السلام عليكم ورحمة الله وبركاتة
انا يا جماعة معايا 5 الاف (خمسة الاف جنية ) فقط فقط فقط فقط فقط لا غيرررررررررررررررر
وعاوز اجيب عربية بس تكون حالتها حلوة ومتقرفنيش فى عيشتى اكتر مانا قرفان من المواصلات بتاعت المحروسة بتاعتنا
فكنت عاوز رايكم اية اللى ممكن فى حدود المبلغ دوة ولانى مش هقدر ازود علية مليم تانى دة اخر كل حاجة
يارب يكون فى هنا حد من اللى فى السوق كمان عشان يعرفنا اية نظام الاسعار دلوقتى
اللي ممكن تجيبه بالمبلغ دا اما سيات نضيفة او 127 محتاجة شغل
بس سيات دية ضعيفة موتور وكلة
انا عاوز عربية اقدر اسافر بيها من القاهرة للاسماعلية زتبقى سدا معايا فى مشاويرى داخل القاهرة
هى المشكلة ان دوة اقصى مبلغ معايا
وسيات دية لاة
يارب حد يصرفنى فى الموضوع دوة
ربنا يكون فى عونك و يسهلها
سيات 133 مفيش اختيار تاني
او 126
بس السيات ماتورها 4 سلندر وانا ركبتها و هى واسعه من جوة نوعا ما و جميله توكل على الله و فى ناس بتعمل تعديل و دورة التبريد و ما بتسخنش و فى ناس بتسقطاها ماتور ال 127 و ده بتبقى حكاية و طياره
و ال 126 3 سليندر
بالتوفيق ان شاء الله
ممكن فولكس بيتلز بس دي تزيد عن خمسة و هي عربية تستحمل السفر
ممكن يحيبوا فيات القرده او فيات 1300 بس هيبقوا شكلهم مش شبابي و يستحملوا السفر
يعنى هتبقى شغالة وحالتها كوويسة وللا تعب وقرف ميكانيكيا بقى ووجع دناغ انا اصلى عاو ارتاح من المواصلات مش عاوز حاجة تتعبنى اكتر
الكلام دة بالنسبة 1300 قيات
وهل ممكن الاقى فيات 124 بالسعر دوة اللى هى زى ال 28 بس دفع خلفى
[frame="6 80"]معلش يا جماعة الاكونت بتاع اخويا كان متسيف على الجهاز وانا بكتب الاستفسار فى الاول
انا مخدتش بالى اللا من شوية فدخلت بالاكونت بتاعى انا[/frame]
بالنسبة بقى للموضوع دة فى عربية كنت بشةفها فى الشارع هى بيجو وصغيرة عاملة زى ال 128 كدة بس مش عارف رقمها كام
وكانت برضة فى عربية بيجو عاملة زى ال 127 كدة
وكانت فى واحدة رينو زى ال 127 برضة
فلو سمحتم بقى ياريت لو حد يعرفهم يقوللى حلوين وممكن الاقيهم فى السعر دوة وللا لاة
انا عاوز اعرف اللحاجات اللى متاحة فى الحالة المظبوطة عشان لما قريب هنزل اسال وادور فابقى فاهم شوية ومحدش يخمنى فى عربية عالية شوية بثمن قليل وتطلع خربانة
المشكله واضحه ان المبلغ اللي معاك يجيب عربيه من الاتنين حالتهم كويسه سيات 133 او فيات 126 اي عربيه تانيه تجبها بالمبلغ ده هتكون واقعه و هتصرف عليها
جيب موتوسيكل كويس احسن بكتير .
طب يا جماعة اقل مبلغ المفروض يبقى معايا كام ؟؟ عشان يجيب حاجة غير دولت كويسة كدة وتقدر تسافر
انا عارف ان هيكون لازم فيها حاجة لانها تعبانة وقديمة بس تكون اصلاحات خفيفة يعنى
مش مصاريف جامد واشتراك عند الميكانيكى
15000 جنيه
مش أقل من 15000 جنيه عشان يجيبوا عربيه ماسكه نفسها و تقدر تمشي بيها
بيجو 404 عربية ممتازة
شكلها اية البيجو 404 دية وتمنها يبقى فى حدود كام
العربية الصغيرة البيجو اللي إنتا قصدك عليها غالبا : بيجو 104
الموقع ده ممكن تشوف عليه شكل أي عربية wikipedia.org
و ده لينك للبيجو 404
Peugeot 404 - Wikipedia, the free encyclopedia
بس أنا رأيي جيب موتوسيكل أو إستحمل المواصلات لغاية ما ربنا يفرجها
ربنا يوسع عليك يارب ويكرمك من واسع وتجيب العربيه اللى بتحبهااقتباس:
المشاركة الأصلية كتبت بواسطة abodi55
بس انا رأى تصبر شويه وبلاش تتسرع قبل مايكون معاك مبلغ معقول وماتفرحش بان يكون معاك عربيه وتصرف انت عليها بدل ماتريحك تتعبك