بجد 75 جنيه.يبقى قشطة قوى_بس حضرتك متأكد_دة كفاية مشوار فيصل دة_وياترى لازم آخد التوكيل_علشان فى رخصة منهم شخصية_والتانية بتاعة العربية_بس مش باسمى.
مش بقولك طيب قوى يابوحمييييييييييييييييييي ييييد :))
أحمد باشا عامل اية ياكبير ...شوف ياباشا .... بعد كدة لما يحصل كدة تانى بمنتهى الهدوء شدهم من أيدة و حطهم فى جيبك وقولة مفيش رخص من غير وصل ... عايز رخص هات وصل ... حيقعد يطنطط قولة أنا طالع ع المديرية تيجى معايا فى العربية ولا تحب تيجى بعربيتك ! بمنتهى البرود ومن طرف مناخيرك .... خليك بااااااااارد تحرق دم هيز مازير
لازم نعمل حملة نايل موتورز_لإلغاء كلمة باشا وبيه.إحنا مش قليلين_علشان يعملوا معانا كدة_إحنا أحسن من أكبر رتبة فيهم_احنا عايشين بشرف_وهما عايشين فى مية البطيخ.زمن الرعب والهيبة خلاص إنتهى.
يتشطروا على بتوع الميكروباص_والمقطورة_وحواد ث الدائرى_والمدمنين_والنصابي ن_ويحاسبوا نفسهم قبل ما يحاسبونا.
ههههههههههههههه ضابط دمة خفييييف !! بس انت اللى اتنرفزت ومعرفتش تمسك اعصابك :)))) المرة الجاية خليك هادى و صاارم
أصلها حصلت معايا بس فى الشوارع الداخلية طالع من شارع للرئيسى لقيت ونش واقف بيقولى عكس اتجاة !! قلتلة فيين دة قاللى الشارع اللى انت طالع منة دة داخل مش طالع !! سألتة طب فين اليافطة قاللى فى اخر الشارع قولتلة طب ما انا طالع من شارع تانى من نصة و داخل علية لحد الرئيسى أشم ع ضهر ايدى !! كلمة من هنا لهناك مشيت والرخص فى جيبى ! (ملحوظة كنت سحبتها من أيدة)
خلى بالك يا صديقى انا عاملت الموقف بتاعك كده بالظبط
و اتسحبت الرخصتيين رخصة العربيه و رخصة السواقه
المهم بيقولى عكس السير قولتلو الشارع ده فرعى يقولى لالالالالالا
و كنت انا و يجى 20 عربيه المهم زعقت معاه و اتخنقة و فى الاخر كان محضرلى
مفجاه فى النيابه
عارف ايه هى عكس السير دى قلى انا اعرفه الله يخرب بيته و حسبى الله و نعم الوكيل فى و فى الدخليه كلها
كان عاملى هروب من كمين
هروب ايه يافندم قولتالو الظابط ده كذاب و ربنا الهمنى انو اقول رد مقنع قولتلو حضرتك انا اتمسكة فين قلى فى شارع
محمد فريد فى وسط البلد كويس الساعه كام الساعه 2 ظهر يوم ايه الثلاثاء قولتالو انو مجنون هيهرب بعريبته فى وسط البلد
و انتا حضرتك عارف انو بتيبقى زحمه جداااااااا المهم وكيل النيابه اقتنع فا خرجة من عنده علشان ادفع المخلفه كانت المفجاه
الامين بيقولى احمد ربنا بقولو ليه قلى انتا المفروض متروحش و يتعملك حبس و تجديد ليه ياعم قلى علشان المخلفه انو واحده العكس منا هدفع الغرامه قلى لا يحلو الهروب ليه قلى معناها انو كان معاك قتيل او مخدرات او سلاح او اى حاجه ممنوعه
قولت اه ه ه ه ه ه ه ه قلى ده سبب الهروب من الكمين
ادى البلد و ادى المرور بلدنا
فا خلى باك لا يكون عاملك حاجه فى الورق خلى بالك خلى بالك خلى بالك
وربنا يحميك
انا اصلا كنت فاكرة بنى آدم_لكن طلع بتوع الميكروباص برقبتة_وبيفهموا عنة_انا حاولت اتناقش معاه_وهو مافيش ما بيفهمش_أقولة دة رصيف_انت شايف رصيف_يقولى اااااععععع_رحت متنرفز وسخنت عليه.أقسم بالله العظيم كنت هاضربة_لولا والدى واخواتى البنات نزلوا من العربية.الأدرينالين على يا رجالة_اقسم بالله انا كنت حاسس_إنى بتعامل مع يهودى كافر من حرب أكتوبر_شخص مقرف_لأ وكان لابس نظارة ريبان تقليد_ام 7 جنيه_وعملى فيها بروس ويلس.
