الى كل من يمتلك جولف2 ارجو الافادة بسرعة

**ahmedteama** · 06-10-2010 04:26 PM

السلام عليكم ورحمة اللة وبركاتة
ارجو المساعدة من كل من عندة اى خبرة فى الجولف تو انا قررت انى اشترى جولف 2 وخايف جدا جدا لانى الناس كلها خوفتنى منها وقالتلى قطع غيار نار ..ومش اى حد بيشتغل فيها...ومصنعيتهم غالية نار...كل دةة مش مهم لانى لما سالت عرفت انى كل الكلام دة حقيقى بس مش بالدرجة اللى الناس متصوراها غالية بس فى المعقول ومعمرة جدا...بس اهم حاجة انها تقيلة فى البيع المــــــــــــــــــــــ ــــــهــــــــــــــــــ ـــــــــم دلوقتى انا قدامى عربيتين الاتنين موديل 89 والاتنين فابريكة دواخل ...الاولى ماتور 2e 2000cc متركبلوة بلوكة ماتور abf2000 وفيها فتحة سقف اوريجينال والعربية مشيها غبى وعفية اوى مشاء اللة بس المشكلة اها متهانة من الصالون اوى والسقف لونة اسود من كتر الوساخة......اما العربية التنية عادة 1300 وكلها عاية بس نضيفة فحت والاتنين ب 30000 جنية مش عارف انهى احسن اجيب واحدة فيها الماتور والجنط 16 وفتحة السقف بس حاسس مجرد احساس انها متهانة ولا اجيب فابركة بس 1300 مع العلم انى هسقط ماتور واركب جنط وكل دة طبعا تكاليف صولت اوى عليكم بجد اسف وياريت ارائكم لافادتى وشكرا جدا لكم

**ahmedteama** · 06-10-2010 04:29 PM

يالهوووووى دة الموضوع كبير اوى وماحدش والناس كلها هتخرج من غير ماتقول اى نصيحة

**mr_sameh** · 06-10-2010 04:33 PM

العربية اساسياتها ايه اهم شئ ومش مهم المنظر قوي لان ممكن يكون اهمال في نضافة العربية

**ahmedteama** · 06-10-2010 04:37 PM

الاتنين فابريكة دواخل

**badreldinahmad** · 06-10-2010 09:17 PM

اولا ياباشا بالنسبه لقطع الغيار هى مش غاليه ابدا اذا كنت ناوى تقارن بأى عربيه تانيه فى نفس الفئه واطمنك انها متوفره جدا جدا
ثانيا بالنسبه لتصليحها فأنصحك بالآسطى سيد عبده وده اى حد معاه جولف فى م نصر او مصر الجديده وما حولهم بيروحلوه لأنه فعلا دكتور ومش نصاب وده بعد كوبرى التجنيد اللى فى جسر السويس اتجاه روكسى جنب بنزينة التعاون
ثالثا اختار اللى يريحك على المدى البعيد يعنى ال 1300 استهلاك بنزينها هايكون اقل بس هاتتعبك فى التكييف وهاتريحك فى الترخيص لأن الفئه اللى فوق ال 1600 بتتحاسب فى المرور بمصاريف اغلى من ال 1600 وما تحته
لكن احب اطمنك على قطع الغيار ولو حابب تسأل على حاجات معينه ابعتلى وانا تحت امرك لأنى معايا واحده كاتب كل حاجه بعملها فيها وليها فولدر عندى على الكمبيوتر بتاعى حتى تغيير الفلاتر والسرفيس
اخيرا لما ربنا يوفقك فى شراءها تبقى قوللى مستوى الاسعار عامل ايه علشان انا هابيع عربيتى الشهر اللى جى ان شاء الله ودى اول مره هاتعامل فى موضوع بيع فخبرتى فيه زيرو
وربنا يوفقك

**mohamed_e36** · 06-10-2010 09:34 PM

بص انا لو مكانك ومتأكد من دواخل العربيه ومتأكد من موتورها هوه ده اهم حاجه عندي يبقى هختار المتظبطه
ليه ؟ لان التظبيط بيصرف وغير كده حرقت الدم مع الصنيعيه وغير ثمن الجنط والموتور وبعدين انته بتقول ان العربيه فيها فتحه سقف ودي برضه حاجه جامده بس اهم حاجه انك تتأكد من اساسيات العربيه