المساحات بتاعة العربية بتشتغل لوحدها

**aymanmaly** · 06-10-2010 10:33 PM

اة واالله المساحات بتاعة العربية بتشتغل لوحدها
الى حصل كالتالى
انا بمناسبة ان العربية بقالها معاية 3 سنوات و 7-10 هاتم 3 سنوات ( غدا )
قلت احميها حماوة العيد ( نظافة يعنى )
و خصوصا ان العربية من ساعت ما جبتها بعمل الغسيل العادى فى البنزينة
المرة دى قلت اعمل كار كير كامل ماعدا الكراسي و الماتورر علشان هاغير الفرش ولا داعى لغسلة و الماتور انا بغسلة فى التوكيل مع الصيانة الدورية
و طبعا بعد ما خلصت قالولى خرجها برة علشان نغسل البودى
جيت ادور لقيت المساحة بتشتغل قلت يمكن الدراع شغلوة و هم بيلمعو الزراع
لقيت الزراع مقفول و المساحات بتشتغل طول ما انا فاتح الكونتكت
طبعا جالى حالة من الصمت
و رحت لمدير المحطة و قلت لة
قالى هابعتلك كهربائى حالا
جة الكهربائى شاب لا يزيد سنة عن 20 سنة و قالى عادى تلاقى جة شوية ملمع على حاجة كهرباء
قلت لة ازاي
قالى بس حضرتك سبها شوية المادة تنشف و كل حاجة هاترجع لاصلها
و طبعا خلصت العربية و فضلت واقف حوالى ساعة الا ربع و كل شوية افتح الكونتكت الاقى المساحات اشتغلت
طبعا الضغط ارتفع
بدأت اعمل تليفونات و فوجئت بالتالى
ان دة طبيعى و ماقلقش دى مية جت على الفيوزات الداخلية و مجمع الكهرباء فى الصالون و سيبها 7 او 8 ساعات لحد المية لما تنشف و هتلاقى كل حاجة رجعت زي ماكانت
انا ركنتها دلوقتى و بكرة صباحا هاقول اية النتيجة و اذا كان الكلام دة صح ولا لأ

**Bassem Raafat** · 06-10-2010 10:41 PM

بتحصل والله يا باشا ، أنا مره فى يوم مطره جامده لاقيت الإيريال الكهرباء ( بتاع الهيونداى ) طالع نازل ... نازل طالع .......... صبح وليل ... ليل وصبح . علشان برضه طالته شويه مياه فركبه 100 عفريت .

عادى يا باشا والله ومتحرقش دمك ، بكره الصبح إن شاء الله تلاقى الفيوزات ناشفه وكله يبقى تمام .

**aymanmaly** · 06-10-2010 11:16 PM

ربا يخليك يا باسم
الحمد لله ان الاوبترا مافيهاش اريال
هاتبقى مساحات و اريال

**aymanmaly** · 07-10-2010 03:21 PM

فعلا يا جماعة المساحات بطلت تشتغل لوحدها

**Bassem Raafat** · 07-10-2010 03:26 PM

الحمد لله يا عمده

**aymanmaly** · 07-10-2010 03:30 PM

ربنا يخليك يا باسم
طبعا الناس كانت بتقول اية العبقرى الى مشغل المساحات فى عز الحر و يبصولى بصات ..........................

**Bassem Raafat** · 07-10-2010 03:34 PM

**zeznia** · 08-10-2010 09:19 AM

مبروك ياباشا
اولا لانك خلصت من منصور
ثانيا علي حمومه العيد للابترا
ربنا يبركلك فيها ويبعد عنك العالم الغشيمه اللي ماشين يخبطوا في الناس عالطريق!!

**abou-yahia** · 08-10-2010 11:22 AM

عمده
العربيه بتظهر امكانيتها معاك فبلاش افترا عليها
المساحات مبتشتغلش لوحدها ذي ما انت قلت ديه بتشتغل مع الكونتاكت فمش عايز تشغلها متشغلش الكونتاكت اظن الحوار كده ميزعلكش .
الا بالمناسبه هوه مجمع الكهرباء اللي في الصالون ده في انهي منطقه بالضبط عشان نبقه ناخد بالنا

-

الموضوع: المساحات بتاعة العربية بتشتغل لوحدها

LinkBack

أدوات الموضوع

عرض

المساحات بتاعة العربية بتشتغل لوحدها - انشر الموضوع فى :

-

-

-

-

-

-

-

-

المواضيع المتشابهه

العربية بتبطل لوحدها بعد ما بتشتغل على طول

مية المساحات بتنقص للنص لوحدها من غير ما استخدمها

اول ما يشغل العربية المساحات تشتغل لوحدها

لمبة الاعطال بتشتغل و تطفى لوحدها

المساحات وقفت لوحدها فى دايوو إسبيرو !!

الكلمات الدلالية لهذا الموضوع

المفضلات

المفضلات

ضوابط المشاركة