مشكلة بمكيف الاوبترا

**madrassa** · 06-10-2010 07:38 AM

[overline]السلام عليكم
لوسمحتوا عندى مشكلة بالاوبترا ومضيقانى جدا العربية موديل 2009 وماشية 6000 كم لانى لا استخدمها وباستخدم عربية تانية المهم لو مسافر بيها ومشغل التكيف بعد شوية يبطل يبرد ويتكون تلج كتير قوى على المواسير طبعا رحت الصيانة فى طنطا وفوجئت بيقولوا لي كل الاوبترا كده فهل ده معقول ياريت اذا احد عنده خبره عن الموضوع يفيدنى احسن هتجنن او هابيع العربية[/overline]

**ma_almula** · 06-10-2010 08:19 AM

يا باشا اللى أقدر أقوله لحضرتك مفيش حاجه إسمها " كل الأوبترا كده" ده كلام مش صحيح ، اما عن العلاج فبإذن الله هتلاقى الرد من أحد الأعضاء المحترمين لإني للأسف مش عندي خبره بالأمر ده ، وربنا يوفقك

**د.محمود صلاح** · 06-10-2010 08:40 AM

اذهب لورشة تخصص تكييف واعرض عليهم المشكلة .

**Bassem Raafat** · 06-10-2010 10:46 AM

كان زميل لينا هنا فى المنتدى يا باشا عنده نفس المشكله وطلعت بسيطه جداً ....

الموضوع إن التكييف مشحون فريون بزياده شويه ، وهو ده إللى بيخليه يسقع حلو فى الأول وبعد كده بيكون ثلج ...

حضرتك ممكن تروح لأى حد متخصص فى التكييف أو تروح التوكيل نفسه وتخليهم يكشفولك على الفريون ، لو طلع زياده شويه يبقى هى دى المشكله ، وح يظبطوها إن شاء الله .... وإن شاء الله خير ..

ويا ريت حضرتك تنقلنا التجربه بعد الإصلاح .

**aymanmaly** · 06-10-2010 11:25 AM

حضرتك مش كل الاوبترا كدة حضرتك ثانى حالة اسمع فيها الموضوع دة
و زي ما الاخوة قالوا لك فى المشاركات السابقة مش هاتخرج عن كدة
و لونى ارجح رأي باسم انة شحن فريون زيادة
و لو منك انزل التوكيل فرع التجمع الخامس احجز فية و ان شاء الله تتحل المشكلة
و ياريت تطمنا

**madrassa** · 07-10-2010 01:43 PM

السلام عليكم
اليوم التوكيل ابلغنى الرد وقالى انهم سألوا الشركة في كوريا وقالوا لهم ان دي مشكلة في البلف الموجود بالكمبريسور لأن العربيات دي مافيهاش ترموستات انما البلف ده هو ال بيفصل وبالتالى يمنع تكون الثلج او بمعنى اصح بيخلى الكمبريسور ما يضغطش فريون للثلاجة فيمنع انها تكون الثلج المهم البلف ده زي ما قالوا في الوكالة بيبوظ بسرعة واحتمال يغيروا الكمبريسور كله عشان يرتاحوا من الصداع ال انا مسببه لهم

**aymanmaly** · 07-10-2010 03:20 PM

طيب الحمد لله ان الموضوع بسيط
على العموم استعجلهم للتغير علشان الموضوع ماينمش

**Hossam_Hassan** · 11-12-2010 01:10 PM

المشكلة دى فعلا بتظهر عندى فى السفر، كل ساعة كده الكمبريسور بيفصل، سألت كتير و محدش فى منصور افادنى و فى الأخر ريحت نفسى و بقيت اقفل التكييف و اشغله تانى و بيشتغل طبيعى، الغريب بقى انى لو مش مسافر و مهما شغلته ولو 4 ساعات مشاوير، مش بيفصل.