الموضوع: حكايتى مع الميكانيكية

السلام عليكم
احب ياجماعة احكى لكم على مأساتى مع بعض الميكانيكية انا عندى دايو سليو و من حوالى ثلاثة اسابيع كان حصل قفلة ما بين السلك اللى مغذى الدينامو و الارضى بعدها مرضتش تدور ابدا روحت لميكانيكى المفروض انة ميكانيكى فى شارع منشا الاسكندرنية يعرفوا الشارع دة على العموم قلتلة عندك اسكانر قال عربية اية قلت لة سليو قال هاتة هنا عند الورشة سحبت العربية ورحت لاقيتة عمال يكشف بلمة تجربة قلت انت مش حتكشف بالكمبيوتر قال لا لان البرنامج مش عندى المهم قال المشط بتاع الاسبيرتير اتحرق قلت لة على فكرة مافيش كهربا طالعة للمشط بحكم ان انا بفك التيوتا حتة حتة قالى لا هو المشط روحت جبت مشط امريكى و ملف عملو 260جنية ركب دور مفيش قال يبقى الكارتة هى اللى بايظة دور على كارتة يامعلم اسبوعين ابدا المهم انا ياعم حركن العربية تحت بيتى وشكرا قال الحساب 100جنية لية ياعم هى دارت من هنا لهنا 50 بالعافية لان انا كفتجى و ادو على الكارتة ابدا وقالو فية واحد بيصلح الكارتات فى محطة الرمل روحت قالى البرنامج ضارب طيب كام ياعم 500 جنية قلت احاول اشوف استعمال تانىابدا المهم ربنا كرمنى بواحد صاحبى بيتعامل مع ميكانيكى اسمة الحاج فتحى خلف نقطة شريف سحبت العربية الفجر علشان السكة فاضية المهم اية الحكاية قال تعالى بعد المغرب روحت اية يا حاج قالى بسم الله ودور الله واكبر اية الجمال دة قالى كان فية قفلة فى الضفيرة حرقت الاسبيراتير وكل ما حتجيب واحد حيضرب طيب والكارتة الكارتة زى الفل الله يكرمك ياحاج فتحى و.........اللى فى بالى اللى عاوز 500 فى كاتة سليمة واللى يخليك تغير حاجات سليمة حسبنا الله وانا اسف جداا على الاطالة