محتاج أستاذ سمكرة ودهان

**aaet1** · 06-10-2010 03:39 AM

السلام عليكم، النهاردة كنت بهزر مع نقل هزار خفيف كده طلعت منه بخبطة فى الرفرف الشمال ورا تقدروا تقولوا حجمها قد الكف كده جنب الفانوس الورانى والحمد لله الفانوس ماحصلوش حاجة .... بصراحة اتنكدت ومحتاج واحد استاذ يخلصلى الموضوع ده فى نفس اليوم ويكون فعلا استاذ سمكرة ودهان ويقدر يرجع كل حاجة لأصلها صاج ولون ... أنا ساكن فى مصر الجديدة فياريت حد يكون فى المنطقة والمناطق اللى حوالينا

تحياتى

**NoRmAl** · 06-10-2010 06:39 PM

أولا الحمد لله على سلامتك
مش عارف أيه علاقه الحته دى بالذات والحوادث فى النيو سيراتو!!!!
أنا أتخبط فيها 3 مرات!!
ولسه كونو عامل موضوع مخبوط فيها
وأنا أهو :))
مش عارف
المهم جرب العقيد خالد ليه موضوع فوق فى الاعلانات

**aaet1** · 06-10-2010 07:02 PM

المشاركة الأصلية كتبت بواسطة normal

أولا الحمد لله على سلامتك
مش عارف أيه علاقه الحته دى بالذات والحوادث فى النيو سيراتو!!!!
أنا أتخبط فيها 3 مرات!!
ولسه كونو عامل موضوع مخبوط فيها
وأنا أهو :))
مش عارف
المهم جرب العقيد خالد ليه موضوع فوق فى الاعلانات

على رأيك وسبحان الله أنا لسه مخبوط الخبطة دى امبارح بليل ولسه راجع بفتح النايل موتورز علشان اسال على واحد كويس الاقى نفس الخبطة بس بزيادة شوية فى نفس المنطقة عند اخونا كونو ... بس بصراحة أنا مش عاوز ابهدل نفسى مع قرف الوكيل (عن تجربة سابقة وهنروح بعيد ليه ما هو انت عايش القصة اليومين دول) ومع انى مأمن بس أخلص نفسى بره احسن

**aaet1** · 06-10-2010 07:07 PM

اللى أنا خايف منه ان اللون بتاعى هو الميتال برونز فده هل هو ممكن يضرب بسهولة عند حد ولا لازم الوكيل

**NoRmAl** · 06-10-2010 07:11 PM

المشاركة الأصلية كتبت بواسطة aaet1

اللى أنا خايف منه ان اللون بتاعى هو الميتال برونز فده هل هو ممكن يضرب بسهولة عند حد ولا لازم الوكيل

بص هو المفروض طالما فى كود يبقى بتتجاب صح
المشكله بقى فعلا فى الخامه
فروح لحد كويس وأصرف على الدوكو دا كويس
متسترخصش فى اللون أقصد

**aaet1** · 06-10-2010 08:56 PM

والله انا لقيت واحد كده بيستعمل دوكو المانى زى الوكيل حتى سعره غالى شوية فهشوف كده ... يعنى قالى ان الرفرف الورانى ده وعلشان هو لاحم فيه طبعا العتبة بتاعة الأبواب والجزء اللى فوق البابين فلازم يترش كله وادانى تكلفة 450 جنيه وحجزلى ميعاد يوم الاتنين اللى جاى والتسليم ان شاء الله على الأربعاء ... فهشوف كده وربنا يسهل

**Karim_Monir** · 06-10-2010 09:28 PM

لو سمكرة بس روح للعقيد خالد لانه بطل يشتغل دوكو
لو عايز حاجة احسن من التوكيل
مركز تكنو وان احنا متعاقدين معاه وعندة مركز سمكرة ودوكو كبير جدا بيساع اكتر من 20 في وقت واحد
وعندهم كابينة دهان حديثة جدا
وبيجبولك الالوان اللي انت عايزها بالخامات اللي انت عايزها
واحنا واخدين خصم 20 % على المصنعيات يعني لو 450 فعلا التكلفة هايتشال 90 جنيه وانت اولى بيهم خاصة انهم محترفين طلعت عربية زميلنا الزواوي زي الفل رغم ان لونها مميز برضه اللي هو دارك بريبري
معرفش انتو بتسموه ايه في كيا

**ابو ليلى** · 06-10-2010 10:40 PM

المشاركة الأصلية كتبت بواسطة manchy

ممكن تروح عند امير وجوزيف فى مصر الجديدة ده مركز عملاق فى كل حاجة وانا متاكد انه هيجيب احسن بوية واحسن سمكرة

انا لحظت فى اكتر من مشاركة ليك بتقول نفس الكلام
حضرتك كده فاكر انك بتعمله دعاية احب اقولك انك كده بتعمله دعاية سلبية وده بيدينى ايحاء انه مش لاقى شغل وبيدلل .

احنا لما بنقول لحد روح لمكان كذا بنقول عن تجربة فعلية وعن تجربه انما اسلوبك ده خطا واعتقد ان دكتور امير لو عرف اللى بتعمله هيزعل مش هيفرح .

تانى شى انت كده بتعرض نفسك للايقاف وراجع قوانين المنتدى

**Karim_Monir** · 07-10-2010 01:14 AM

المشاركة الأصلية كتبت بواسطة abouleila

انا لحظت فى اكتر من مشاركة ليك بتقول نفس الكلام
حضرتك كده فاكر انك بتعمله دعاية احب اقولك انك كده بتعمله دعاية سلبية وده بيدينى ايحاء انه مش لاقى شغل وبيدلل .

احنا لما بنقول لحد روح لمكان كذا بنقول عن تجربة فعلية وعن تجربه انما اسلوبك ده خطا واعتقد ان دكتور امير لو عرف اللى بتعمله هيزعل مش هيفرح .

تانى شى انت كده بتعرض نفسك للايقاف وراجع قوانين المنتدى

كلام ابو ليلى سليم تماما
وفعلا مشاركاتك فيها كتير دعاية للمركز ده
ثانيا انت بتقول انك روحت ليهم
ازاي تقارن المكان ده بتكنو وان
ازاي تقارن جراج تحت عمارة وعاملينه مركز صيانة
بمركز صيانة حقيقي ب 8 روافع هيدروليك وعنبر سمكرة يشيل اكتر من 20 عربية وعندهم كابينة دهان خاصة بيهم
ومركز غسيل خاص بيهم واحدث اجهزة كشف اعطال واحدث جهاز هانتر لظبط الزاويا
كل ده عايز تقارنه بمركز تحت عمارة
مش لاقي حاجة ارد عليك بيها

الموضوع: محتاج أستاذ سمكرة ودهان

LinkBack

أدوات الموضوع

عرض

-

-

-

-

-

المواضيع المتشابهه

استفسار عن سعر سمكرة ودهان رفرف امامي لعربية لانوس

سمكرة ودهان لكبوت السيراتو

عايز ورشة سمكرة ودهان

تتكلف كام سمكرة ودهان؟

سمكرة ودهان ارجو النصيحة

الكلمات الدلالية لهذا الموضوع

المفضلات

المفضلات

ضوابط المشاركة