هل البيكاتو مناسبة لحديثى القيادة ؟

**ma3lenahhh** · 07-10-2010 11:31 PM

ازيكم يا شباب انا مع الكلام اللى بيقول لازم انه يتعلم فى عربيه صغيره او مستعمله و بعدين ينقل على الجديد بس فى نفس الوقت عجبنى كلمه انه فعلا متعلق بعربيه جديده و الزيرو زيرو برضه و احنا كده هنعمله احباط انا عن نفسى عملت النصيحه دى و جبت المستعمل وقع فى نصيبى 11 سنه :) لحد ما فكرت انى اجيب زيرو و لسه حتى مستلمتهاش :)))))))

**A.Saad** · 07-10-2010 11:57 PM

لو شايف انك بتسوق كويس
خليك فى الجديد
لان المستعمل لو تعبان
هيقرفك مع الصنايعية
وممكن يكون فيه خسارة عند البيع

لو خايف على العربية الجديدة
يبقى اسوق كويس
ادخل على مواضيع التعليمى
أامن على العربية

البيكانتو
عفشتها ناشفة
كل الصغير كدة علشان تكون ثابتة
64000 الفول اوبشن
الهاف 61000
ده سعر التوكيل
مدى تناسبها معاك
مناسبة لان حجمها حلو وصغير مش ضخمة وتتعبك
اسبوع مش كفاية للتعليم عادة
بيفضل تاخد حصص اضافية كمان
http://www.nilemotors.net/Nile/127724-a.html

**bolok** · 08-10-2010 01:24 AM

المشاركة الأصلية كتبت بواسطة ALSHARIEF

لا يا باشا دا حب مساعدة الغير من كتر حب سرعة حب مساعدة الغير الكلام مش عارف ماله إيه إللى جراله ( حلاوة الروح ) .

وبعدين هو الراجل هيقرا المشاركات و المواضيع و لا هيفكر و لا هيفضل كل شوية داخل خارج من البلكونة علشان يطمن على العربية الجديدة و لا هيخللى باله من إللى بيكتبه و لا هينزل يجيب الفينو و لا هيعمل إيه و لا إيه و لا إيه بس.... خلاص مفيش مساعدة ..... تخيل يا حبيبى الكلام و إعتبرها أكمل و رتب الكلمات التالية لتكون جملة مفيدة زى زمان فى أولى إبتدائى

تصدق الراجل بتاع الإيموشنز ده كان عنده حق ..
بعدين واضح يا باشا ان ياسو باشا بيعمل ساندوتش الفينو للاولاد وبيكتب وهو بياكلو ...
حبيبي يا ياسو متزعلش يا باشا احنا بس بنهزر معاك

**moha4tec** · 08-10-2010 04:10 AM

مبروك مقدما
عندك حل من اتنين
1- تشترى مستعمل لمدة سنه سنتين تعليم و بعد كده الجديد
2-تشترى زيرو (بعد 6 قرصات سواقه)و لما تمشى بالعربيه الجديده خلى حد جنبك اغلب الوقت يفهمك ,و يعرفك الطرق و السواقه.
*بعد اول 4 شهور ممكن اكتر ممكن اقل هتبتدى تحس انك بقيت كويس
*حاول تحفظ الطرق بتاعتك كويس و تاخد بالك من اماكن الحفر و المطبات و الطرق المكسره و الرادارات( و الميادين او التقاطعات تدى كلاكسات وتفلش بالنور قبل ما تدخلها عشان لو فى حد مش شايفه هو يشوفك و يقفلك و تدخل هادى جدا على التقاطع.)
*متجريش خالص و فى نفس الوقت متمشيش بالراحه اوى (هتتخبط فى الحالتين )*متسقش وانت تعبان او مش مركز ,خد تاكسى احسن و الله ) لانك ممكن تضيع روحك و روح ناس تانيه بسبب عدم التركيز و كمان خساير ماديه و نفسيه )اكتر من تمن توصيلة التاكسى بكتير طبعا.
حاول تطلع حاجه لله و متجبش العربيه قسط ,و خلى بالك طويل عشان هتلاقى الناس كلها بتكسر عليك فى الاول لانك بتمشى بالراحه و خايف
*خلى اعصابك فى تلاجه و تكون عندك سرعة رد فعل كويسه
اخر حاجه متخليش العربيه تسوقك و تجرى بيك (انت اللى تتحكم فيها و تمشيها بالعقل) ,و مش عشان العربيه عدادها بيعدى ال200 يبقى لازم تجبهم يعنى و سوق فى طرق فاضيه بليل و النهار عشان تتعود و تتحسن ووانت راكب جنب اى حد سايق ركز معاه و اعرف و احفظ الطرق ,
و ربنا يديد خيرها و يحميك من شرها
و السلام ختام

**M.ABDEEN** · 08-10-2010 09:09 AM

ممكن مستعمل في الاول وبعدين جديد
البيكانتو عيوبها
العفشة ناشفة شوية وده علشان يدي ثبات مع السرعات
الشنطة صغيرة
عدا ذالك فهي ميه ميه

**yasso0101** · 09-10-2010 02:21 AM

المشاركة الأصلية كتبت بواسطة yasso0101

اتعمل في مستعل الاول احسن متخبك في العربيه الجديده

انا ايه اللي كتبته ده ده محصلش عربي الاجانب

المشاركة الأصلية كتبت بواسطة bolok

نفسي الاقي كلمة صح في الجملة دي ...
ياسو باشا الظاهر السيراتو عاملة شغل ومن ساعة ما جبتها وانت بقيت تاكل الكلا .... الكلام يعني :)))

و الله ضحكتني من قلبي و الظاهر ان عندك حق

المشاركة الأصلية كتبت بواسطة ALSHARIEF

لا يا باشا دا حب مساعدة الغير من كتر حب سرعة حب مساعدة الغير الكلام مش عارف ماله إيه إللى جراله ( حلاوة الروح ) .

وبعدين هو الراجل هيقرا المشاركات و المواضيع و لا هيفكر و لا هيفضل كل شوية داخل خارج من البلكونة علشان يطمن على العربية الجديدة و لا هيخللى باله من إللى بيكتبه و لا هينزل يجيب الفينو و لا هيعمل إيه و لا إيه و لا إيه بس.... خلاص مفيش مساعدة ..... تخيل يا حبيبى الكلام و إعتبرها أكمل و رتب الكلمات التالية لتكون جملة مفيدة زى زمان فى أولى إبتدائى

السندوتشات اولا طبعا ولا عايز بتنا يتخرب - ربنا يجعل كلامنا خفيف عليهم

المشاركة الأصلية كتبت بواسطة bolok

تصدق الراجل بتاع الإيموشنز ده كان عنده حق ..
بعدين واضح يا باشا ان ياسو باشا بيعمل ساندوتش الفينو للاولاد وبيكتب وهو بياكلو ...
حبيبي يا ياسو متزعلش يا باشا احنا بس بنهزر معاك

ازعل ايه يا باشا دنتا اخويا الكبير

واعتذار لصاحب الموضوع بس الناس الحلوه مقدرش استغنى عنها