الموضوع: هل الماروتي تستحمل مشوار يومي 80 كم

50 وللتأكيد تعال نحسب تكاليف الصيانة ل 50 ألف كيلومتر
10 عبوات زيت محرك ثمنهم 750 جنيه
5 فلاتر زيت ثمنهم 60 جنيه
4 إطارات ثمنهم 1200 جنيه
بطارية 500 جنيه
3 تيل أمامى ثمنهم 100 جنيه
طقم طنابير أمامى 120 جنيه
تيل خلفى 100 جنيه
تغيير زيت فرامل 30 جنيه
تغيير سائل تبريد 30 جنيه
تغيير زيت فتيس 30 جنيه
4 مساعدين + مقصين أمامين فى افضل الظروف يعيشوا 100 ألف هنقسم ثمنهم على 2 لل50 الف يبقى 500 جنيه
نصف ثمن علبة ديريكسيون 150 جنيه
فانوسين + اكصدام (فى افضل الظروف ، مش هنوسع عن كدة) 200 جنيه
30 بوجيه (3 بوجيهات كل 10 آلاف كم) 210 جنيه
2 ابلاتين + 2 كوندنسر: 80 جنيه
5 فلتر هواء 75 جنيه
طقم سيور 200 جنيه
اصلاحات بالاطارات والجنوط 200 جنيه
5 مرات غسيل للسيارة فى المحطة 100 جنيه
اصلاح شرخ واحد لزجاج السيارة 65 جنيه
3 أطقم مساحات زجاج 100 جنيه

المجموع على مدى 50 ألف كيلومتر 4800 جنيه (مع ملاحظة انى متكلمتش عن اى سمكرة او بوية) ،
تكلفة البنزين للسيارة فى 50 ألف كيلومتر تقريبا 5000 آلاف جنيه لو بنزين 90 او 92

يعنى تقريبا تكلفة الصيانة قد تكلفة البنزين علشان كدة بقول لك كل جنيه بنزين حط جنبيه جنيه للصيانة

متاااااااااااابع الحوار الشامل اللى بالقرش والكيلو و وكل حاجه ....

المشاركة الأصلية كتبت بواسطة hm414

طيب يابشمهندس احنا لو بنحط بنزين 80 بحكم خبرتك هل في مشكله عالعربية؟؟

خصوصا ان كذا حد جرب وقال مفيش ادنى فرق وكمان في عربيات اعلى من كده (صني مثلا ) وبيحطو 80

؟؟

العربية نسبة انضغاطها مش مرتفعة وطالما انك بتقدر تظبط الكهرباء بتاعتها على وضع مستقفش فيه مع بنزين 80 استعمله، مع الاهتمام بتظيف الكاربراتير كل فترة

لكن لو بتحط بنزين 80 والعربية بتسقف منك فهنا منقدرش نقول ان(ماشية ومفيش مشكلة) ، لأ هى ماشية وفيه مشكلة ضخمة لأن التسقيف بيقصف عمر الموتور بدرى

بعنى بالمختصر التسقيف هو الفيصل، بتسقف متحطش 80 مبتسقفش حط 80

المشاركة الأصلية كتبت بواسطة sab3aawy

العربية نسبة انضغاطها مش مرتفعة وطالما انك بتقدر تظبط الكهرباء بتاعتها على وضع مستقفش فيه مع بنزين 80 استعمله، مع الاهتمام بتظيف الكاربراتير كل فترة

لكن لو بتحط بنزين 80 والعربية بتسقف منك فهنا منقدرش نقول ان(ماشية ومفيش مشكلة) ، لأ هى ماشية وفيه مشكلة ضخمة لأن التسقيف بيقصف عمر الموتور بدرى

بعنى بالمختصر التسقيف هو الفيصل، بتسقف متحطش 80 مبتسقفش حط 80

المقصود تسقيف مستمر و لا بيروح و يجى و لا فى بعض الاقات زى طلوع مطلع
لانها ساعات بتسقف معايا على الاول و انا ماشى بيها يدوب الاقيها بتسقف و بعدين تتعدل و ساعات فى غيارات مختلفة و لما بكون مشمشبع الغيار و اجيب الرابع قبل سرعة 40

المشاركة الأصلية كتبت بواسطة love7amada

مستيني انا كمان راي حضرتك ف بنزين 80
انا لغايه دقتي عامل بيه 3700 كيلو

انا بقى عملت بيه 20 الف كيلو يمكن فيهم كلهم حوالى عشر تفويلات بس ما بين 90 و 92 لانى ماكنتش لاقى 80