الموضوع: استشاره عاجله جدا من الخبراء في ال128

انا امبارح حصلي مشكلتين فى العربيه ( 128 موديل 84) اسوأ من بعض ومش عارف اعمل ايه.
الكلاكس بتاع العربيه ماكنش راضي يشتغل علشان سلك الارض كان مفكوك ( انا كنت عارف كده علشان دي مش اول مره يعمل فيها كده) المهم رحت لكهربائي ربط سلك الارضي و بعد ما مشيت من عنده ما كملتش خمس دقايق شميت ريحه شياط لسه بهدي واركن على جنب لقيت دخان كتير اوي طالع من عند علبه الفيوزات ركنت العربيه وحاولت اعرف من ايه الدخان ماعرفتش فقلت ادور تاني واشوف ايه اللي هايحصل دارت عادي ومافيش دخان ولا شياط بس لمبه الدينامو منوره على طول وامبير الحراره والبنزين مش شغالين. يا تري ده ممكن يكون من ايه
المشكله التانيه ان انا يدوب مشيت بيها كده عشر دقايق العجله اليمين اللي ورا نامت نزلت فكتها وركبت الاستبن طلع هو كمان نايم وحيث ان انا كنت فى زايد والقت متأخر مشيت علي الاستبن وهو نايم لحد محطه البنزين طبعا العجله باظت والشنبر الخارجي اتقطع بس المشكله الحقيقيه اني بعد ما صلحت العجله وركبتها لقيت فى صوت خبط طالع من ناحيه العجله بيبقي واضح اوي وانا ماشي على بطئ وبيروح لما السرعه تزيد والعربيه بقت مش ثابته خالص وبتعوم جامد جدا.
انا فعلا مش فاهم يه اللي حصل ومحتاج افهم علشان ماروحش لميكانيكي او عفشجي يعملي فيلم مالوش لزمه فياريت حد يقدر يفيدني

موضوع الخبط اللى فى العجلة اللى ورة حصل زية عندى فى العجلة اللى قدام والميكانيكى قاللى عيب عفشة