6 أكتوبر - يعني أيه بالنسبة لك

**TaoTao** · 07-10-2010 11:21 PM

بالنسبة لي مصدر للفخر وتعليم وتربية .. من صغرنا بنقعد حوالين بابا يحكيلنا عن الحرب وإزاي الراجل المفروض يثبت ذاته ويؤدي المطلوب منه حتى لو في غير مجاله "طالما اتحطيت في حتة لازم تسد" دي كلمة بابا اللي دايماً يقولها لنا .. حكايات وحكايات تدل على أن جيل الآباء المحاربين كان لديه قيم ووطنية وكانوا مثال مشرف جداً، وإن الإيمان والعلم هما سبيل النصر في أي مجال .. لم ينصلح حال الجيش ولم تتحسن قدراته إلا بمجهود ضباط الاحتياط ذوي التعليم العالي والعقول البراقة (ووالدي أحدهم) التي أسهمت مع مجهودات رجال الحربية البارزين في إخراج حرب أكتوبر بهذه الصورة المشرفة .. (أقول هذه الجملة لأن هناك تجاهل إعلامي لدور ضباط الاحتياط مع محاولة لنسب النصر لمن فشلوا وألحقوا بنا هزيمة 67 المخزية)
الحكايات كتير وأكيد فيه كتير مننا آباؤهم شاركوا في هذا الانتصار العظيم .. ممكن نتشارك في القصص ونجمعها عشان نبقى نحكيها لأولادنا كآخر مصادر فخرنا .. وكل سنة وآباؤنا بألف خير ورحم الله شهداء هذه الحرب الجليلة (بغض النظر عن الوضع الحالي)

**ecybrarian** · 07-10-2010 11:49 PM

ما عدش في رجالة زي زمان..اسمعوا الحكمة دي من فتاة
YouTube - ‫ط¶ط.ظƒ ط£ط³ظˆط¯ : ط¨ظٹظپظƒط±ظƒ ط¨ط§ظٹظ‡ 6 ط£ظƒطھظˆط¨ط±‬&lrm;

**shiko85** · 08-10-2010 12:08 AM

المشاركة الأصلية كتبت بواسطة ecybrarian

ما عدش في رجالة زي زمان..اسمعوا الحكمة دي من فتاة
youtube - ‫ط¶ط.ظƒ ط£ط³ظˆط¯ : ط¨ظٹظپظƒط±ظƒ ط¨ط§ظٹظ‡ 6 ط£ظƒطھظˆط¨ط±‬&lrm;

شكرا على الفيديو المحزن جدا
هى الناس اللى مش عارفه حاجه دى عايشه فين ؟؟
طيب الأطفال هيقولوا ايه بقى لما الشباب مش عارف اى حاجه
بجد حاجه مؤسفه و محبطه

**khaled_bibo** · 08-10-2010 12:13 AM

ايدي اتشرخت في اليوم اللي قبله من الكورة بقيت من ابطال اكتوبر :d عارفين الجندي المجهول يبقى انا

**chato_eg** · 08-10-2010 12:47 AM

ما هو يعنى الجيل الحالى هايعرف عن 6 أكتوبر منين ؟؟؟
يا من المدرسة...و بلاش نقلب المواجع
يا من التليفيزيون...و هناك تعتيم إعلامى كبير على ماضى مصر من الثورة إلى 73 ....
لو ما سمعوش من أهاليهم...يبقى هايعرفوا منين...دى نتيجة طبيعية
و بعدين ده احنا لسه 37 سنة...يدينا طول العمر و نشوف لما يبقوا 50 إيه إللى هيحصل..ممكن يبقى العيد القومى حاجة تانية ساعتها...زى بناء كوبرى و لا افتتاح خط جديد للمترو...أو عيد ميلاد حد مهم فى البلد وقتها ;-)

**chato_eg** · 08-10-2010 12:51 AM

تخيلوا لو الناس دى اتسألت عن أحمد عرابى...
الشاطر منهم هيقول لك محطة مترو....
فى منتصف التسعينات كنت بأتابع فى يوم التليفيزيون و حصل إنهم سألوا الناس فى الشارع عن أحمد عرابى....ساعتها كنت أنا فى المدرسة و مقرر علينا قصة الثورة العرابية...و كنت مذهولا من الناس إللى أكبر منى و مش عارفة أحمد عرابى و إللى يقول لك ده كان تركى و إللى يقول ده كان شركسى...مسخرة فتى بلا علم بكل المقاييس...

**Samir Elshahawy** · 08-10-2010 10:07 PM

المشاركة الأصلية كتبت بواسطة TaoTao

بالنسبة لي مصدر للفخر وتعليم وتربية ..

أشكرك و أحييك بشدة

و بأشكر كل من شارك في الموضوع

فعلا 6 أكتوبر كي يكون عيدا و يستمر يجب علينا :
1- أن نقص ماسمعناه من أبائنا و الجيل الذي سبقنا من بطولات و قصص الحرب الي أبنائنا و كل من لم يعي هذه الحرب المجيدة
2- أن نستحضر هذه الروح التي كانت سائدة في أكتوبر و نحاول تطبيقها في حياتنا اليومية و عملنا و أكيد سيختلف الوضع عما هو عليه الان
3- أن نجمع أكبر قدر من القصص و البطولات (كما قرأت في مشاركة أحد الاخوة) و نكتبها هنا في موضوع يتم تخصيصه لهذا الغرض

و سأكتفي بما قاله الرئيس الراحل "محمد أنور السادات" في بداية خطاب النصر يوم 17 أكتوبر 1973 عندما تحدث عن معارك أكتوبر و قال :

" أمجد بل أعظم أيام تاريخنا"
فكيف ننسي هذه الايام

مع خالص تحياتي
م/ سمير الشهاوي

**hugan** · 08-10-2010 10:21 PM

بيفكرني بجنود بواسل وضباط ضحو بحياتهم واولادهم وزوجاتهم
لكن في النهايه ضحو علشان ايه
علشان شرم الشيخ المحرم علي المصريين دخولها
علشان دهب ونوبيع تكون مستباحه لليهود ويدخلو جمعه وسبت بالبطاقه
وانت كمصري لا تجروء انك توصل من النفق الي سيناء بدون تفتيش وبهدله
وياسلام لو مسافر اتوبيس مش بعيد تترحل في بوكس لقسم الخليفه

علشان الارض والثروات المنهوبه
علشان شاليهات العين السخنه
علشان جولف القطاميه
ومربع الوزراء
علشان هشام طلعت مصطفي وسوزان تميم وياخد الارض بالمرافق مجانا
علشان احمد عز وعصابته ينهبو المصريين ويجوعوهم

كل الناس دي ضحت بحياتها واستشهدوا للاسف
بدون فايده
لكن جزائهم عند ربنا