مشكلة ترشيح زيت

**mahfouz1983** · 07-10-2010 04:53 PM

السلام عليكم يا اخواني

من كام يوم كنت مسافر المهم كنت مشغل التكيف فكنت نازل اجيب حجات وسيبت العربيه شغاله المهم سمعت صووت تك تك تك تك ةالمكانيه دايرة مخدتش في بالي المهم النهاردا بفتح الكبوت لقيت ترشيح زيت من عند فلتر الزيت كدا وكنت راكن العربيه لقيت نقط كتير تحت العربيه مش عارف وبعدين في تعارق زيت طالع علي البطاريه وعلي كل حاحجة تحت من نحيه فلتر الزيت دا غير ان الفلتر عليه زيت جامد

افيدوني العربيه نوبيرا 2002

**محمد الشامي** · 07-10-2010 05:48 PM

واضح ان الفلتر فيه حاجه !!!! مش مربوط او حصل فيه ثقب مثلا

اكشف على فلتر الزيت , واتأكد انه راكب كويس , لان تقريبا معنى كلامك انه بيضرب زيت جوا الحوض ومبهدل الدنيا , مش مجرد تعريق يعني

**karimfahmy99** · 07-10-2010 06:21 PM

المشاركة الأصلية كتبت بواسطة محمد الشامي

واضح ان الفلتر فيه حاجه !!!! مش مربوط او حصل فيه ثقب مثلا

اكشف على فلتر الزيت , واتأكد انه راكب كويس , لان تقريبا معنى كلامك انه بيضرب زيت جوا الحوض ومبهدل الدنيا , مش مجرد تعريق يعني

+1111111111

و غالبا عدم تقريط على الفلتر . و مع ضغط طرمبة الزيت طرطش جوة الموتور و تسبب فى التنقيط

قرط على الفلتر و شوف اذا كان لسة فى تنقيط و لا خلاص

**mahfouz1983** · 08-10-2010 12:39 AM

اتضح الاتي ان فلتر الزيت اتشرخ بسبب التقريط عليه في التركيب فوقع الزيت كله من المكنه علي مدار 3 شهور المكنه فضيت من الزيت والحمد لله اشتريت زست شيل 5000 ب 100 جنيه وفلتر زيت 20 جنيه و ورش تنظيف كربراتير 20 جنيه لتنظزيف الحساسات والبوابه واخد اجرة 20 جنيه وانتهي الفيلم

**karimfahmy99** · 08-10-2010 08:08 AM

طبعا الحمد لله ان محصلش حاجة فى الموتور مع ان المفروض ان لمبة الزيت كانت تنور معاك من وقت للتانى و خصوصا فى الملفات

الغريب ان اما يحصل زى ما حصلك نتيجة تقريط زائد او عيب فى الفلتر نفسة و عدم تقريط الفلتر دا يدل ان اللى بيشتغلو بيشتغلوا بالفهلوة