الموضوع: سؤال بخصوص تغيير الزيت للفيرنا

المشاركة الأصلية كتبت بواسطة mina87

مساء الخير
انا عندي فيرنا 1600 مانيوال استلمتها يوم 11/6/2007 وهي لسه عاملة ال5000 كيلو من يومين وعايز اعملها صيانة ال5000 وكنت شفت في جدول الصيانة اني المفروض اغير الزيت كل 5000 كيلو فياريت تنصحوني اجيب زيت شل 5000 وللا موبيل 5000 وياريت لو حد يعرف اسعارهم يقوللي
وبالمناسبة لو حد عمل الصيانة في مركز الخدمة بتاع مؤسسة خالد اللي في الزقازيق ياريت يقوللي رأيه في المركز ده
شكرا واسف علي الاطالة

كده كده غبور مبيستخدموش غير زيت شل في كل الأحوال ،،

و حسب ما سمعت انه افضل من موبيل ،،

بخصوص الصيانة معرفش المركز اللي حضرتك بتسأل عنه ،،

بس لو معندكش مشكلة كبيرة اعمل في اي مركز ،، المهم يكون معتمد و يختم الضمان

هوا كله تغيير زيت و فلاتر بالعكس ساعات المراكز الصغيرة بتهتم اكتر ،،

معلش انا كان عندي سؤال تاني انا لما عملت صيانة الالف في ابو رواش حطولي زيت شل هيلكس الترا اللي بيعد 10000 كيلو بس انا قريت في الكاتالوج ان الزيت المفروض يتغير كل 10000 كيلو او 6 شهور (ايهما اقرب) وطبعا زي مانتوا شايفين انا استخدامي للعربية بسيط جدا (من شهر 6 حتي شهر 3 عملت 5000 كيلو بس) فهل لو سبت زيت ال 10000 اللي انا حاطيته لحد صيانة ال 10000 اللي ممكن تكون كمان 8 او 9 شهور الموتور حايتأثر؟ مع العلم اني مستعد اضحي بزيت ال 10000 لو حايبقي في ضرر علي العربية ومعلش انا ليا سؤال تاني هيا الميه الخضرا ايه احسن انواعها علشان انا لاحظت ان الميه اللي في القربة قلت شوية
متشكر جدا ومعلش انا طولت عليكوا بس اتمني انكوا تساعدوني لان خبرتي في العربيات قليلة والفيرنا دي اول عربية امتلكها في حياتي وبحافظ عليها جدا ومستعد اصرف عليها اي مبلغ

الشيل الالترا دا افضل زيت موجود في السوق و بيحافظ علي العربية انا عندي نفس المشكلة باحط موبيل1 و باعمل بية اقل من 10 الاف بكتير في ال 6 شهور بس ناوي المره دية اقعدة حوالي 7 اة 8 شهور و الي اعرفة كمان عن شيل الترا انة بيقعد اكتر من موبيل 1 يعني ممكن لحد 15 الف المره قبل الي فاتت استخسرت و حطيت اكس اش بي بهدلي العربية و صوت الموتور علا جدا و مش بتسحب زي الاول و بقت خشة معايا و الاهتزاز زاد
رجعت حطيت زيوت تخليقية تانية العربية رجعت زي الاول و من ساعتاها و انا ناوي ما اغيرش الزيوت التخليقية تاني ابدا سواء موبيل1 او شيل الترا حتي لو اغلي بس بيحافظ علي الموتور

شكرا علي ردك يا medo بس انا خايف يكون في ضرر علي العربية لان بطريقة استخدامي للعربية زيت ال10000 ممكن يعد اكتر من سنة وفي نفس الوقت مش معقول اجيب زيت تمنه فوق ال 200 جنيه واغيره كل 6 شهور (يعني العربية تكون عملت اقل من ال5000 كيلو في ال6 شهور دول) انا سمعت ان شل ليها زيت بيعد 5000 علبته صفرا ياريت لو حد جربه يقولنا رأيه فيه ايه وطبعا موبيل اكس اتش بي حضرتك قلت انه وحش وخللي صوت الموتور عالي فانا حاستبعده من حساباتي خالص

جربها زيها زي الموبيل اكس اتش بي الانين تقريبا حاجة واحدة و نفس الفئة
حضرك ممكن مسك العصاية من النص مشلازم يعني ال 10 الاف كيلو كلهم و مش لازم برضة 6 شهور بالميلي فهمتني ؟
بس الزيت لازم يكون تخليقي لانة فعلا بيفرق جدااااااااااااااااااااااا اااااااااااااا

شكرا يا ميدو علي اهتمامك وانا فعلا اقتنعت برأيك وشكرا مرة اخري

نسيت اقولك الشيل ممكن يقعد اكتر من 6 شهور مستريح لانة انتاج ماليزي متعبي بره يعني عكس الموبيل1 انتاج مصري فخليك مع الشيل الالترا اقوي و انا كمان حاجربة بس غيار الزيت الي جاي علي شهر 9

كلامك صح .. ابعد عن الزيوت المعدنية و خليك في التخليقية زي موبيل 1 أو شل ألترا ... أما بالنسبة للميه الخضرا المفروض ان تركيزها مايقلش عن 35 % ... يعني تبعد عن الحاجات التعبانه اللي تركيزها 10 % ... في ميه خضرا موبيل تركيزها 40 % دي كويسه أوي و لو مالقتهاش ممكن تحط موبيل 33 % مش وحشه برده لكن من فضلك ماتحطش ميه خضرا بتركيز أقل من كده ...
غبور بيستخدم ميه خضرا شل ودي تركيزها 35 في الميه و كويسه جدا برده ...
بس اوعي تحط ميه خضرا بتركيز أعلي من 50 % لانها هتأثر بالسلب علي الموتور بتاعك لانها مصممة لدرجات الحرارة المنخفضه يعني الجو الأوروبي ...
35% كويس أوي