حل مشكلة الار بي ام ومشكلة تخبيط الباب يمين في الافيو

**montela** · 07-10-2010 12:44 PM

السلام عليكم طبعا كلكم عارفين حكاية ارتفاع عداد ال RPM لوجدة وتعليقتة في العربيات الافيو ودي فعلا مشكلة
لو كانت العربية مانيوال كنا بنغير فيشة حساسا ال tps الاول ونجرب العربية ونشوف لو المشكلة اتحلتن يبقي خلاص لو رجعت تاني يبقي بنغير الحساسا كامل اما في العربيات الاتوماتيك فكنا بتغير الحساسا كامل من اول مرة
دلؤقتي بقي في kit جديدة نزلت وهي عبارة عن فيشة جديدة واللي بيحصل ان احنا بنقص الفيشة القديمة من ضفيرة العربية وبنركب الفيشة الجديدة مع تفير في اطوال سلوك الضفيرة مع الفيشة علشان تغير المقاومات وبعدين بيتحط نوع مخصوص من الشحمالموصل للكهربا بين الترامل وبتتلحم الفيشة الجديدة مع الضفيرة والحساس ودة حل نهائي ان شاء الله لمشكلة الار بي ام وكل اللي جربها مرجعش تاني الحمد للة طبعا العملية دي ليها خطواط خاصة ومترتبة فنيين التوكيل بس هما اللي مدربين عليها

اما مشكلة تخبيط الباب يمين عند السرعات العالية فدي عاوزة سمكرة لان في حتة في الباب مش مستقسمة فلما سرعى العربية بتزيد بيزيد معاها خلخلة الهواء في المكان دة وبالتالي بتحس بصوت تخبيط

والسلام عليكم

**Bassem Raafat** · 07-10-2010 02:43 PM

الله ينور عليك يا باشمهندس ، بس طبعاً الكلام ده للأخوه مالكى الأفيو داخل الضمان .... صح ؟

يعنى كل اللى عنده المشكله دى يروح على طول التوكيل ويغير الفيشه دى ولا ...... إيه ؟!!

ويا عينى على الناس الغلبانه إللى عربياتها بره الضمان ح يتكلفوا كام لتغيرها ؟!!

وشكرا ً على المعلومه وجزاك الله كل خير .

**aymanmaly** · 07-10-2010 03:26 PM

شكرا على المعلومات القيمة
بس فعلا تكلفتها كام برة الضمان مانيول و اتو
وهل لو العربية برة الضمان ممكن تتعمل برضة مجانا لانة عيب انتا
و العربية بتحتاج وقت اد اية علشان يعملوا الموضوع دة ؟

**montela** · 07-10-2010 04:43 PM

المشاركة الأصلية كتبت بواسطة bassem raafat

الله ينور عليك يا باشمهندس ، بس طبعاً الكلام ده للأخوه مالكى الأفيو داخل الضمان .... صح ؟

يعنى كل اللى عنده المشكله دى يروح على طول التوكيل ويغير الفيشه دى ولا ...... إيه ؟!!

ويا عينى على الناس الغلبانه إللى عربياتها بره الضمان ح يتكلفوا كام لتغيرها ؟!!

وشكرا ً على المعلومه وجزاك الله كل خير .

وعليك ياريس طبعا الفيشة بتتغير في الضمان ومتهيقلي تكلفتها حوالي 200 جنية للبرة الضمان بس ممكن تستنوا لغاية لما اتا كد من السعر بكرة ان شاء الله

**Bassem Raafat** · 07-10-2010 04:53 PM

ربنا يباركلك يا باشمهندس ، وخلى كل الأخوه الأفيويه ينبسطوا بقى ، ده كان هم تقيل على قلبهم .

بس فعلاً الناس إللى بره الضمان إيه زنبهم فى عيب الإنتاج ده ، متشوفلهم حل يا هندسه ينوبك ثواب .

**montela** · 08-10-2010 12:30 AM

المشاركة الأصلية كتبت بواسطة aymanmaly

شكرا على المعلومات القيمة
بس فعلا تكلفتها كام برة الضمان مانيول و اتو
وهل لو العربية برة الضمان ممكن تتعمل برضة مجانا لانة عيب انتا
و العربية بتحتاج وقت اد اية علشان يعملوا الموضوع دة ؟

بالنسبه للوقت مش حاجه كبيره هي بتخلص بسرعه

**Ravine** · 04-03-2013 10:56 AM

السلام عليكم
بصراحة ربنا يكرمكم على الموضوع اللى مغلبنى ده, انا بس كنت عايز اسأل هو الموضوع ده بيتعمل فى التوكيل بس ولا فيه حد بره كويس بيعرف يعمله؟؟؟
اصل انا عربيتى فيها حاجات تانية وحيقعدوا يقولولى انهم يعملوها

**abou-yahia** · 04-03-2013 12:29 PM

المشاركة الأصلية كتبت بواسطة Ravine

السلام عليكم
بصراحة ربنا يكرمكم على الموضوع اللى مغلبنى ده, انا بس كنت عايز اسأل هو الموضوع ده بيتعمل فى التوكيل بس ولا فيه حد بره كويس بيعرف يعمله؟؟؟
اصل انا عربيتى فيها حاجات تانية وحيقعدوا يقولولى انهم يعملوها

حضرتك الموضوع قديم

لو حضرتك بتشتكي من نفس الشكاوي السابق ذكرها

احسن مكان هوه التوكيل

عشان لو العربيه في الضمان تستفيد منه