حل نهائي لمشاكل طلمبة البنزين

**amr_shaaban** · 06-10-2010 09:57 PM

يا ريت يا جماعة نحاول نشوف حل نهائي لموضوع طلمبة البنزين للنوبيرا

انا مثلا حاولت افتكس شوية اما طلمبتي باظت قلت اجيب طلمبة استيراد ياباني و انقل الموتور
و فعلا جبت متسوبيشي و نقلتة بس طلعت ضعيفة الاداء كان وحش فاكيد مختلفة في الضغط عن بتاعتنا

و بعدين العربيات الالماني الجولف مثلا فيها طلمبتين مش واحدة زينا و ماشاء اللة بيعيشوا العمر

واحدة في التنك و التانية تحت في نص العربية كده

طيب لو فية عربية مثلا الماني ولا ياباني موتورها زي بتاعنا ده ... نحاول نعرفها و نغير بيه

علي فكرة المواتير دي مرمية هنا في بورسعيد ب 40 جنية ياباني !!
بس المشكلة ان تعرف ازاي هيا نفس ضغط بتاعتنا ولا ايه !!!

يا ريت اللي عندة فكرة يحاول يفيد
شكرا

**al_manara** · 07-10-2010 03:59 AM

بالمناسبة اية سعر الطلمبة في بورسعيد . وموضوعك فكرتة جميلة .

**bakkarahmed** · 07-10-2010 05:20 AM

يــــــــــــــــــــــــ ــا ريــــــــــــــــــــــي ت

**MMamdouh** · 07-10-2010 11:38 AM

و ليه اللفة الطويلة دى؟؟؟ ما تشترى الطلمبة الاصلى و تريح دماغك

MMamdouh

**amr_shaaban** · 07-10-2010 12:50 PM

غالية اوي و بعدين ما الاستيراد دي اصلي و مابتعمرش اوي

احنا بنفكر سوا في السيستم كلة يعني مثلا فية منظم ضغط عالمسطرة
هل ممكن يكون هوا بيبوظ فبيبوظ الطلمبات؟؟!

و فية ناس بتلغي خرطوم الفاكيوم خالص بتاع المنظم ده

و فية مساطر من غير المنظم ده

و هل لو افترضنا عيب في المنظومة .. و صعب يتعالج ... نشوف موتور يحل المشكلة بس موتور ايه؟؟

اعتقد كل اغلب اللي عندهم دايو معاهم طلمبة سبير في الشنطة

الميكانيكي بتاعي معاة نوبيرا .... بيقولي انا و انا مسافر معايا طلمبة و بوابه و كونترول

اوفر شوية
بس عامة الشعب زينا معاهم طلمبة احتياطي