مشكلة فى الزيت

**khaledserag** · 06-10-2010 03:23 AM

انا عربيتى لانوس 2002 عاملة 101000 كم و شاريها من 5 شهور
المشكلة ان انا بستعمل زيت فيسكو 2000و قبله كان موبيل xhp الزيت دلوقتى بقاله فى العربية 2500 كم و كان العلامة عند ال max دلوقتى بعد 2500 كم بقت عند ال min و نفس الكلام حصل مع ال موبيل مع ملاحظة ان العربية مش بتدخن و انا ماشى نهائى و مش بلاقى زيت تحت العربية فى اى وقت فمش عارف ده ممكن يكون سببه ايه و لما اشتريت العربية قست الموتور فى بنزينة و كانت نسبته 75%
مش عارف باين على العربية بتحب السوائل اصلها بتشرب البنزين و المية بتنقص و ادى الزيت كمان

**bakkarahmed** · 06-10-2010 04:02 AM

ممكن تخلع خرطوم الفايظ اللي خارج من الموتور وتسحب بكره الاكسراتير علشان تشوف البخره كويس ..لان متهيألي انها بخره قليله وممكن ماتظهرش الا مع القرص علي الموتور...
بالنسبه للزيت الموبيل عندي مش بينقص لغايه 3000 كيلو (ماجربتش بعد كده)..اما الفيسكو2000 نقص حوالي ربع كيلو بعد 2000 كيلو.

**karimfahmy99** · 06-10-2010 06:29 AM

زى الاخ بكار ما قال شوف اذا كان فى دخنة بخر من الخرطوم مع شد البكرة ممكن يكون من وش السلندر

شوف حد بتاع رادياتيرات و اكبس الدايرة و شوف التسريب منين . غالبا ممكن من الغطا او القربة

موضوع البنزين انت مظبط الفيشة على اى وضع ؟؟ و هل فى عصلجة فى الدوارة فى اى وقت ؟؟ و بتحط بنزين كام ؟؟

**m0hsen** · 06-10-2010 11:28 AM

نفس المشكلة اللى عندى بالظبط

**khaledserag** · 07-10-2010 01:41 AM

موضوع البنزين انت مظبط الفيشة على اى وضع ؟؟ و هل فى عصلجة فى الدوارة فى اى وقت ؟؟ و بتحط بنزين كام ؟؟

انا ملعبتش فى الفيشة قبل كدة (هو ظبط الفيشة له علاقة باستهلاك البنزين؟ و لا بتحسين اداء العربية؟)
لا يوجد عصلجة فى الدوارة من ساعة ما غيرت الرشاشات برشاشات بى ام
بحط بنزين 90

**megadeath** · 07-10-2010 12:09 PM

على فكرة انا برده عندى نفس المشكلة. انا عربيتى لانوس 1 عاملة 128000 كم اتوماتيك لقيت الزيت بينقص عندى و لا اى دخنة بيضا و مكنش فيه اى تسريب خالص و لا في بقع زيت على الارض و لا اى حاجة كان الزيت بنقص و بس
روحت للمكانيكى بتاعى و قالى ده عايزة كاوتش صباب و حنشوف اخبار الشنبر ايه .... فتح الموتور و قالى عايزه طقم شنبر و الشميز كويس ما فيش اى حاجة فيه خالص و الحمد لله ... و خلص العربية و لينت 1000 كم و بعدين و انا بغير الزيت لقيته عند علامة min زى زمان ( قيل ما اعمل الشنبر )

فخلاص ما بقيتش عارف اعمل ايه و لا بقيت فاهم حاجة فى اى حاجة

**عصام غنايم** · 07-10-2010 01:53 PM

انا ملعبتش فى الفيشة قبل كدة (هو ظبط الفيشة له علاقة باستهلاك البنزين؟ و لا بتحسين اداء العربية؟)
لا يوجد عصلجة فى الدوارة من ساعة ما غيرت الرشاشات برشاشات بى ام
بحط بنزين

ظبط الفيشه بيحسن الادآ والاستهلاك

بص على الموضوع ده

http://www.nilemotors.net/Nile/151996-a.html