الموضوع: عتريس بيسال ----- فين الشهامة ؟؟؟؟

المشاركة الأصلية كتبت بواسطة atrees

مش عارف اقولك واشكرك ازاي علي حسن خلقك - دا انت احسن مني كمان بعلمك وبالحديث اللي انت قولتة في الاخر


بجد نفسنا نشوف ونقابل الناس اللي زيكم في الشارع والشغل وفي كل حتة - ربنا يبارك فيكم

بجد الكلام إللى حضرتك قولته دا كتير و كبير قوى عليا و أنا و الله العظيم ما أستحقش الكلام دا و لا حتى جزء بسيط منه إنما سعادتك صاحب المبادرة الجميلة لإحياء الأخلاقيات الجميلة المفقودة اليوم فى مجتمعنا .............. بجد أنا مش عارف أتكلم و جزاك الله خيرا على كلامك الجميل بالرغم إنى لشر الناس لولا عفو الله عنى و ستره على ( إنما يمدحنا الناس بجميل ستر الله علينا ) ............ تقبل مرورى و بجد عايزين نحضر حملة الأخلاقيات الجميلة إللى نفسك و نفسنا كلنا فيها ( تبقى فينا و نشوفها فى غيرنا )

السلام عليكم ورحمة الله وبركاته

جزاك الله خيرًا ياعتريس على الموضوع الجميل ده

أنا أكتر حاجة بتخنقنى الناس اللى راكبة عربية وتقعد تتفرج على حادثة والمشكلة الأكبر انه كان واقف بسبب الناس اللى بتتفرج حوالى 1/2 ساعة

مرة حصلت معايا على الكورنيش لقيت الطريق واقف وانت جاى من المعادى ورايح على الدائرى استغربت الحتة دى عمرها مابتقف أتارى فى حادثة الناحية التانية بقيت هاتجنن يعنى الحادثة الناحية التانية والناحية دى واقفة علشان الفرجة

ومرة تانية تقريبا كورنيش مصر القديمة تقريبا البوليس قابض على حد وبرضو الطريق واقف علشان الفرجة

وآخرهم كانت فى رمضان حادثة فى يو تيرن والطريق قدامى فاضى والباشا اللى قدامى واللى جنبه كانوا بيتفرجوا على الحادثة طبعا كلاكسات وأنوار واللذى منه واللى يغيظ ان الكلام ده قبل الفطار بحوالى خمس دقايق

نيجى بقى للشهامة :

على فكرة الموضوع مش محتاج خبرة أوى يعنى (يعنى أى حاجة ولو بسيطة بتنفع) على سبيل المثال : كان فى 128 عطلانة فى نفق الأزهر وموقفة النفق طبعا وكان معايا واحد صاحبى المهم قولنا نشوف لو نقدر نساعد المهم إن إحنا مقدرناش نصلح العربية بس كان عندى إقتراح إن إحنا نطلع العربية من النفق وسبحان الله فى نفس اللحظة لقينا 128 تانى بيقف ورا ال 128 العطلان وفعلا صاحب العربية العطلانة قعدت على كابوت ال 128 اللى ورا وسند رجله على الإكصدام الخلفى لل 128 الامامية وصاحبى ساق العربية لحد لما طلعت من النفق

وموقف تانى كان فى واحدة ست واقفة بعربيتها على الاوتوستراد ومعاها أولادها فقط فى العربية وبرضو كان معايا أصحابى وكان فى تاكسى إسبيرانزا واقف المهم قولنا لما نشوف فيه إيه نقدر نعمله أتارى العجلة نامت وعايزة تتغير فقط ولكن بتاع الاسبيرانزا مقدرش يساعد لأن الكوريك اللى معاه مانفعش (الكوريك العادى) والحمد لله إن معايا كوريك تمساح و الاستبن كانت نايمة وصاحبى راح نفخها من بنزينة قريبة وجابها

طبعا كل الرغى بتاع دا ليه علشان أثبت لكم حاجة واحدة بس وهى إن المساعدة مش محتاجة مجهود كبير ولا إمكانيات كتير أى حاجة تكفى بالغرض فقط

وطبعا الشهامة إختفت لأن الناس بقت قاعدة فى تكييف ومش حاسة بإن أخوها قاعد بيتحرق فى الشمس برا

نقطة أخيرة : لو إنت ممعكش حاجة تساعد بيها كفاية إنك تقف وتقوله فى إيه ودى أنا شايف إن ليها فايدتين
الأولى : إنك أخدت الأجر من الله حتى لو لم تساعد فى شئ ( إنما الأعمال بالنيات )
الثانية : إنك هاتخفف عنه بانه لقى حد يقوله أقدر أساعدك إزاى ( ودى ليها أجر برضو )

وتقبلوا مرورى

يا استاذKhellooo
انا مره وقفت مع واحده معاها النترا 2005 نص ساعه ولا ساعه الا ربع العربيه وقفت منها وانا كان معايا الوحش الكاسر البيتلز
كنت ماشي فالمنصوريه لاقت واحده واقفه جنب العربيه وكل اللي جاي بيعاكس مش بيعرض المساعده
المهم نزلتله في ايه العربيه مش راضيه تتدور قعدت ابصلها عالموتور حاجه واقعه مفيش وبعد كده دخلت عالفيوزات قلت يمكن فيوز الطرمبه مفيش اخر لما زهقت قولت لصاحبي خد العربيه وروح هات بنزين ونجرب وهي عماله تقنعني انها لسه مفوله العربيه
طبعا علي بال الوحش الكاسر لما راح يجيب بنزين ورجع انا واقف في الشمس الساعه 12.30 الظهر ومامتها كل شويه تتصل عايزه تتصرف مش عارفه تعمل ايه هتجيلها من المعادي ازاي من غير عربيه فين وفيت صحبي جيه وجايب بنزين حطيته في التنك دوري العربيه دارت البنت بقت طايره من الفرحه ومش عارفه تعمل ايه هي فاكرانا ده كله اني انا ميكانيكي تقولي حسابك ايه قولتله انا طالب لسه طلعت جامعتها في ظهر جامعتي تقولي انا مش مصدقه اني كان ممكن حد يقفلي

للاسف البرود واللامبالة اصبحوا السمة السائدة

المشاركة الأصلية كتبت بواسطة walidsamy71

ياريت الشهامة بس هى اللى بقت فى النازل ... ده كل منظومة القيم والأخلاق

باشا عندك حق ........... بس مع بعضينا و البركة بإذن الله بالشباب هنقدر نرجع تانى القيم و الأخلاق على قد ما نقدر و أهو برضه يبقى عندنا أمل نخرج جيل جديد صالح و عنده قيم و أخلاق ( من رأى منكم منكرا فليغيره ..... و لا إيه )