-
صاحبتي عندها مشكله غريبه
طبعا انا بشكر كل اللي رد علي المواضيع اللي كتبتها وبجد افادتني اوي بس الموضوع اللي عايزه اخد رايكوا فيه النهارده بخصوص صاحبتي بتحب واحد من زمان من ايام المدرسه الثانوي و هي دلوقتي في اخر سنه في الجامعه وهو كمان اخر سنه المشكله انه كلم باباها اكتر من مره عشان يخطبها بس باباها قاله لما تخلص الاول مع العلم انه بيشتغل في شغل باباه ومستواه المادي عالي جدا بس باباها قال مش مهم الفلوس المهم انه يخلص الاول الحكايه دي مزعلاه اوي وكل فتره يقولها باباكي بيتكبر عليا وبيجي علي كرامتي وحاجات غريبه مع ان باباها بيعامله حلو جدا وبيكلمه في المناسبات وكمان عارف ان البنت بتحبه وكل شويه يقولها انا اصحابي خطبوا واختي الصغر اتخطبت هو23 سنه وصاحبتي 20 اصله كان في كليه وسابها وراح كليه تانيه عشان كده اتاخر في الدراسه وكل شويه يزعلها ويقولها مش قادر ويهدي شويه بس يرجع تاني لنفس الموضوع وساعات يقولها اللي يجي علي كرامتي ميلزمنيش وحاجات زي كده علي فكره عنده في البيت عارفينها من الاول يعني من سنين وبيحبوها اوي حد عنده حل؟؟؟؟؟
-
ولا حاجه المفروض يستني لما يخلص الكليه بردوا و هيا زي ماحضرتك بتقولي في اخر سنه مجاتش علي الكام شهر دوول
هيا مش مسالة كرامه علي اد ماهيا مسالة مبدا انهم يستنوا لحد مايخلصوا الدراسه عادي يعني و ابو البنت هو صح و طالما كل حاجه في التمام و الاهل عارفين هو مضايق ليييه و بعدين امكانياته الماديه تسمح يبقي يخلصوا الكليه ان شاء الله و النتيجه تطلع بالتوفيق ان شاء الله و يتجوزوا علطول مش هايبقي ليها لازمه فترة خطوبه و كده .... و ربنا يتمم علي خير
-
هقول حاجه الراجل دايما كرامته اهم حاجه عنده قدام البنت اللي هيرطبت بيها بالذات وده طبعا الطبيعي وهو متضايق من كده وحاسس انه اتهان بسبب حاجه ذي كده لو الولد كويس معاها فعلا ومش مودي يعني بحالات وفعلا مقتنع وهي مقتنعه بيه وعارفه انه انسان كويس ووالدها بيحبه فعلا ذي ماشرحتي ومقتنع بيه اعتقد انها تكلم والدها لو فيه بينهم لغه حوار وتعرفه انه زعل من حاجه ذي كده يابابا مثلا وممكن تقعد تتكلم معاه وتوضحله وجهه نظرك ايه لانه فهمها بشكل خاطئ ..... ده هيخليه يتفهم الموقف اكتر ويتقبله لانه هيحس ان كرامته اترديتله وان شاء الله خير
-
يعنى اهلها عارفين واهلة عارفين مش شايفة فى مشكلة انهم يتخطبوا و مجتش عالسنة دى يعنى
بس عالأقل يبقو مرتبطين رسمى ولو حد من اهلها شافها هيقول دى مع خطيبها مش مع واحد وخلاص
اعتقد ان بباها تفكيرة قديم شوية
-
مممممممممم شكله زنان
بس عموما اللى اعرف انه لو باقى عليها هيستنى لما يخلص وميقولهاش اى كلمه تقرفها :).....طب هو ليه بيقول كرامتى؟؟؟؟؟؟؟؟؟....ايه العلاقه؟؟؟؟؟؟؟؟؟
بس برضه الايام بتفوت بسرعه يعنى مفرقتش من 6 شهور مثلا
بس واضح ان البنت تهمك اوى :)
-
بباها بيتكلم معاها ومقتنع انه لازم يخلص الاول اصل الدنيا مطارتش
-
صح يا احمد والله بس تعمل ايه في العند
-
انا بحيي والد البنت لانه فعلا عايز يشتري راجل ملو هدومة ومعاه شهادة. كان ممكن يقول تتخطبي عادي وهو فالتعليم مادام حالته المادية كويسة بس هو فضل يستنا لحد مايخلص عشان يدخل ماسك شهادته ورافع راسه. المفروض الولد يقدر قيمة الراجل ده ويحترم تصرفه ولو شاف الابهات بتعمل ايه في العرسان هيعرف ان معاه نعمة لازم يحافظ عليها ( راي شخصي ).
-
جواز ...................انا بحسد كل واحد عازب ويقولو
خليك كده احسن وبكره لما تتجوز هاتعرف انا بقوللك كده ليه
-
لا ياسوما باباها بيقول انه لسه كده مخلص دراسه ولسه ميعرفش الجيش ان كان هيروح اولا بالعكس باباها راجل متفتح جدا بدليل انه سمعها لما قالتله انها بتحبه صح؟
Content Relevant URLs by
vBSEO 3.6.0 PL2