مشورة ياشباب بخصوص الفلتر الرياضي

**mr_vampire** · 06-10-2010 08:30 PM

اولا السلام عليكم.
انا كتبت الموضوع في اماكن مختلفة واخيرا هكتبه هنا علي امل حد يساعدني.
ندخل فالموضوع: انا عربيتي لانسر مكوة 2001 ( كربراتير طبعا زي ماانتو عارفين) كنت عايز اركب فلتر رياضي فسالت عن ناس كتير واخرهم جو قالي الفلتر بس ب220ج ومش هحتاج مواسير عشان هيركب عالكربراتير علي طول فانا مش مقتنع بالكلام ده اولا سعره غالي لقيت السيموتا عندي في بنها ب 150 وممكن ينزل كمان غير ان انا عايز اركبله ماسورة عشان اقربه من وش العربية عشان التهوية تبقي افضل بدل مايركب مكان العمة لفوق والكبوت يكتمه.

فواحد ميكانيكي (كنت بغير عنده بوجيهات ) قالي انا ممكن اعملك كوعة ونخرطها عن خراط علي نفس مقاس وش الكربراتير وتتربط عليه بمسمارين وتبقي واخدة حرف (l) وتركب فيها ماسورة بالطول اللي انتا عاوزة عشان تودي الفلتر مكان ماانتا عاوز. واكدلي انها هتبقي تمام ومش شغل خراطة وعك.

فكانت عايز استفسر من الشباب اللي داس فالليلة ده قبل كدة هل فيه كوعة زي كدة بتتباع جاهزة ولو فيه بكام ومنين؟؟؟؟؟؟؟؟؟؟؟؟؟
تاني حاجة هي المواسير الاستانليس ده نلاقي فين ومترها بكام؟؟؟؟؟؟؟؟؟؟؟؟؟؟
اخر حاجة ( واسف للاطالة ) الفلتر السيموتا الصغير بكام فالحرفيين او التوفيقية؟؟؟؟؟؟؟؟؟؟

نرجو التفاعل ياشباب لان الحوار واكل دماغي وعايز انفذه بسرعة. وهل ليه اضرار عالمكنة مع العلم اني مشيي مش حرق علي طول كل الحوار ان عايز يبقي معايا اوبشن وصوت استخدمه بسسسسسسسسسس وقت مااحتاجه ويطلب معايا غير كدة مشيي عادي جدا.

**Haitham10** · 06-10-2010 09:01 PM

يااحمد انت ناسي حاجه
حسب ما قريت هنا الكل بيشكر في المواسير البلاستيك لانه ردئ في توصيل الحرارة يعني مش هيسخن بسرعه
وفي برضه بيجيبوا نوع معين من البلاستيك وبيكون مرن جدا عشان تقدر توديه المكان الي انت عايزه

اتمني حد من الاخوة يفيدنا فى التفاصيل دي كلها عشان انا برضه عاوز اعرف بالظبط

**mr_vampire** · 06-10-2010 09:08 PM

انا برده قريت مرة ان في مواسير مش عارف اسمها بولي ......مش فاكر بصراحة من عند بتوع السباكة وبتكون عازلة للحرارة. في انتظار حد من الشباب يفيدنا

ده تالت مرة ياهيثم اكتب الموضوع وبغير مكانه عشان كل مرة محدش بيساعدنا. ربنا يبعت بقي المرة ده

**MoMohsen** · 07-10-2010 12:41 AM

بص مبدأيا موضوع انك تركب الفلتر الكربرادتير على العمه علطول مفهوش مشكله لان كل العربيات الامريكانى المعدله بيركبو الفلتر على العمه علطول و انا كنت مركب الفلتر دة فعلا عندى على العمه فى الكيا برايد وكان تمام.

حوار انك تعمل وصله من العمه عادى مفهوش مشكله و ممكن توفقله عمه جاهزة كمان زى بتاعت اللانشيا.
انت لو ركبت الفلتر اللى على العمة الصوت مش هيبقى عالى زى الفلتر بتاع الانجكشن و بالنسبه للكفاءة ففى اعتقادى هيكون افضل مع ان حوار انك تخليه ياخد هواء بارد هتحست الاداء فعلا.

**mr_vampire** · 07-10-2010 12:45 AM

تسلمك يامعلم عالرد. طب ممكن استفسر عن سعر الفلتر اللي بيركب عالعمة علي طوله ونوعه ومنين؟؟؟؟؟؟ وياريت كمان سعر الفلتر التاني اللي بوصلة وماسورة لاني عايز زي ده بالظبط والتعديل والكوعة والمواسير اللي ناويها ممكن اتخلي عنها لو لقيت زي ده لان عندي صورة زيه بالظبططططططططططط بس لونها احمر ( هيثم اللي مشارك هنا كان حاططها ) وكنا بندور عليها. فياريت لو تعرف تقولنا.

