مقارنة تجربة مواتير الكامبرو القديم و الجديد و تغيير الجين 2

**tutankhamoun** · 09-10-2010 09:35 AM

المشاركة الأصلية كتبت بواسطة felix

الف مبروك يا باشا وتدوبها في عرق العافية ان شاء الله

يا باشا ربنا يباركلك و شكرا على مرورك و تعليقك .

المشاركة الأصلية كتبت بواسطة hossamkoshy

كل موضوعاتك مميزة جداااااااااا
متعبش علينا اصلك بتوحشنا
والف الف الف مبروك علي العربية-----وربنا يملها لك بركة

ألف شكرا يا أستاذ حسام على الكلام الجميل ده و شكرا على الدعاء
و ربنا يباركلك و يستر طريقك و يحميك من شرور الطريق .

المشاركة الأصلية كتبت بواسطة midosalah

مقارنة هايلة استاذ توت
ربنا يباركلك فى عربيتك الجديدة

نورت يا أستاذ ميدو ............. وشكرا على المرور و الدعاء الكريم ..... و ربنا يباركلك

المشاركة الأصلية كتبت بواسطة kareemz

الف مبروك .. أنا ليه واحد صاحبى معاه واحده موديل 2006 كل ما أركبها أقول يا رب فيها ايه مختلف عن الجديدة .. دلوقتى ظهر بالتفصيل

طيب الحمد لله أن الفروق وضجت لحضرك يا أستاذ كريم
و شكرا لمرورك

المشاركة الأصلية كتبت بواسطة mangere90

السلام عليكم ورحمة الله وبركاته

ازي حضرتك يا استاذ توت وحشتنا والله وربنا يبارك لحضرتك في جين 2010 طبعا هناك فرق
مابين موديل 2007 و 2010 انا اصل برده ركبت 2007 كتير , وبعدين اشتريت 2009 وطبعا
المقارنه اللي حضرتك عاملها جيده جدا ومفيده , بس انا رأيي ان فوق 2008 بالنسبه للجين2
كاألات جر احسن من الموديلات 2008 وما قبل اما كاصالون وقوة صاج واكصدامات وفخامه داخليه
طبعا الموديلات اللي تحت 2009 احسن , وفي حاجه مهمه جدا حضرتك نسيتها وهي (مثبت السرعه)
ودي كانت مهمه اوي في الماتك بالنسبه للموديلات اللي تحت 2009 ودي حاجه مزعلاني اوي زي
موضوع الساعه بالظبط

أستاذ مانجيري
بالنسبة لالات الجر .... أنا مش شايف أختلاف كبير
الأختلاف باين في الموتور بس ......... الموتور اللي فيه iafm إنتاجه للطاقة أفضل خصوصا على السرعات الأقل و كمان أنعم في الحرق .

بالنسبة للفروق التانية كصالون و فخامة داخلية و قوة صاج أنا برضه مش شايف أي فروق خالص
الخامات هي هي و مستوى التقفيل واحد ( جيد جدا )
الصاج أنا شايف أنه قوي بنفس الدرجة و نفس السُمك أو التخانة
الفخامة الداخلية ..... هي هي نفس الخامات الفرق في اللون فقط و أنا شايف أن اللون الرمادي أحلى و بيدي فخامة أكتر ... إنما من ناحية الخامات ........ الخامات واحدة و دي رأي بعد تجربة العربيتين لفترات طويلة .
بالنسبة لمثبت السرعة
أنا أغفلته علشان أنا كنت بقارن بعربيتي 2007 المانوال ... و طبعا مكنش فيها مثبت سرعة
أنا شايف أن مثبت السرعة و لا له أي لزمة ( ده رأيي )
مثبت السرعة مفيد في السفر فقط لا غير ... و كمان على طرق محترمة
طرق مصر هاتلاقي واحد كاسر .... أو شوماخر عاملي غرزة من أمامك .... و هاتضطر تضغط فرامل و هاكذا دواليك ....
بالاضافة أنه بيخليك مش مركز 100 % مع العربية

و ده رأي شخصي بحت

و نورت يا باشا الموضوع و ربنا يباركلك في جينا الجميلة و يكفيك شرها و يعطيك خيرها
و شكرا على مرورك و تعليقك

**tutankhamoun** · 09-10-2010 09:43 AM

المشاركة الأصلية كتبت بواسطة XXXMEMOXXX

الف مبرووك أ/ توت ,, وربنا يباركلك فيها
شكرا على المقارنه واظهار الفروق ,,
الساعه كان شكلها شيك جدا ,, ولو حد يعرف سعرها كام في التوكيل ولو ينفع تركب عندنا ؟؟

منتظرين تفاصيل الجراب أ/ احمد ,,

الف سلامه على حضرتك أ/ محمد المعداوي ,,

شكرا أ/توت ,, وماتغبش عننا
تحياتي

شكرا يا أكس مان على مرورك الجميل
بالنسبة للساعة ..... هي فعلا شكلها كان شيك جدا
و بصراحة مش عارف ثمنها كام أو أصلا ممكن تركب و لها وصلة و لا لاءة ؟.

المشاركة الأصلية كتبت بواسطة Osama.shihata

موضوع جميل يا أ.توت
جزاك الله خيراً
وان شاء الله ربنا يباركلك فى العربية الجديدة ويحفظك من كل شر

نورت يا أستاذ أسامة و شكرا لمرورك الجميل و تعليقك
و ربنا يباركلك في عربيتك بروتونتك الجميلة

المشاركة الأصلية كتبت بواسطة Eng. Rafy Samy

اخي العزيز توت
شكراُ على تعبك في عمل الموضوع بالشكل الجميل ده.. موضوع رائع وشرح وافي والتفاصيل والصور جميلة قوي ..

