كريم منير هو اللى يتحمل التكاليف طبعا :ma:
كريم منير هو اللى يتحمل التكاليف طبعا :ma:
على حسب الخطأ ... و على حسب طريق كلامه بعض الخطأ !
يعني لو واحد مخدش باله او حد كسر عليه او او الاسباب الي بنقع فيها كلنا دي .. و نزل اعتذر حتى لو من خارج المنتدى و برده نسبة الاضرار عندي بسيطة ... خلاص حصل خير و تذكر انها ممكن تحصلك السواقة ملهاش كبير .
انما واحد ماشي بسرعة و غرز و و وو و ... و نازل يبجح او حتى يعتذر ... اسف ! ادفع !
انا شخصيا مش بدقق فى الخبطاط الخفيفه والحمدلله بغض النظر كان من المنتدى او لآ
بس بتبع اسلوب المبادره الهاديه والمحترمه اللى هيه فى جميع الاحوال متوصلش لخناقه بين الطرفين وبعتبر ان الخبطه دى فديت بدالها شىء اكبر واخطر وده برحمة الله علينا ده طبعا بالاضافه لشوية دعوات بسمعها من اللى خبطنى والناس اللى كانت بتتفرج
لكن لو هو غلطان ونازل بيبجح ونظام خدوهم بالصوت ساعتها بئه (بيظهر وش شريف التانى )و اتق شر الحليم اذا غضب
المنتدىء مليء بالشخصيات المحترمة اوذا اتلف احدهم شىء اظن انه سوف يقوم باصلاحه بدون مشاكل
فكرت فيها كتير جدا
ومش عارف ساعتها حعمل ايه
بس هوا حاجه من الاتنين
ياحعمل عبيط لو هوا اللي غلطان بس هوا بردو حيشوف الاستيكر
ويعمل عبيط هوا كمان
وتبقي حادثه عبيطه ونمشي
وطبعا رد فعلي اول ما اشوف الاستيكر اني حهدي واسأله انتا مين علي نايل موتورز
واعتقد ان الموضوع حيخلص لو هوا اللي غلطان حيشيل التكلفه او علي ما نتفق بقي
بس معتقدش انه حيحصل خلاف
احسست من اغلب المشاركات اللي فاتت ان الغالبية
العظمي لا تختلف علي ان ((من افسد شئ عليه اصلاحه ))
بس الوضع برده لا يختلف علي ان لو هناك ذوق و اعتذار في حالة
رد الفعل الاولي سيكون هناك احترام متبادل بين الطرفين سواء
اللي خبط او اتخبط
بس اللي انا مستغرب منه ان لم يدخل واحد يقول دا برقبتي ميدفعش ولا مليم طالما هو من حبايب المنتدي
يعني اللي عاوز اقوله ان الاجابات دي لو من تلاتين سنة كده ولا حاجة
اتوقع كانت الاجابة ستكون لا ولا اقبل العوض واشياء من هذا القبيل
طب ايه اللي حصل
اللي حصل من وجهة نظري ان المادة غلبت علي المجتمع (( والجنيه غلب الكارنيه )) لان الناس تعبانه والتصليح بقي بالغلا والكوا وحتي اللي مأمن مع شركة تأمين بتتاخد العربية منه في التوكيل فوق الشهر وغالبا الشيك بيتأخر وخلافه وازاي هنقعد من غير عربية والتكسيات غالية وأروح الشغل ازاي و الولاد هيروحوا المدرسة ازاي يعني
كل الحاجات دي بتضرب في النفوخ اول ما يفتح باب العربية وينزل
لا يري امامه مين اللي خبطه ولكن اللي بيسيطر عليه ساعتها
ايه اللي هيحصل بعد الخبطة من كل اللي ذكرته سابقا
عموما دي وجهة نظري المتواضعة بس انا اري ان للمنتدي حق علينا
مهما كانت الظروف كفايه ان ممكن يكون واحد شاركني همومي يوم من الايام وجت معاه كده غصب عنه فأنا مع اقتراح اننا نعمله خصم 30 % للمصنعيات وادارة المنتدي تدفع 20% علشان هم سبب المعرفه اللي جت بخسارة دي و كده يبقي عدل اوي ههههههههههههههههههههههههه هههههههههههههه
اهو دلوقتي كريم يخش يقول بقي بدل ماتفكروا ترفعوا من ايرادات المنتدي اللي مجمعكم عمالين تخترعوا تغرمونا ازاي ههههههههههههههههههه وربنا مايجيب شئ وحش ابدا لاي حد سواء من المنتدي او من خارجه ولو اني مازلت اعتقد ان شعار المنتدي هيخلي الواحد يهدي من جواه ويمكن اخده واعزمه علي حاجة وانسي اللي حصل في العربية لكم مني خير تحية
م.حاتم السباعي
خايف واحد يخش يقولك انا لو ابويا حضربه
بالمناسبه بقي اضحكوا
في يوم كان معايا عربيتي ومروح في رمسيس في رمضان والدنيا كانت زحمه شويه
شويه والاقيلك ابويا بيكلمني بيقولي انا في رمسيس تروح معايا قلتله لا معايا عربيتي قاللي طيب
المهم انا ماشي ولقيته جي من جمبي بس ورا شويه وبيزمر
رحت بصيتله وشاورتله (ولا اما يكون مش حشوفه في البيت بعد نص ساعه )
وانا ببص وبشاور اتاري العربيه اللي قدامي وقفت عشان فيه يوتيرن
ودشششششششششششش
خبطت فيه
ستر ربنا ان الدنيا كانت واقفه شويه فمكنتش بجري
ابص جمبي ياجدعان اني الاقي الراجل اللي كنت بشاورله ده
فص ملح وداب تقولش علي اسكندريه الصحراوي
وطبعا بقي الراجل نزلي ويبص الحمد لله مفيش حاجه
يقولي حد يعمل كده
وانا مش قادر بقوله معلش وانا حموت واضحك من الموقف
فين بقي بعد ما ركبت الاقيه بيتصل بيا
ايه ياابني اللي حصل
قلتله روح بيتكو ياعم اما ابقي اجيلك
بتبيعني ياهرم ماشي
:)
وقعتى من الضحك يا راااااااااااااااااااااااا اجل
باعك كده وقتى يلا معلش لو ده بقى اللى حصل معاه كان زمانه نفخك ......................................