يا عم لا ميقدرش يعمل كدة طبعا متئلئش الراجل
و بعدين ازاى يهرب من كمين و الرخص مع الظابط؟؟؟ وقف لية من الاصل؟؟
ممكن يكون الكلام دة الاول لكن قانون الطوارئ الجديد بعد ما عدلوة معدش ينفع الظابط يحور و يقولك هرب من كمين هو الكمين لازمتة اية اصلا غير انو يشوف الرخص و البطايق بس
ملهوش حق حتى يفتش الا لو عندو تحريات رسمية او اذن نيابة
(دة كلام واحد محامى صاحبى و الله اعلم)
قدر الله ما شاء فعل لعل اخذ الرخصة خير لا تدرى ماذا كان سيحدث اذا تحركت بالعربية اليومين دول متقلقش انشاء الله خير و دعوة المظلوم لا ترد ..................ربنا موجود
حسبنا الله و نعم الوكيل
يا نهار إسود على البلد_هاتجنن_يعنى نشتغل طول الشهر واروح اديلهم مرتبى.
أستغفر الله العظيم_انا مش شايف قدامى
هدي نفسك يا ليجند وبكرة الدنيا تتظبط....
أنا بعتلك فيديو يديك فكرة عن الشرطة..;)
يا رجالة انا عايز أعرف هادفع كام _ربنا يستر.
طيب يا جماعة_مين معانا على المنتدى محامى نسألة_طيب أخش على وكيل النيابة أقولة أيه_يعنى ممكن يخفضها مثلا_انا هاروح مرور فيصل.
ممتعبش نفسك الي مكتوب لك هايحصل ..
انا عارف انة موضوع مقلق .. بس هاتعمل اية خلاص ما باليد حيلة .. ياما تشوف لك واسطة تجيب رخصك .. او تستني وعوضك ع الله ..
انا عارف حتة المريوطية دي كلها شوارع زفت وتصليحات ولا فية اي يافطة توضحلك تمشي ازاي ولا فين ..
مرور فيصل ازبل مرور فيكى يا مصر والكوسة هناك بالاقفاص وياريت ماتروحش بنفسك وشوفلك محامى يروح بدالك انت متعرفش ممكن يكون الظابط كتب اية فى التقرير المرفق بالرخصة خاصة انك ظبطته ادام الناس ممكن يكون اتكتب فية اعتداء على الظابط او سب او قصف او اى هبل انتقاما منك علشان كده خلى محامى يروح يجيبهالك علشان لو طلع فيها حوار وكيل النيابة هيحبسك وش انما المحامى هيعرف يتصرف ومعلش يا مان متضايقش نفسك دى ناس مرضى نفسيين وعندهم نقص جامد ....اقولك على موقف حصل مع سائق اتوبيس سياحى فى منطقة ابو الهول كان السائق منتظر المجموعة السياحية وقاعد جوة الاتوبيس ومشغل التكييف عادى يعنى الجو حر قام الظابط الناقص بعت الامين يقول للسائق يطفى الاوتوبيس لحد متيجى المجموعة السياحية السائق قالة لية خير قاله الامين معرفش قام السائق نزل يسئل الظابط .سأله السائق خير يا باشا قاله الظابط يعنى انا ظابط وباشا اقعد فى الحر وانت سواق وقاعدلى فى التكييف اطفى الاتوبيس......ناقصيييييييييي يييييييييييييييييين ومرضى نفسين مش كلهم بس معظمهم بس حط فى دماغك حاجة واحدة ان ربنا الكبير والعظيم وقادر يزلهم
انا هاتجنن_فى رصيف عليه تراب وإرتفاعة 5 سم_وعربيتى الباليو هاتطلعة إزاى_انا مش فاهم_وبعدين عربيتى انا موطيها جدا_وراكب 3 فيها _يعنى إزاى_بقولة مافيش يافطة انا لفيت جوة 3 مرات وماعرفش حاجة هنا_والعربيات انا شايفها من بعيد_بتلف_يقولى ماعرفش_ماليش دعوة_اااااااااااااه_مابيفه مش_شايل دماغة_وحاطط طاجن_فول مدمس وحمضاااان.
