هوا في ناس كدة !!!! - Lolly 136

**bolok** · 08-10-2010 01:12 AM

المشاركة الأصلية كتبت بواسطة dr ahmed

متشكرين على السخرية

وفعلا غلطان إنى تدخلت فى حوار معاكم وكأنى أذنبت بتوضيح معلومة تهم حتى لو واحد فى المنتدى

السلام عليكم يا دكتور ... اولا انا شخصيا عرفت معلومة جديدة فعلا من مداخلتك ان لولي مش شغاله في التوكيل وانها متطوعة ...
ثانيا : اعتقد ان محدش يقدر او يجرؤ انه يسخر من مداخلتك .. ليس خوفا منك ولكن حبا في سيادتك وفي المنتدى الجميل..
الحكاية بس ان الناس واضح انهم خارجين قريبا مع بعضهم ومبسوطين وبيعبروا عن كده بكتابة انا شخصا برضو محستش انها تمس سيادتك بتريقة علشان اعتقد انهم شخصيا لا يمكن يتريقوا على مداخلتك بسبب انهم جميعا ناس محترمة وانهم يكنولك الاحترام ...
حقك علينا يا دكتورنا الفاضل لو فهمت اي كلام اتكتب انه تريقة على مداخلتك لا سمح الله

**م. حاتم السباعي** · 08-10-2010 01:21 AM

المشاركة الأصلية كتبت بواسطة dr ahmed

متشكرين على السخرية

وفعلا غلطان إنى تدخلت فى حوار معاكم وكأنى أذنبت بتوضيح معلومة تهم حتى لو واحد فى المنتدى

يا نهار ابيض
حد يقدر يسخر يا دكتور احمد من حضرتك او اي حد في هذا المنتدي الجميل اللي مجمعنا علي الحب والاخاء
حضرتك اكيد مش غلطان ان تتدخل في حوار معانا للتوضيح
ولقد ذكرت انا ذلك بقولي بنشكر ادارة المنتدي للتوضيح
واذا كان كلمة بنشكر الساده مدير الامن و عمال الاستاد وهكذا دي اللي حضرتك فهمتا علي وجه السخرية فأكيد هذا غير صحيح لان جرت العاده حتي في التليفزيون حينما يتوجه احد بالشكر فأنه يوجه شكره لكل الناس حتي اللي وراء الجون فلا تغضب ارجوك لان هذا المنتدي بجد بنحبه اوي وبنحب حضرتك اوي اوي وبنحب أ.كريم اوي اوي اوي وكل الاعضاء بيحبوا الادارة الكريمة ولا تدري حينما انقطعت الشبكة امس عن المنتدي لاجراء بعض الاصلاحات انا كان هيجرالي حاجة في نفوخي واكيد حضراتكم مش هتلحقوني ساعتها لاني اعرف ان حضرتك ودكتور اسامة دكاترة اسنان واعضاء هيئة تدريس يعني احنا لا نستطيع ان نغادر هذا المكان العطر ومين عارف مش يمكن بعد شوية نبقي اعضاء في مجلس الادارة فهل يعقل ان يسخر احد من زميله القادم يالا بقي اضحك ارجوك الموضوع مش مستاهل انك تزعل مني ابدا دنا بحبك في الله وكل الادارة ولما بنحب ننقض احد بنقول علي طول من غير لف ولا دوران عل وعسي اكون وضحت لحضرتك لاننا يشرفنا ان نتقابل مع معاليك وكل الادارة الكريمة في جلسة موسعة في استاد القاهرة الدولي لانني اتوقع ان اعضاء المنتدي يادوب عليهم الاستاد فالله اكبر علي منتدانا الجميل من عين الحساد

م.حاتم السباعي

**م. حاتم السباعي** · 08-10-2010 01:31 AM

المشاركة الأصلية كتبت بواسطة NoRmAl

على أساس أن أحنا مالنا يعنى؟؟؟؟
أحنا بتناقش مع بعض
تحب أقول حضرتك أنى غلطان أنى دخلت فى حوار معاك
تقبل الكلمه دى على نفسك يعنى!!!
متشكرين

م.محمد يا حبيبي
اوعي تفهم حاجة غلط
الدكتور احمد علق علي تعليقي انا فقط
وهوه فهم حاجة من كلامي غلط وانا وضحت له
وان شاء الله مفيش حاجه خالص الموضوع مش مستاهل
وعموما انا حاجز غرفة 63 في سيشل المحطة تحب اوسعلك جانبي حته كده فيها تليفزيون وdvd و لا البطيخ خلاص هيخليك تكبر علينا وهتحجز في الروف علي البحر جنب م.عمرو شرف و د.اسامه عموما ملكش غير زمايل المهنه بلاش تروح للدكاتره مش هينفعوككككككككككككككككككك كككككك