كنت عاوز اسألك لو تعرف الفروق ما بين الواجا القديمة والجديدة ( بخلاف الموتور طبعاُ ) وفي حاجة انا مش قادر افهمها .. ازاي الواجا القديمة كانت بجنط 16 والجديدة بجنط 15.. انا اعرف ان تغيير مقاس الجنط بيحتاج تغيير في منظومة العفشة كلها و كمان الفرامل.. يا ريت لو توضحلي النقطة دي

تقبل تحياتي اخي العزيز

باشمهندس رافي .... نورت الموضوع بتعليقك الجميل
بالنسبة لسؤالك عن تغيير حجم الكاوتش و العفشة
طبعا الواجا القديمة كان بجنط 16 و الجديدة بجنط 15 علشان التوفير طبعا في المصاريف

لاءة هو تغيير مقاس الكاوتش مش بيحتاج تغيير كامل في العفشة
و لكن فيه حاجة بتكون في عدادات قراءة السرعة علشان العداد بيكون مظبوط يقرأ من مقاس معين .

بس طبعا لما بيكون معاك منظومة فرامل و عفشة مُصممة علشان مقاس مُعين بيكون أفضل لأن كل شئ بيكون محسوب بالملي .

الفروق بين الواجا القديمة و الجديدة ليه منحصرة في الآتي

الموتور القديم ميتسوبيشي و الواجا الجديدة كامبرو عادي من غير iafm مش عارف أيه الحكمة من كدا .
كفاءة العفشة في الجديدة أعتقد أفضل .
الخامات الداخلية في القديمة أفضل بمراحل ..

بصراحة مش عارف أذا كان فيه فروق جوهرية تاني و لا لاءة .

المشاركة الأصلية كتبت بواسطة khpopo

موضوع هايل

مبروووك جنجون الجديده انا كنت بفكر زيك من فتره اجيب جينون الجديده لانى مابقتش مقتنع باى حاجه بسهوله

نظرااا لظروف برضه كنت هابيع واجيب الجديده لكن قلبى ماطاوعنيش عشان الفروقات ونظرااا انى جربت الجديده وفى سفر وجرى حسيت بفرق السحب فى السرعات العاليه كمان بصراحه حسيتها بقت زى اى عربيه فى الصوت والصالون ...القديمه ليها تميز عن العربيات جامد

ربنا يديك خيرها ويكفيك شرها
ربنا يوفق

أستاذ خالد .... نورت يا باشا

بس أنت لو عايز تجيب الجديدة .............. هاتها و هاتعجبك و الله جميلة ما شاء الله .
و لكن ممكن برضه تنتظر لنزول حاجة أحسن من الجين 2 يمكن يغلطوا و ينزلوا السي بي اس 125 حصان ...
تبقى في الجون دي

و ربنا يباركلك و شكرا على مرورك

**tutankhamoun** · 09-10-2010 09:47 AM

المشاركة الأصلية كتبت بواسطة hesham_soaida

علشان حد يشتري نفس العربية في خلال 3 سنوات, لازم يكون بيعشق العربية دي. تحية كبيرة لتوت

الحُب يا أستاذ حُسام بيتولد من العطاء بين الطرفين

أولا العربية ما شاء الله .... لازم تحبها ...بشكل أو بأخر

و أنا العربية مزعلتنيش في أي حاجة ( مع أن فيه عربيات أقوى منها كموتور في السوق )

بس العربية ما شاء الله ........... حبوبة و تتحب ...... و تتعشق كمان .

ربنا يباركلنا فيها و يبارك في حضرتك
و يبارك لبروتون و ماليزيا و ربنا يكرمهم إن شاء المولى عز و جل

**ahmedfathy77** · 09-10-2010 09:00 PM

السلام عليكم ورحمة الله وبركاته

اولا اسف على دخولى المتأخر نظرا لسفرى اليومين اللى فاتوا

ثانيا بجد وحشتنا مواضيعك يا استاذ توت اللى كان الواحد فعلا بيستناها على فترات قريبة جدا , احنا محتاجين مواضيع حضرتك ومواضيع كل البروتوناوية المحترمين عشان تطرد المواضيع اللى انت عارفها واساليب الحوار اللى محدش كان راضى عنها اللى اثرت على القسم تاثير اكتر من سلبى .

ثالثا الف الف مبروك يا استاذ توت على العربية الجديدة وربنا يهديك خيرها ويكفيك شرها يا رب .

رابعا حقيقى والله يا استاذ توت حضرتك رديت على سؤال عمال يدور فى بالى اليومين دول بشكل غريب لو انا كمان كام سنة قررت اغير الجين 2 اجيب ايه بنفس الامكانيات وبسعر مناسب الصراحة كل ما افكر برضه الاقينى ارجع للجين 2 مش عارف العربية دى مجننه الواحد كده ليه بجد من يوم ماشفتها من 3 او 4 سنين معجب بيها لغاية اللحظة دى حتى بعد ما جبتها مفيش يوم لا زهقت من شكلها ولا بطلت ابص لها بنفس الاعجاب وحتى لما بفكر بعقلى الاقينى برضه مش لاقى ادامى غيرها . الماليزيين عملين لينا عمل ولا ايه ؟ هاهاها

بجد ربنا يحفظهالك ان شاء الله ومعانا دائما يا استاذ توت بمواضيعك ومشاركاتك لتعم الفائدة على الجميع ان شاء الله

**ahmad alshaaer** · 10-10-2010 02:30 AM

اللهم اعطه خيرها واكفه شرها

ااااااامين

تحياتي يااستاذ توت

وعلى فكره انا كمان شكلي حتى الان لو هغير مش لاقي افضل من الجن 2

وربنا يكرمنا ويبعد عننا اي شيء سيء

مبروك عليك