مقارنة بين الصنى المصرى واليابانى

**omar-saad** · 07-10-2010 02:04 AM

كنا عايزين نعمل مقارنة بين الصنى التقفيل المصرى اللى من اول 2007
والنيسان اليابانى ال 1600كم اول 2004 ل2006
والمقارنة دى تكون شاملة كل حاجة
الكماليات
العزل
الراحة
القوة
الجودة
ياريت الاعضاء اللى جربوا العربيتين
يتفضلوا مشكورين ويحكوا تجربتهم

**vayron** · 07-10-2010 03:23 AM

مش هاتنفع إلا بالصور

**Ahmed.TV** · 07-10-2010 04:41 AM

هو صعب تدعيم الموضوع بالصور ,بس هو فعلا كويس لو حد من الملاك كان ركب الاتنين وفاكر وعارف وجهات الاختلاف فيذكرها فى نقاط محددة ومرتبة لافادة الناس
واحييك على فكرة الموضوع بس فعلا لو اتمد بالمعلومات الهامة من الاعضاء حيكون مفيد جدا

**egypt0777** · 07-10-2010 09:08 AM

الفرق بس فى تقفيل العماله المصرية انما الخامات واحده

**omar-saad** · 07-10-2010 05:39 PM

بصوا حضراتكوا
انا ليا واحد اعرفه ومعاه واحدة يابانى
موديل 2005ex اوتوماتيك
الاختلافات اللى ظاهرة ادامى
الجنط 14 بوصة ودة مريح العربية والعفشة اوى على حسب كلامة
العربية نازل سى دى اوريجينال وفوج لايت اوريجنال برضة
والسمعات بتاعتها ماشاء الله
مش زى اللى عندنا خالص
والعربية ماشاء الله عليها
هوة شاب زى حالاتى سفر وشد وفرك والعربية معاه مابتقولش لا
بس للاسف انا ماركبتش العربية او جربتها

**harizy** · 07-10-2010 05:47 PM

باشا هى الفكرة هايلة طبعاً، بس كنت عايز أعرف إيه الغرض منها وليه، يعنى مثلاً لو طلعت الصنى اليابانى أحسن هتشترى قديم ولا العكس بصراحة أنا حاسس أنها مقارنة متأخرة أوى بعد أربعة سنين جايين نقول اليابانى ولا المصرى.

وبعدين لازم نعرف إن فعلاً الخامات يابانى إنما التقفيل هى اللى مصرى يعنى بجد مش عارف إيه الهدف من المقارنة.

**omar-saad** · 07-10-2010 05:56 PM

الفكرة هية مجموعة معلومات
تنبقى مثبتة للقراء علشان يبقوا عارفين كل حاجة عن تاريخ العربية ومميزاتها وعيوبها دلوقتى وزمان
ويبقى مرجع لاى حد عايز يعرف المعلومات عن الصنى بشكل عام
وبعدين الحمد لله انا معايا نيسان صنى موديل 2009
وبعدين القسم هنا ماكنش فيه نشاط خالص قبل كدة لان العربية كان ملاكها مش كتير
انا كنت اربت ابطل ادخل
لولا الفترة الاخيرة ابتدى القسم ينشط ويبقى فيه مواضيع مميزة والنيسان بقت عربية مطلوبة فى السوق عن زمان
فلازم اللى يدخل القسم يبقى عارف كل حاجة عن العربية
وشكرا لمرورك الكريم

**HOSSAM_GABRE** · 07-10-2010 07:48 PM

اللى اعرفة ان الموديل المصرى اعلى من الموديل اليابانى عن الارض الكاسيت بتاع الموديل المصرى فيه mp3 واكيد اليابانى لا على اساس انها تكنولوجيا جديدة شوية ( آخر اليابانى 2006 ) اعتقد ان حساس الاوكسوجين مش موجود فى الموديل اليابانى على اساس ان تم اضافته اعتبارا من موديل 2011 .

**Bishoy.Girgis** · 07-10-2010 08:30 PM

بصراحة انا شايف ان المقارنة صعبة اوي انها تتعمل لأن العربيتين زي بعض بالظبط في كل حاجه و الفرق الوحيد انها كانت بتتقفل في اليابان و بعدين ابتدأت تتقفل في مصر علي ايدي يابانيين و طبعا انا اقصد مقارنة بين الصنى التقفيل المصرى اللى من اول 2007 والنيسان اليابانى ال 1600كم اول 2004 ل2006
و بعدين هقول لك بقي علي حاجه جوهرية في المصري احسن من الياباني ان العفشة اصبحت رياضية من 2009 و طبعا دي كانت نقلة محترمة من نيسان و كمان بقي في abs و الكاسيت بقي cd .. الخ
عشان كده مفيش مقارنة و ده رأيي الشخصي و طبعا في كل الحالات العربية محترمة جدا و السوق هو الحكم في الموضوع و بعدين ارتفاع سعر السيارات الاخري خلت الناس تعمل حساباتها من الاول تاني و لما لاقوا ان العربية قيمة .. ابتدأوا يتجهوا ليها يعني لو يعرفوها من زمان كانت اخدت وضعها من 7 سنين و اكتر

الموضوع: مقارنة بين الصنى المصرى واليابانى

LinkBack

أدوات الموضوع

عرض

مقارنة بين الصنى المصرى واليابانى - انشر الموضوع فى :

-

-

-

-

المواضيع المتشابهه

ليه شكل الصنى الخليجى مختلف عن المصرى ؟

مقارنة الصنى اليابانى بالسوبر صالون المصرى

الفرق بين الصنى اليابانى و المصرى

مقارنة بين الأيطالى واليابانى

الكلمات الدلالية لهذا الموضوع

المفضلات

المفضلات

ضوابط المشاركة