الاصوات اختفت حتي الان ... شكـرا للمهنـدس امـر
السلام عليكم ورحمة الله
طبعا كلكو عارفين المشكله الي كانت عندي والي مكنش يعرف انا معيا برتون واجا موديل 2009 وكان بيحصل اصوات احتكاك حديد او تزيق لما كنت بمشي علي ارض مكسرة او مطب او عين قطه اي حاجه من الحاجات العجيبه الي مغرقه شورعنا
المهم في الاول كان الاعتقاد السائد في التوكيل ان دا من علبة الدركسيون وكنت في الخمس مرات الي بروح فيهم التوكيل بيتعمل ابزيم يربط العلبة مع بعضها وعند التجربه بالفعل الصوت بيختفي لكن مع اول مطب علي الطريق وانا مروح المنصورة الصوت بيرجع وبقوه واجي هنا اقعد اشكتي للناس حبيبنا الي في المنتدي .
اخر مره كلكو عارفين الي حصل لما التوكيل اتصل بيا وقالي في تعديل في العلبة ورحت وطلع مفيش اي تعدل لعبة الواجا بالزات هيا لازم تتغير ومعملتش حاجه يوميها غير اني رجعت والصوت زي مهو بردو .
بعدها ايمن الله يكرمه قالي ابعت ايمل للمهندس امر وقول فيه الي حصل فعلا بعت وتاني يوم كلمنني المهندس امر وهو مدايق من الي حصل وقالي لازم تيجي التوكيل وانا بنفسي هشرف علي العربيه
للاسف انا خدت ايام كتيرة اجازة بسبب العربية فمعرفتش اروح ولدي هو الي راح امبارح .
وصل ولدي التوكيل علي 9.30 تقريبا كان في زحمة رهيبة ولدي كلم مهندس امر الراجل بعتله المهندس سيد ودخلت العربيه علي طول الورشة تم الكشف عليها وكان في كذا نقطه تغير التيل الامامي وكمان تغير بلية الشداد عشان بتصفر جامد .
الصراحة مهندس امر دا انسان محترم جدا وخلوق ولدي قالي عنه كلام كتير جدا وراجل متواضع لابعد الحدود
المفجأة بقي ان الصوت مكنش ليه اي علاقه بعلبة الدركسيون تمام ....
الصوت كان جاي من الشاسيه بتاع العربية كان ناقص بنطة لحام ودا الي كان بيخلي الصوت يحصل مع الاهتزاز علي السرعات البسيطه وكنت فعلا بحس ان العربية خلاص هتتفك مني ودا كان شئ مخلني كاره العربية وكنت خلاص فعلا قررت ان ابيع العربية بسبب العيب المهندس امر قال لولدي ان هو الي اكتشف العيب دا ومحدش في الورشة عرفه يكتشفه وقاله بالحرف الواحد الناس الفنين هنا علي قدهم شوية..
المهم فعلا الصوت اختفي ومظهرش حتي الان ..حسيت شوية ملاحظات العربيه حسيت انه بقت انعم بكتير والاصوات اختفت تماما وكمان الاتزان بتعها بقي احسن يعني الاول كانت بتحدف شمال حدفه بسيطه بجد حسيت لاول مره اني راكب عربية زيرو امبارح الحمد لله .
وبجد شكرا جدا للمهندس امر ربنا يصلح حاله يارب انسان محترم بمعني الكلمه