دعوه المظلوم مستجابه
فكرتني بموقف حصلي من اسبوعين
نزلت خمس دقايق وركنت صف تاني في مصطفي النحاس انا عارف انه غلط بس الموضوع كان بسرعة وكنت واقف في حتة مش معطل المرور رجعت بعد الخمس دقايق لقيت الكلبش المتين
ولقيت صول واقف قولتله فك يا عم وندفع الغرامة وخلصونا
قاللي طب عاوزين الرخص قلتله طب فك وخلصنا عقبال ما اجبهالك
المهم فك الكلبش ورحنا للظابط راح واخد الرخصة وقالي 50 جنيه قولتله اتفضل ادي الخمسين جنيه
قاللي لا انا هكتبلك وصل عشان انا ما ينفعش اخد فلوس عشان مامعايش ايصالات
قولتله طب ما دام ما معكش ايصالات بتقولي عاوز الخمسين جنيه ليه قاللي لا ما انت روح ادفع الفلوس في اول عباس الظابط واقف في البنزينة هناك وارحع هتلقيني هنا اديك الرخصة
قولت يا دي العطلة "انا برضة اللي عملت كده في نفسي" قولت اروح اجيب ادفع المخالفة في السريع وارجع بدل ما نضرب مشوار تاني للمرور
روحت دفعت المخالفة ورجعت وكان عباس العقاد ايه قشطة العربيات ما بتتحركش
رجعت ادور علي الظابط ما لقتوش ولقيت امين شرطة قولتله هو فين قالي خد الونش ومشي "يا عيني الراجل سمع كلام - وهو عمال يقولي انا مالي هو مشي انا مالي "
مشيت شوية لقيت عميد واقف في نص الشارع روحت راكن العربية جنبه ونزله ، قولتله يعني الرخص تتسحب وادفع الغرامة ويطلع عيني ورجع ما القيش الظابط كان قال انه مش هيبقي موجود وانا كنت مشيت وشفت اي واسطة تجيبهالي
العميد قالي هو ايم الظابط ايه قولتله وانا ايش عرفني قالي هات الوصل كده بص فيه وقالي هتلقيه بيلف في عباس العقاد
طبعا طبق الاصل العلقة اللي فاتت عباس العقاد ما بيتحركش ولو قعدت كده فيها للساعة 12 بالليل روحت داخل من شارع موازي لعباس وماشي حبة حلوين وراجع عباس تاني، لقيت عسكري قلتله الونش عدي ولا لسه قالي لا ما عداش من ساعتين
روحت نازل من العربية وسايبها قدامه قالي رايح فين قولتله رايح ادور علي الونش ولو حد لمس العربية هنقلك الواحات :shyy:
المهم مشيت شوية في عباس لقيت الونش روحت رامي نفسي قدامه الظابط قالي خير قولتله عاوز الرخصة قالي طب استني هركن علي جنب
ركن جنب عربية واقفة صف تاني وصاحبها واقف جنبيها قاله حرك العربية عشان ممنوع،قاله انا النقيب مش عارف ايه من قسم مدينة نصر
انا بقي جاتلي الجنونة، يعني هو عشان ظابط يقف مخالف واحنا عشان مالناش حد يطلع ..... ابونا
راح ظابط المرور بص للظابط التاني وقاله لو سمحت بأه تحرك العربية، هو ده اللي هداني شوية، وخت الرخص وقلت توبة صف تاني توبة
طيب اتنازل عن الجنسية المصرية علشان يرتاحوا !
