مياه القربة بتنقص جامد لانوس 2004
السلام عليكم
من اسبوعين كان فى مشكلة فى العربية بتاعه والدى وكانت مش مظبوطة وبترجرج فى الطلعه وصوت طقطقة ورجرجة عند التزويد
قمنا بتغيير الاتى:-
1- سلوك بوجيهات والبوجيهات
2- سير كاتينة
3- جوان وش سلندر
4- اسطوانة دبرياج (مع العلم انه متغير طقم دبرياج كامل منذ سنتين).
المهم المشكلة الاساسية ان المياه كانت بتختفى من القربة وده جبناها استيراد بعد ما الاصلية اتشرخت على يد الميكانيكى وفشل معاها كل انواع اللحامات.
المهم فكيت الغطا بتاع القربة لقيته بايظ خالص غيرته ب 15 ج.
المشكلة ان المياه لسه بتنقص برضه بس بسيط وبلاقى بقعه مياه تحت العربية مكان الفتيس !!!!!!! مش تكييف على فكره - ماسورة التكييف ناحية فتر الهواء.
لو حد عنده فكره يدلنى اذا سمحتم - أشكركم.....