنى

**beetleMOSH** · 06-10-2010 07:55 AM

ماهو لو الحياه على طول حلوه
هتبقى ملل
و لو نكد على طول برضه يبقي كأبه

انما الشعتفه بين السعاده و الكأبه
هى دى سر حلاوه الحب

يعنى مثلا انا عملت حاجه زعلت اللى بحبها
و هى زعلت لو انا ماصلحتهاش و اعترفت انى زعلتها و صالحتها

هى مش هاتحس بنفسها و مش هاتحس قد ايه انا مقدرها
و بخاف على زعلها
بل بالعكس لو زعلنا شويه و اتصالحنا
هانرجع احلى من الاول
عشان هى هاتحس انها متقدره بجد و انى بخاف على زعلها
و انا نفسى هاعرف اد ايه انا مبحبش الانسانه دى تكون زعلانه منى

ده بس مثال للتوضيح

فى حاجات تانيه الواحد برضه لازم ياخد بالظروف و الاسباب المحيطه بالانسان
علشان الواحد ساعات بيعمل تصرفات بتبقى ناتجه عن ضغوط هو حاسس بيها او ضغوط عليه
ك زعيق مثلا نرفزه زياده شويه الكلام ده

بس طبعا لازم الطرفين يبقوا فهمين حاجه زى دى
ان كل واحد بيقدر التانى و بيقدر ظروفه
مش موضوع انه ضعف او انه مغلوب على امره

بجد لو الطرفين متفاهمين على كده
الحياه بتبقى بينهم حلوه اوى
و بعد اى لحظه زعل
بمجرد انهم يتصالحوا و يهدوا كدا
بيبقوا عاملين زى الاطفال الصغيرين فى حنيتهم على بعض

و ربنا يملا قلوبنا بالحب و يقربنا من كل اللى بنحبهم
قولوا اميييييييييييين

**a_samy** · 06-10-2010 08:02 AM

الحب مينفعش يبقى خيانه..هيا دى اللى بتقتل الحب فعلا..ممكن يكون فى مشاكل وحيره وقلق وخصام عشان أحنا عايشين فى الدنيا وبنتعامل مع بش مش ملايكه وأحنا نفسنا مش ملايكه..انتى أكيد بتتخانقى مع أخوكى فى البيت أو مع أختك وساعات مع والدتك بس ده ميمنعش أنك بتحبيهم ومتقدريش تستغنى عنهم........وهو ده الحب.

**n_i_t_e** · 06-10-2010 10:46 AM

الحب ممكن يحقق سعادة نظريا اذا توافرت بعض الظروف اللى من الصعب توافرها عمليا.
أولا لازم يكون الحب من طرفين معجبين ببعض و يكون استمر فترة عشان يتأكدوا انه حب مش أعجاب لحظى و بعدين لازم شخصيتهم تتوافق و ميولهم بحيث يكون أسلوب حياتهم المشترك واحد و أخيرا بعد كل ده لازم الاتنين يكونوا عندهم القدرة عاى التسامح عشان لما واحد يغلط لتانى ميجلدوش أو يشيل فى قلبه و حبه يتهز.

**fares2014** · 06-10-2010 11:22 AM

مفيش حب خالي من العذاب والألم والتضحيه
ليه؟لانك منتظر من الطرف التاني كل حاجه مثاليه فلما تلاقي منه هفوات وزلات بتتألم وده الطبيعي لان مفيش انسان كامل
بس اهم حاجه ان الأخطاء(الحاجات الوحشه) متكنش أكتر من الحاجات الحلوه

**shaddadfalcon1** · 06-10-2010 11:27 AM

حب ايه اللي انت جاي تقول عليه

هو في حد فاضي اليومين دوول للكلام ده

**Dr Ahmed** · 06-10-2010 11:32 AM

أنا شايف مواضيع غريبة عمالة تتكتب من يومين وكلها فى نفس الدايرة

مش دا منتدى سيارات برضه؟

مش المنتدى الاجتماعى وظيفته استراحة جانبية جنب محطات السيارات؟

طالما ممكن إضافة نفس الكلام للمواضيع القديمة ليه بنفتح مواضيع جديدة؟

على فكرة مشاركات الاجتماعى لا يتم حسابها فى عداد المشاركات

**بحري** · 06-10-2010 11:45 AM

المشاركة الأصلية كتبت بواسطة dr ahmed

أنا شايف مواضيع غريبة عمالة تتكتب من يومين وكلها فى نفس الدايرة

مش دا منتدى سيارات برضه؟

مش المنتدى الاجتماعى وظيفته استراحة جانبية جنب محطات السيارات؟

أنا أقترح عمل قسم فرعي جديد في الاجتماعي ونسميه (الحب في البنزينة)

الموضوع: الحب.....

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الحب الحب .. فزاع وبيظوووو

الحب عطاء (حتي نتذكر ما هو الحب)

(( ومن الحب ... جنون !! ))

الحب الثانى....

انت فين من الحب؟

الكلمات الدلالية لهذا الموضوع

المفضلات

المفضلات

ضوابط المشاركة