انا مش عايزها خلاص_بقت تقيلة عليا_استغفر الله العظيم_انا بخرف فى الكلام اهوة.
هدى نفسك ولا يهمك
لو الناس تلتزم بقواعد المرور الظباط دول يبقى ملهومش لازمة
بس طول مانا ماشى فى الشارع لو انا ظابط حسحب رخص الناس كلها
من اللى بيحصل فى الشارع للاسف الشعب معندوش وعى ولا احترام اقواعد المرور
مش معنى ان فيه عربيات قدامى بتلف وتعدى الرصيف ان امشى وراهم وهما صح
لازم تفكر وتشوف مش تعمل زيهم وخلاص امال ايه الفرق بينك وبين سواق الميكروباص
انا بشوف الحركة دى كتير وانتشرت حتى فى المدن الكبيرة يبقى الرصيف واطى وتلاقى العربيات بتعدى من فوقه عشان مش عايز ياخد اليو تيرن من قدام ويستنى دوره
حركة زى دى عمرها ماتحصل من ناس غيرنا والبلد ملهاش دعوة ونقعد نشتم فى مصر
تخيل لو جبنا اجانب يسوقوا هنا حيعملوا اللى بنعمله دة؟
للاسف احنا بنعمل الغلط وفاكرين ان دة هو الصح
يا سيدى حضرتك لو رحت ترعة المريوطية_مش هاتلاقى معالم طريق_اسفلت من رصيف_والعربيات داخلة يمين وشمال_انا مش من أهلها_وماعرفش_يعنى حتى بتاع الكيا_غلطان_دة طلع دوكتور ومعاه زوجتة_بيقول للظابط انا ماعرفش_دة مش رصيف_فى رصيف واطى وعليه تراب.
بص يازعيم انا حصل معايا نفس الموقف بس لف عكس من اللفه اللي في شارع الهرم قدام مستشفى الهرم المهم بدون وصل بردوا ورحا مرور فيصل تاني يوم سالت على الرخصه قلي بتتعمل المحاضر في قسم الهرم وهتيحي الساعه 12 المهم جات ونده اسمي دخلت لقيته بيقلي 1020
فتقريبا مخالفتها 1020 والمخالفه دي الوحيده اللي مش بيديك وصل علشان يضمن انك تروح تدفعها
وربنا يحرقهم بجاز ودي كانت اخر مره اسوق فيها عكس في حياتي وتحياتي
يا باشا انا مش عارف ازاي حصل كدة بس ده مش من حقو و مش بس كدة هو بنفسه قلك ان مخالفة الرصيف مش نازلة في القانون و سحب الرخص بيبقى نتيجة لمخالفة مخالفة مين؟ مخالفة القانون يبقى ازاي تسحب رخصي على مخالفة مش نازلة في القانون
حد فاهم حاجة؟!!!
متزعلش نفسك , الفلوس عالجزمة القديمة يا باشا .
لما الكلب ينبح و يتنمرد دا شيء عادي فالبلد بنت ال........ دي .
بس انا ملاحظ ان الاعضاء الكرام المتفائلين بتوع " ان الظباط فيهم الكويس والوحش " و ان دول قلة , مردوش فالموضوع
سبحان الله يعني
حسبي الله و نعم الوكيل ,, هي مش حتيجي الا بطريقة واحدة عشان تنضف البلد ال&%$# دي
متزعلش منى يا ليجيند ... بس إنت شكلك كده بتاع مشاكل ... كل شوية تطلعنا بمشكلة مع المرور ...
هدى نفسك شوية و متوقعش نفسك بالغلط ... و لما تكون بتكلم ظابط شرطة خليك هادى و محترم و مؤدب ... و إتكلم بالعقل و تحترم الشخص إللى قدامك .. عشان إللى قدامك يحترمك ..
