هيــونــداى الانترا المنوال او الاتوماتيك 2008

**up2date4ever** · 21-03-2008 02:47 PM

السلام عليكم
انا ياجماعة محتار وبصراحة خايف من الاتوماتيك عشان انا سمعت ان الفيتس صيني وفى ناس بيقولو ماتجيبشى فى اى عربيه كورى اتوماتيك ميش بيعامر وثمنه فى الانترا2008 بـ 26000 الف من التوكيل ارجو المساعده والمقارنه بينها وبين الاوبترا الاتوماتيك
شكرا

**ahmedsami640** · 21-03-2008 06:10 PM

بص خليك في المنيوال احسن انا عن نفسي بفضله عن الاوتوماتيك والسحب في المنيوال بيبقى افضل

اما نقطة المقارنة مب بينها و مابين الاوبترا فالالنترا اعلى بكتيرررررر منها في كل حاجة وبالذات في قوة الموتور

**bassam nagy** · 21-03-2008 10:37 PM

الانترا احسن من الاوبترا
انا مع حضرتك ان الكورى الاتوماتيك مايتركبش مستعمل
بس الانترا مع واحد صحبى واتوماتيك واستخدامة سى جدا للفتيس بس ماشاء اللُة زى الفل
المهم الاهتمام بازيت الفتيس وتغيرة فى ميعادة والاستخدام المحافظ للفتيس

**up2date4ever** · 22-03-2008 02:29 AM

بس ياجماعه مدام الواحد هيركب كورى يبقى افكر فى الاوبترا ارخص بـ 10 الف بس انا عارف ان الانترا فيها option كثيره بس موضوع البيع من فيهم بياعا اكتر الانترا او الاوبترا ؟
وشكراااااااااا

**bassam nagy** · 22-03-2008 12:46 PM

اتوقع الاوبترا سريعة البيع عن الانترا والعامل فى الموضوع دة السعر اتوماتيك الاوبترا بى 94000 تقريبا الانترا 104000

**liquidator** · 22-03-2008 01:01 PM

اسمحلي بعد اذنك أنا معترض انك حطيت الأوبترا و الالنترا في خانه واحده و قلت ماهو كله كوري !!! لا يا سيدي الفاضل , الالنترا في تكنولوجيا أعلي بكتير من الأوبترا ... تكنولوجيا التغيير المستمر لتوقيت فتح و قفل الصمامات ( CVVT ) اختصار ل (Continous Variable Valve Timing ) و ده بيديك أحسن استهلاك للبنزين و أفضل سحب و ده اللي رفع قوة الموتور ل 122 حصان ...
تاني حاجه تكنولوجيا MDPS أو Motor Drived Power Steering و هو نظام الباور الكهربائي عن طريق موتور كهربائي يساعدك في الستيرنج ... و ده طبعا يوفرلك في استهلاك البنزين لأن مفيش خلاص طلمبة باور تبقي حمل علي الموتور و لو انت تعرف ان طلمبة الباور بتاخد 5 حصان من الموتور كمان تعرف ان السحب هايبقي أحسن كتير لعدم وجود هذه الطلمبة .. ده بالاضافة لنعومة الدريكسيون بشكل ملحوظ عن الباور العادي ... الأوبترا الغلبانه يا عيني موتورها 108 حصان علي ما أذكر و مفهوش أي نوع من التكنولوجيا يعني موتور حقن عادي و الباور بتاعها عادي يعني اطرح 5 حصان من ال 108 !!!! حاجه كمان ... الأوبترا دي أصلا دايو نوبيرا في ثوبها الجديد بعد ما فلست دايو و اشترتها جينيرال موتورز .. موتورها هو هو موتور النوبيرا مع تغيير الكافر بتاع الموتور بس ... تعليقها نوبيرا و عفشتها نوبيرا و كلنا عارفين ان النوبيرا تعتبر قديمة و حجم التكنولوجيا فيها مش أد كده ...
الأوبترا بتتباع في كندا و أستراليا باسم شيفروليه نوبيرا !!
الالنترا برقبتها و ان كنت هاتفكر تشتري واحده منهم يبقي الالنترا من غير تردد ..
و ليك رأيك الشخصي في النهايه طبعا و ياريت تبقي تقول لنا انت اخترت ايه ...

**up2date4ever** · 22-03-2008 02:37 PM

شكرا جدا لـمستر liquidator على تقيمه الرائع
بس موضوع الفيتس صيني ده كلام صح وبكام الفيتس الجديد ؟

**liquidator** · 22-03-2008 03:30 PM

أؤكدلك ان الكلام ده مالوش أي أساس من الصحه نهائيا و أنا مسؤول عن اللي بقوله ..
بالنسبه لسعر الفتيس الحقيقه مش عارف بس ممكن حضرتك تتصل ب 35390760 و تطلب من عامل السويتش يحولك علي مبيعات قطع الغيار و تسألهم بنفسك ... دي نمرة غبور أبو رواش ...

**hoshos14** · 15-04-2008 12:25 AM

dhsahih en optra hya nubira ana 3aysh f europ w koloha hena esmha cheverolet nubira
bas law ne3mel moqarna ben elntra w lancer 2007 1600cc ya tra e ahsen

**fahd_628** · 15-04-2008 01:26 AM

الأوتوماتيك شغال مادام انت حتجيب العربية زيرو يعنى انت اول واحد راكبها و اهم حاجة تحافظ علية و متشدش كتيير لأن اى فتيس اوتوماتيك مش بيستحمل الشد و التسارع كتيير يعنى ريحة و هوة حيريحك

و موضوع الفتيس صينى دة غلط خالص