ارجوكم عايز مساعدتكم في مشكلة البنزين بالله عليكم 100 كيلو في الصفيحة

**momen_ivf** · 07-10-2010 05:03 PM

اخوني الكرام
انا معايا عربية هوندا اكورد موديل 1990 وفي الرخصة موديل 1991 وهيا عربية حالتها فوق الممتازة ونظيفة جدا وصالونها رائع ومريحاني في كل شي هي اوتوماتك و ماتورها 2000 سي سي

مشكلتها الازلية اللي تعبت ومش عارف احلها ازاي هي البنزين ,,, استهلاكها للبنزين عالي جدا يعني بتعمل 100 كيلو في الصفيحة وتشغيل المكيف متوسط تقريبا

متخيلين 100 كيلو في الصفيحة ولما بفول العربية علي الاخر بتوصل لعلامة e بعد 250 كيلو بالضبط يعني 50 لتر بيمشوني 250 كيلو بس

طيب حقولكم انا عملت اية سالت ناس كتير متخصصين وروحت لمراكز هندسية متخصصة في الهوندا بس

اولا قالوا ليا شوف الخراطيم بتاعتها ممكن يكون في خرطوم من تحت مقطوع او مشقق وبينزل بنزين شوف كل توصيلات البنزين وملقتش اي حاجة خالص والخراطيم اللي راكبة الاصلية بتاعة بلادها متغيرتش ورفعت العربية واتاكدت بنفسي

ثانيا قالوا ليا شوف التاكيهات ممكن تكون مفتوحة اوي ودة بيخليها تاكل بنزين ظبطها علي الشعرة ومطلعش العيب منها خالص

ثالثا حالة الموتور وحالة الفتيس ممتاااازة لان لو الفتيس فية مشاكل ممكن تاكل بنزين بس لاسف الموتور والفتيس ممتازيين جدا جدا

رابعا يبقي المشكلة في الكرابتير روحت لناس متخصصين في الكرابتير ومشهورين جدا بالكفاءة وفكوة وشافوة وقالوا ليا الكرابيرتير ذي الفل دور علي اي حاجة تانية غير الكرابيرتير لان ذي الفل وممتاز جدا قلتلهم يعني مغيروش واجيب واحد استيراد قالوا لي لا طبعا الكرابيراتير بتاعك ممتاز

مع العلم اني لوفكرت اجيب كرابيراتير جديد 4900 جنية

وتسارع العربية معايا حلو جدااااااا رغم اني بحط بنزين 80 الا ان سحبها ممتاز وبتشد معايا ذي ما انا عايز

البوجيهات غيرتها وغيرت فلتر الهواء وكل حاجة ومفيش فايدة برضو

تعبت ومش لاقي حل خالص ومش عارف اعمل اية واللي مخليني محبط لاني روحت لناس كتير متخصين في اصلاح الهوندا وورش كبيرة ومعرفوش برضو

وضبط الموتور والار بي ام مضبوط وكل حاجة

ارجوكم دلوني اعمل اية محتاج مساعدتكم لو سمحتم وجزاكم الله خيرا

**M_Nabil** · 07-10-2010 06:12 PM

طيب العربية كانت بتعمل كام كيلو في الصفيحة الأول قبل الموضوع ده؟ ولا أنت لسه شاريها؟

هو الاستهلاك عالى شوية بس حط في اعتبارك ان الماتور 2000 وكربراتير والعربية أوتوماتيك ممكن تكتب كود الماتور اللى عندك؟ وتقول أنت روحت لى مين من بتوع الهوندا

**momen_ivf** · 07-10-2010 06:35 PM

جزاك الله خيرا علي ردك واهتمامك
بصراحة معرفش كانت بتعمل كام الاول لانها مكملتش معايا سنة لسة شاريها من شهر 3 اللي فات

وروحت الورشة الهندسية للهوندا في شارع السودان مركز متخصص لصيانة الهوندا وروحت لورشة جمب البيت في العمارات السعودية لاصلاح الهوندا برضو وروحت الحرفين عند واحد اسمة رفعت وروحت لمركز لصيانة السيارات اليابانيه في شبرا وروحت عند ياسر وخيري بتوع الكربراتير علشان الكربراتير

مش عارف بقي اعمل اية تاني بجد

وعلي فكرة لو تعرف محل حفني بتاع الهوندا انا ساكن هناك

**SAMEH_FOUAD** · 07-10-2010 08:28 PM

شوف ياباشا

انت استهلاك البنزين والعربية فابريكة داخل المدينة هتبقى 9.5 لتر فى ال100 كم يبقى المفروض ان العربية عندك تعمل فى الصفيحة هنقول 170 كم على حسب زحمة الطرق اللى موجودة اللى عندنا