فى مقولة أمريكية بتقول Never argue a policeman ... يعنى متجادلش مع شرطى ... لازم تبقى فى السليم ..
و فى الموقف ده للأسف إنت غلطان ...
متزعلش من كلامى أنا قلبى عليك والله
الشيء دا مش موجود عند 90 % من ظباط الداخليةاقتباس:
و إتكلم بالعقل و تحترم الشخص إللى قدامك .. عشان إللى قدامك يحترمك
ودا بقي واثق منه .
فين العقل دا ياسيف , دا افتري و قلة ذوق مش عقل , فين المخالفة و فين الغلط الي هوا عمله
فكرتني بمخالفة " سير بدون هدف " ههههههههههههههههههههههه
بقول لحضرتك بتكلم معاه بكل هدؤ.....
هو ما بيفهمش واسلوبة زى الزفت...وانا مش من
النوعية اللى تتحايل ويا باشا ويا بيه....مش انا ...
وللعلم عربية نوبيرا....عملت نفس الحوار.....بردة بيقولو
رصيف.....لقيت الامين جاى....وفى ايدة كارنية...
بيقولة ابناء ظباط......
راح مشاورلة......بايديه علشان يمشيه......
يا رجالة انا فى حياتى الشخصية هادى حدا
جدا....ومرح....بس لما بحس بظلم ومن واحد فاشل ثانوية عامة...
ومش فاهم حاجة فى البطيخ بتنرفز.......
:b4_556:
ادعولى بس تبقى حنينة علشان انا مزنوق اصلا اليومين دول على الااااااخر................
صح يا سيف الكلام داه مظبوط ..أنا لسه واخد مخالفه سرعه 86 علي 70 ..بس الرجل جاي وبيكلمني ب-sir وحاجه أخر إحترام وبيوريلي جهاز الرادار وصورة العربية عليه والسرعه معها ..وبيقولك لو عايز تتدفع إدفع عن طريق البوسطه ولو عايز تطعن إتصل واعمل hearing في المحكمه ..يعني إحترام كامل متكامل غير إن كل 2 أو 3 ميل فيه علامه بتوضح السرعه ..اللي ضايقني إنه من المتعارف عليه لو عنده ذوق كان مفروض يديني إنذار لأن رخصتي نضيفه وكان يسجل الانذار داه عنده علي الكمبيوتر ..بس ما علينا ..
نرجع لواقع المشكله ..رصيف متغطي بشويه تراب مفيش لوح أو علامات ..وناس عماله تلف من عليه ..بردو كل داه في صالح لجند لو جيت تحسبها بالعقل
طيب أنا عايز أقول فكره ،طيب مادام النقيب دة عمل فيها قانوني ، لو كل واحد فيكم شال في جيبه جهاز التسجيل ال-MP3 mini أو لو علي المحمول ودخل في حوار مع ظابط وفتح الجهاز يسجل وهو في جيبه الحوار .. و لما يروح لوكيل النيابه يعرض كل شئ عليه ..مش ساعتها هيعرف مين اللي سحب الرخصه في النيابه من صوته ولو كان زور وكتب مخالفه غير المخالفه ،وكل الحوارات ديه
أنا بجد عايز أعرف مدي صحه تطبيق الموضوع داه ، لو مش هيمشي ميمشيش ليه ..يمكن أكون بحلم بس دليل تسجيل الصوت أقوى 100 مره من انك تستشهد بحد أو حتي تحلف ميت يمين
أنا لو نزلت أسوق في مصر ممكن علي كده أعمل مخالفات بملايين مين غير ماعرف ..لو عرفت أسوق أصلا
فى حاجة عايزك تعرفها ان الضابط بياخد عمولة على كل رخصة يسحبها علشان كده تلاقيه بيتلكك مع الناس علشان ياخد الرخصة
شكاوي وزاره الداخليه
27958807
شكاوي المرور
24021233
مجربتش اتصل بيهم قبل كده بس مسيفهم علي الموبايل لأي ظرف طارئ زي بتاعك ده لو معرفتش اوصل لحد .. يمكن ينفعو