بصوا يا جماعة لو انت اللي خبطت حد وكنت انت الغلطان فالمفروض انك تعرض علية تكاليف الاصلاح او تصلحها له وتعتذر لة كمان لان انا من راي انك انت لما خبطة وانت غلطان ومشيت ومرضيتش تصلح له فتأكد انها مرحتش علية وانما بدل ما حياخدها منك في شوية فلوس دلوقتي حياخدها منك حسنات يوم القيامة وياريت منستهترش ونقول واية يعني بجملة الحسنات اللي حتنقصنا لو فكرنا بالمبدا دة يبقي عمر ما حتعرف تدخر حسنات وذي ما ممكن حد يحب ان يدخر فلوس للدنيا وللايام الصعبة ما برضو اتبع نفس المبدا مع الفارق طبعا بين الاثنين وبرضو ادخر حسناتك ومتفرتش فيها بسهولة.
وبالاضافة كمان ان الشخص اللي انت ظلمتة ومرضتش تصلحها لة ممكن يدعي عليك دعوة وحشة وساعتها دعوتة حتكون مستجابة لان دعوة المظلوم مجابة بأذن الله وفي الاخر حيقتص منك يوم القيامة
انا اتذكر شخص ربنا يكرمة بجد انسان محترم جدااا كان رجع عليا وخبط عربيتي لان كان بيرجع ومبصش وراة وراح خبط عربيتي واول ما نزل اقدر انة يمتص غضبي ومخلنيش اقولة ولا كلمة واحدة لان اول ما نزل قال لي انا فعلا اسف جدا انا اسف مكنش قصدي وانا المتحمل تكاليف الاصلاح وشوف انت عايز اية ,,,,بصراحة ساعتها استغربت وفي نفس الوقت احترمتة اوي فقلت لة انا مش عايز فلوس انا عايز انك تجيب ليا قطع الغيار اللي اتكسرت اللي هما الفوانيس والشبكة وكدا وفعلا طلعنا علي محل واشتراهم وقبل ما يسبني لقيتة ركز علي كلمة وكررها عليا كتير كان بيقولي لي انت راضي كدة فقلت لة اة خلاص حصل خير فرجع يكررها متاكد انت راضي ومسامح مش حقدر امشي غير لما تكون مسامح وراضي,,,,,فضحكت وقلت له مسامح تماما وراضي تخيلوا يا جماعة انا ركبت عربيتي ومشيت وانا بدعيلة وبقول ربنا يباركلة واد اية حسيت ان انسان جدير بالاحترام فعلا.
في نقطة تانية مشهورة اوي في بلدنا ان حد يقول لك اية هو انت تقبل العوض ؟؟؟ وكأن دي حاجة حرام امال لما حد يظلم حد ويسيبة يبقي دة اللي حلال
الحلال واللي يرضي ربنا هو انك متظلمش حد ولو ظلمت حد ترضية ولو شاء ان يعفو ويقول خلاص توكل علي الله ومش عايز منك حاجةومسامح خلاص ولو قال لة مسامح بعد ما تتحمل تكاليف الاصلاح فخلاص تصلحها لة طبعا هو دة اللي يرضي ربنا ويقرة ديننا.
فالموضوع يا جماعة ملوش علاقة بان اللي خبطة من اعضاء المنتدي الكرام او لا...لو انت اللي خابطها وحتصلحها لانك اتكسفت وطلع من اعضاء المنتدي فمن باب اولي انك تصلحها له لان دة واجب عليك وميرضيش ربنا انك تظلم حد وتسيبة يدعي عليك ويقتص منك في يوم حتكون احوج فية بكل حسنة.
ممكن واحد يقول لي انا كنت ناوي اصلحالة بس لقيتة نزل وبدا يبجح بالكلام انت ممكن انك اللي تسبق وتعتتذر لة وتعرض علية اصلاحها وبالتالي متخلهوش ان يقول اي كلام من اساسة ممكن انة يضايقك.
طيب لو انت مش غلطان وانت اللي اتخبطت والشخص اللي ادامك رفض انك يصلحها لك فانت حتقول وانا كمان مش حصلح لحد لان انا برضو ذي ما خبطت ناس ذي ما انا اتخبطت ومحدش صلحها ليا ,,,,,هنا بقي بقولك كل انسان حيتحاسب علي عملة وياسيدي خليك مظلوم بس ربنا راضي عنك احسن متكون ظالم ويدعي عليك بدعوة وحشة وفي الاخر ممكن ربنا يجبهالك في حاجة تانية اصعب لا قدر الله.
انا متاكد ان لو الثقافة دي بقت عندنا حيكون شارعنا متحضر جدا والناس بدل ما تنزل تتخانق مع بعضها حتنزل تدعي لبعضها.
وجزاكم الله خيرا واسف لاطالة