تستلمها على خير ان شاء الله
بصورة عامة راجع على الآني:-
1- استلم العربية في النور عشان تلف حواليها وتشوف لو فيها أي خدوش أو أي تجريحات او حاجة مش طبيعية في البودي بتاعها
2-بص على عداد العربية شوفها عاملة كام ؟!
لو مستلمها من غبور المفروض تكون عاملة أقل من 5 كم لو مستلمها من أي معرض تاني المفروض ما تزيدش عن 50 كم اكتر من كدة يبقا العربية دي اتمشى بيها قبل كدة
3- راجع الكاسيت وشوف السي دي شغال واللا لا
4- راجع فوانيس الشبورة وشوفها هتشتغل واللا لا
5 شغل أنوارك كلها وشيك عليها
6- قبل ما تتحرك أمن على الزيت ومية الردياتير وكل حاجة عشان تكون مطمئن
7- اتأكد من الاستبن ومن عدة العربية -اللي هي الكوريك ومفتاح العجل
8- مانيوال العربية دا شيء أساسي طبعا ومانيوال الكاسيت وعلبة وش الكاسيت كمان
9-شغل التكييف عشان تطمئن انه بيطلع هوا بس وبعدين اطفيه تاني -ما تشغلهوش وانت بتلين العربية-
10-ظبط مراياتك واتوكل على الله واتحرك وما تقرصش على الموتور أول 2000 كم وما تعديش سرعة 90 كم/ ساعة
وربنا يكرمك بيها يارب ويديك خيرها ويبعد عنك شرها
المفضلات