الموضوع: ركبت أنوار شبورة ( فوج لايت ) للأوبترا .. وتجربة سيئة مع منصور الهرم

المشاركة الأصلية كتبت بواسطة aymanmaly

الف مبروك التركيب
بس اية الموقف الى حصل

ياسيدي اللي حصل ان كان فيه عطل في المروحة والعربية بتسخن نتيجة ان المروحة مش شغالة
كلمتهم في التوكيل قالو هاتها بونش وجيب منه فاتورة واحنا ح نرد مبلغ الفاتورة طالما العربية في الضمان واعطوني رقم الونش
الوقت كان اتأخر وبتوع رابعة زمانهم قفلو وانا كنت في روكسي والمشوار لغاية الهرم محترم
المهم اتصرفت وانتظرت لما الحرارة بردت وروحت بيها .... وبعدين روحت بيها الصبح بدري قبل الزحمة ع الهرم والطريق لسة فاضي والموضوع مش محتاج مروحة طالما العربية ماشية والهوا بيبرد الردياتير طبيعي
روحت هناك بدري وكلمت الراجل اللي اعرفه هناك وكنت مربط معاه .... لقيته ف اجازة وكلف واحد زميلة انه يهتم بالموضوع
زميله طلع فشنك ...... بعد ما اشتريت الفوج لايت والعربية استلموها مني وقولت اعمل الصيانة بتاعت ال30000 بالمرة لقيت اتوبيس من عندهم بيروح كارفور وبيرجع تاني الساعة 1.30
قمت رايح علشان اقضي الوقت بدل ما انا قاعد ... خاصة ان معاد الاستلام كان الساعة 3
لما رجعت الساعة حوالي 2 لقيت العربية لسة في مكانها ...... روحت للمهندس اللي استلم مني قالي لأ دي دخلت اتعمل فيها شوية حاجات وطلعت تاني ...... انا شكيت في الارمر لكن قولت يمكن يكون كلامه صح
روحت للراجل اللي المفروض انه زميل اللي انا اعرفه هناك .... قالي اطمئن كله تمام
انتظرت لغاية 4 ومافيش فايدة
والساعة 4.30 لقيت تليفون بيقولولي ان العربية مش ح ينفع تستلمها النهاردة وح تخلص بكرة علشان الفوج لايت لسة ح ياخد وقت في تركيبه
هنا بقى ...... ظهر الوش المنوفي بتاعي
الاول روحت للراجل بتاعي لقيته روح
كلمت الراجل اللي ف اجازة لقيته مش بيرد
لغاية ما وصلتله وقلتله انا ح اتعامل معاهم كعميل رخم ومش عاوز حاجة من حد ..... المهم قالي طيب ما تجيبش اسمي ف الموضوع عشان ما يبقاش فيه مشكلة ليا
وطلعت فيهم بقى وعملت معاهم الواجب المنوفي المحترم بعد ما كنت هادي ووديع ومستكين .... عملتلهم فضيحة قدام باقي العملاء وصوتي بقى يجيب الفرع كله
المهم
في الآخر اجبرتهم انهم يسلموني العربية في نفس اليوم ..... وقعدو يشتغلو فيها لغاية الساعة 8 ليلا وطلعت جربتها واخدت العربية ومشيت
فطبعا كان ما ينفعش اطلب حد يعمل خصم ولا يحزنون بعد السياحة دي كلها
من الآخر هما شركة حالها كحال باقي البلد .....
الناس كذابين ... الكلام اللي قالوه ف الاول طلع كذب
الشركة لا تحترم عملائها
لا يمكن تثق كلام اي حد هناك حتى لو معرفة
....
يعني تقدر تقول انهم زي باقي بلدنا الحبيب ......... غير محترمين
واعتقد ده مش جديد عليكم ...... ده انطباع معظم الناس عن منصووووور

ده غالي طحننننن
ده في الكرولا التايواني النضيف مش الصيني ب 360 جنية بالمفتاح والاسلاك وكل حاجة والصيني ب 200 جنية

هات لمبتين مخترمين من عند المدينة اللي في شارع دمشق قدام البنزينة وجنب السجان
هايديلك لمبيتن محترمين ولو عايز كتاوت هايدلك لمبتين يعملو حوالي 90 جنيه بس هايفرقو معاك خالص في الاضائة
مبروك يا حاج احمد ويستالهو الل يحصل فيهم
قال 1200 تمن فوج لايت
مش قادر اقول كلمة عيب بدل ماتوقف :-)