م.حاتم السباعي

**م. حاتم السباعي** · 08-10-2010 02:02 AM

المشاركة الأصلية كتبت بواسطة normal

يا بشمهندس الدكتور قالها بالجمع فهى مش موجهه لشخصك
وحتى لو موجهه لشخصك فبردو "بالنسبه لى غير مقبوله"
أنا هعيدها عليه
يرضى هو أنى أناقشه فى أى موضوع كان وبعدين فى أخره أقوله أنا غلطان انى دخلت فى حوار معاك!!!!!
على العموم أنا مش عايز أعمل مشكله ولا حاجه لا سمح الله
لكنى مرضيتش عن الجمله وكان لازم أسجل أعتراضى

مش عارف اعمل ايه في حماس الشباب ده
يا عم نورمال الدكتور قالها بالجمع للتفخير بشخصي المتواضع اصل (( لا تصح كلمة التعظيم لان العظمة لله )) وعموما انتا لم تجب عن سؤالي انتا ناوي علي سيشل المحطة غرفة ارضي بحديقة ولا علي الروف
عموما انتا هتشرف جزيرة الابطال امتي

م.حاتم السباعي

**night_phoenix** · 08-10-2010 02:10 AM

المشاركة الأصلية كتبت بواسطة dr ahmed

أنا مش فاهم إيه العصبية دى وإيه التحفز ده
هى فرصة خناقة مناسبة مثلا صعب تتعوض؟
وأيوه طبعا لما أدخل موضوع بهدف توضيح نقطة شايفها أساسية فى التعامل وألاقى هجوم وسخرية واتهامات يبقى منتظر منى أفرح وأكون سعيد بالحوار ده مثلا؟

----------------------------

شكرا للأخوة اللى تكرموا بالتوضيح والرد على عتابى وأظن إنى وضحت قصدى بما فيه الكفاية ويزيد ولا ينقصنى الجدل فى نقاط فرعية لا تهمنى

عزيزي د/ احمد الموضوع خلص و كلنا طلعنا حبايب و انت متاكد ان محدش ابدا من اهل بيت كيا يحب يكون حد زعلان منه و الموضوع اليوم كان فرصه للتقارب و التعارف و الدردشه علي الاقل بيني وبينك واهي كانت فرصه نتعرف كزملاء وطبعا زي ما م/حاتم وضح انه اخر واحد ممكن يقول حاجه تضايق حد وانا اشهد بكده
من فضلك متزعلش و انا عارف ان نورمال مش يقصد حاجه تضايقك او تضايق حد
الموضوع خلص و النهارده يوم جديد و حضرتك قلت نقطه شايفها و ده رايك و حقك و احنا معارضين قلنا راينا و ده حقنا و الموضوع خلص و الخلاف لا يفسد للود قضيه و الحمد لله الناس هنا كبيرة و ناضجه و تعرف ده
اتمني ليكم ليله هادئه و يوم غد جميل

**Dr Ahmed** · 08-10-2010 02:11 AM

المشاركة الأصلية كتبت بواسطة normal

وتقدر تقولى هستفيد أيه لما أتخانق معاك!!
ورغم الكلام الكبير الى أنت بتقوله دا بردو مرديتش على سؤالى ليك
أنا هقلهالك أحسن بما أن فى عصبيه وخناقه أنت صنعتها بأيدك
أنا غلطان أنى دخلت معاك فى حوار

بجد شئ يدعو للعجب

بص .. والله كلامك ما يستاهل الرد

**NoRmAl** · 08-10-2010 02:45 AM

المشاركة الأصلية كتبت بواسطة dr ahmed

بجد شئ يدعو للعجب

بص .. والله كلامك ما يستاهل الرد

ربما لأنك من الاساس معندكش رد
بص ..
أنا لو غلطان الحمد لله عندى من الجراءه أنى أعتذر عن الى قلته وساعتها هكبر مش هصغر
أنما واضح أن حضرتك تقول حتى خانى التعبير فى جمله صعبه شويه
ولا يمكن هى جمله عاديه بس أنا الى حساس شويه!
بالمناسبه لو كلامى ميستاهلش الرد
يرجى متردش