حصل خير
بس هو ايه بقى بالظبط اللى اتخبط؟
لو انت ناوية تبيعى فعلا ممكن بس تغيرى الفانوس و تسيبى الخبطة (او التقشير) زى ما هو
فى ناس بتحب ان العربية تبقى مش مرشوشة, و الفابريقة و الكلام ده
ده مجرد رأى, و كمن على حسب الخبطة عاملة ازاى
عرض للطباعة
:(
يا حبيبتي يا سيتي :(:(
صعبان عليه جدا ..عايزة اعيط عليها
بس اتشامت منها برضه :mad:
انا هسيبها شوية كدة تاخد العين :D:D
بس هجيب الفانوس و خلاص هستني شوية
الخبطة مش كبيرة لأ يا معاذ ..عرضها بتاع 10 سنتيمتر و داخلة لجوة بتاع 5 سنتيمترتحس انك عاوز تردها بأيدك كدة
معلش قدر الله وما شاء فعل
الخبطة دي هتترد على البارد ان شاء الله بـ20 جنية
بالكتير وبدون رش،، يعني العربية هتفضل
فابريكة ان شاء الله بس الفانوس هو اللي
غاااالي،، اللي كسرة لازم يدفع تمنة ... والا ممكن
يكسرة تاني!!
ربنا يطمنك يا نادر ميرسي بجد
:)
ما هو الفانوس باة :confused: عاوزله برضه مبلغ !
لأ و اخو الولد الكبير دة محترم اوى و قعد يعرض انه يصلحها و والله ما ينفع و من افسد شئ فعليه اصلاحه ... فاخويا بأة اتكسف من زوق الولد و قاله لأ مبقبلش عوض !!!!!!!!
و احنا طالعين باة كلت اخوييا:D:D " انت مبتقبلش العوض ,,, انا بقبل :D:D "" و ايه مبنقبلش عوض دى !!! فى شرع مين دة !!!
ايه جملة مبقبلش عوض دى؟؟؟؟
انا عايزة افتح موضوع مخصوص على جملة " مبقبلش عوض " دي عايزة اعمل استطلاع والله يا نادر:D:D
الاستطلاع دة موجود قبل كدة:)، كل حاجة موجودة
هنا دوري انتي بس في القسم الاجتماعي هتلاقية
موضوع كان عاملة الاستاذ اسلام شاهين.
ربنا يعوض عليكي خير باذن الله.
أولا قدر الله و ما شاء فعل و ربنا يعوضك خير عما حدث لك
ثانيا
اختى انا مع الإقتراح الذى يقول بعمل محضر لكن ممكن تأخذى حد كبير معاك والدك أو اخوك الأكبر المهم حد يكون كبير و هادى مش عصبى و تروحى لأم الولد و تتفاوضى معاها على انك تأخذى فلوس الإصلاح و الفانوس المكسور و خاصة ان دى مش اول مرة و لو قالت لك هتقبلى العوض و كلام من هذة النوعية قول لها من اتلف شئ فعلية اصلاحة و هذا من الإسلام
و لو مرضيتش تدفع ثمن تهور ابنها فعليك بالمحضر عشان لازم يكون فية رادع لهذا الولد و امة و تستشهدى بموضوع الإحتكاك اللى بسيارتة
و ربنا يعينك لأن امثال تلك الأم و هذا الولد كثيرون
السلام عليكم
اولا قدر الله وما شاء فعل..... ثانيا كلمة حكمة قالهالي أخد إخوانا في المنتدى طووول ما إنتي في مصر العربية حتتخبط حتتخبط النهاردة بكرة بعدة..... المهم ترقبي وإنتظري المكان والزمان!
طبعا كونك تعرفي مين إللي خبطها سهل ولو كان الواد ده حيبان على عربيتهم اثار الخبطة!
كونك تسكتي لأ وألف لأ........ روحي لأهلة وكلميهم بالذوق وإطلبي منهم إصلاح ما أتلفوة..... دة ولد بايظ ودي مش حتكون نهاية التخريب .... صدقيني وبكرة الولد يكبر والتخريب والعقل المخرب حيكبر معاه!
زي ما الاخوة قالوا تعملي له محضر ويتهدد إنه ممكن يتسحب على القسم ومستقبلة يضيع وبكدة يخاف منك طول عمرة! ولكن تسيبي حقك لأ.... وتعملى بالمثل بردة لأ.
انا معرفش جراجك موضعة إزاي بس ممكن تحوطي العربية بجنازير من العمود للعمود لو بتركني جنب عمدان...!
شؤال أخير.... هو إنتي لحقتي تركبي السيتي علشات تبيعيها؟؟؟؟