**Haitham10** · 07-10-2010 01:20 AM

يااحمد اول حاجه الاستاذ محمد من الناس الي بستفاد من مواضيعها لانها فعاله جدا واغلبها عن تجربه وانصحك بيها بما ان عندك كرباتير عشان تهتم بيه

تاني حاجه موضوع انك تحط الفلتر علطول كده عن رأي شخصي يعني بالنسبالي مستحيل لانه هينتهي في اسبوع من التراب اقل حاجه

السؤال الي عاوز اسأله بخصوص الفلتر للأستاذ محمد ..... هل الماسورة كحجم او نوع بتفرق في الصوت برضه مع الفلتر ؟؟ وهل هحتاج ظبط كرباتير بعد التركيب ؟

والصورة رقم 2 دي اجيب الماسورة دي بالظبط منين او تتكلف كام

**mr_vampire** · 07-10-2010 01:35 AM

كويس انك لاحظت ان الصورة نفس الفلتر اللي كنت حاطط صورته قبل كدة. وياريت فعلا يامحمد لو تعرف منين وبكام؟؟
بخصوص الماسورة ياهيثم انتا كدة كدة محكوم بمقاس محدد وهو حجم فتحة الفلتر لانها هتركب فيه ومتهيالي بتبقي 2 او 2.5 بوصة.
تاني حاجة عرفت من شباب هنا معانا ان في نوع مواسير اسمه pvc عند بتوع السباكة لانها بتبقي معزولة وممكن تستخدم فالحوار ده. بس الاستفسار بقي الفلتر هيركب علي ناحية من الماسورة تمام كدة. هتركب ازاااااااااااااااااي بقي علي وش الكربراتير يبقي محتاجين كوعة واخدة حرفL ثابتة فالكربراتير وتركب فيها الماسورة. منين بقي نجيب الكوعة ده ولا بتتعمل عند خراط ولا ايه النظام ؟؟؟؟؟؟؟؟؟

**MoMohsen** · 07-10-2010 02:03 PM

المشاركة الأصلية كتبت بواسطة mr_vampire

تسلمك يامعلم عالرد. طب ممكن استفسر عن سعر الفلتر اللي بيركب عالعمة علي طوله ونوعه ومنين؟؟؟؟؟؟ وياريت كمان سعر الفلتر التاني اللي بوصلة وماسورة لاني عايز زي ده بالظبط والتعديل والكوعة والمواسير اللي ناويها ممكن اتخلي عنها لو لقيت زي ده لان عندي صورة زيه بالظبططططططططططط بس لونها احمر ( هيثم اللي مشارك هنا كان حاططها ) وكنا بندور عليها. فياريت لو تعرف تقولنا.

بص يا حبيبى الفلتر اللى على العمه مش منتشر فى مصر قوى و تمنه 200-250 للسيموتا و اكيد اغلى لو k&n .اما المخروطى بتاع الانجكشن فدة ارخص و متوفر بيعمله 120 للسيموتا و يعلى معاك على حسب الموديل فيه حاجات بتنزل كيت كامله الفلتر بالماسورة بتبقى اغلى و على فكرة الكوعة اللى متركبه بتنزل فى بعض العربيات جاهزة انزل شوفها فى الحرفيين

المشاركة الأصلية كتبت بواسطة haitham10

يااحمد اول حاجه الاستاذ محمد من الناس الي بستفاد من مواضيعها لانها فعاله جدا واغلبها عن تجربه وانصحك بيها بما ان عندك كرباتير عشان تهتم بيه

تاني حاجه موضوع انك تحط الفلتر علطول كده عن رأي شخصي يعني بالنسبالي مستحيل لانه هينتهي في اسبوع من التراب اقل حاجه

السؤال الي عاوز اسأله بخصوص الفلتر للأستاذ محمد ..... هل الماسورة كحجم او نوع بتفرق في الصوت برضه مع الفلتر ؟؟ وهل هحتاج ظبط كرباتير بعد التركيب ؟

والصورة رقم 2 دي اجيب الماسورة دي بالظبط منين او تتكلف كام

الله يخليك يا هيثم دة من ذوقك العالى....بص يا هيثم الماسورة اكيد بتفرق يعنى انت الافضل تجيب حاجة تخلى اندفاع الهواء مظبوط و عشان كدة الاستنلس او الـpcv هما افضل حاجة و طبعا الـpvc اوفر و اسهل فى استعمالها.
و مش هتحتاج تظبط الكربرادتير ولا حاجة .و الماسورة اللى فى الصورة هتلاقيها فى الحرفيين او عزبة شلبى و هى بتنزل كدة فى بعض الموديلات الكربرادتير زى اللانشيا

المشاركة الأصلية كتبت بواسطة mr_vampire

كويس انك لاحظت ان الصورة نفس الفلتر اللي كنت حاطط صورته قبل كدة. وياريت فعلا يامحمد لو تعرف منين وبكام؟؟
بخصوص الماسورة ياهيثم انتا كدة كدة محكوم بمقاس محدد وهو حجم فتحة الفلتر لانها هتركب فيه ومتهيالي بتبقي 2 او 2.5 بوصة.
تاني حاجة عرفت من شباب هنا معانا ان في نوع مواسير اسمه pvc عند بتوع السباكة لانها بتبقي معزولة وممكن تستخدم فالحوار ده. بس الاستفسار بقي الفلتر هيركب علي ناحية من الماسورة تمام كدة. هتركب ازاااااااااااااااااي بقي علي وش الكربراتير يبقي محتاجين كوعة واخدة حرفl ثابتة فالكربراتير وتركب فيها الماسورة. منين بقي نجيب الكوعة ده ولا بتتعمل عند خراط ولا ايه النظام ؟؟؟؟؟؟؟؟؟

على فكرة الكوعة لو فكرت فيها شويه ممكن تعملها بسهوله و اى خراط هيعملها المهم نضافة الشغل