دلوقتى اولا اول حاجة انا عايز اعرفها بيجات البنزين اللى راكبة الكربراتير هل هية بتاعتها ولا اكبر وياريت تتاكد من الموضوع دة

انت اتاكدت ان مافيش عندك تسريب فى التانك قبل ماتبص على اى حاجة وممكن مايكونش باين ولازم يتفك

العربية ظبطت الاربى ام بتاعها عند 850 لفة لو اعلى من كدة هتلاقى العربية بتاكل بنزين سواء وهية ماشية او على السلانسية

البوجيهات المفروض انك تركب البوجيهات الخاصة بالمحرك لان دية انسب حاجة لية

انت طبعا بتقول ان الماتور الحمد لله حالتة ممتازة , طيب ماتقيس نسبة العادم وتشوف البنزين اللى مابيتحرقش قد اية

وربنا يسهل كدة ونمشى معاك واحدة واحدة

**ayman97** · 07-10-2010 09:08 PM

انا عندى نفس المشكلة بس عربيتي لانسر99 كربراتير 1300 وبتعمل 100 ك تقريبا في الصفيحة داخل البلد بالرغم انى مغير البوجيهات وفلتر البنزين والهوا من شهرين والميكانيكى قافل مسمار البنزين اللى في الكربراتير على الاخر

**momen_ivf** · 07-10-2010 09:38 PM

طيب والحل يا اهل الخبرة اعطونا نصائحكم وحلولكم وارائكم

**arabmarket** · 08-10-2010 01:14 AM

اخى الحبيب انا شايف ان معاك ماروتى كمان اوعى تكون بتقارن الماروتى بالهوندا اكورد !!

انا عاوز اقولك حاجه يمكن متنكش واخد بالك منها وهى ان ممكن تعمل سيرش على الانترنت على موديل العربيه معدل
سحبها ايه ؟ اقصد ان الفبريكه اصلا ايه اقصد ان ممكن يكون هى استهلاكها عالى اساسا

انا عربيه والدى متسوبيشى جلنت 2300 سى سى واستهلاكها مفترى فممكن يكون هى كده

ولو فيه عيب تلاقيه ويتحل باذن الله

**momen_ivf** · 08-10-2010 02:56 AM

المشاركة الأصلية كتبت بواسطة arabmarket

اخى الحبيب انا شايف ان معاك ماروتى كمان اوعى تكون بتقارن الماروتى بالهوندا اكورد !!

انا عاوز اقولك حاجه يمكن متنكش واخد بالك منها وهى ان ممكن تعمل سيرش على الانترنت على موديل العربيه معدل
سحبها ايه ؟ اقصد ان الفبريكه اصلا ايه اقصد ان ممكن يكون هى استهلاكها عالى اساسا

انا عربيه والدى متسوبيشى جلنت 2300 سى سى واستهلاكها مفترى فممكن يكون هى كده

ولو فيه عيب تلاقيه ويتحل باذن الله

جزاك الله خيرا كثيرا
سالت في النقطة دي طبعا وسالت ناس معاهم نفس عربيتي وقالوا ليا بتعمل 170 و 180 كيلو في الصفيخة وقالوا انت اكيد عندك حاجة غلط واقل واحد قال لي بتعمل 140 في الصفيحة وكانت عربيتة حالتها سيئة جدا وبتعمل 140 كيلو .

**ayman97** · 09-10-2010 10:46 PM

اهل الخبرة فين ؟؟؟؟

الموضوع: ارجوكم عايز مساعدتكم في مشكلة البنزين بالله عليكم 100 كيلو في الصفيحة

LinkBack

أدوات الموضوع

عرض

-

-

-

-

-

المواضيع المتشابهه

تعبت نفسيا من الميجان وان,, بالله عليكم محتاج مساعدتكم

ارجوكم ساعدوني في حل مشكلة البنزين الاستهلاك 100 كيلو في الصفيحة هوندا اكورد

افيدوني بالله عليكم هجيب سيفيا ( 95 ) اه ولا لا ارجوكم مساعده

ارجوكم افيدونى فى البونتو بالله عليكم .....!!!!!!!

بجد لازم الرد فى اسرع وقت ممكن ارجوكم بالله عليكم

الكلمات الدلالية لهذا الموضوع

المفضلات

المفضلات

ضوابط المشاركة