يا جماعة حد من أعضاء المنتدي يعرف حد مقيم في دولة قطر؟ محتاج أعرف إيه أخبار الحياه هناك.بوجه عام إيه أخبار مستوي المعيشة من عيوب ومميزات. هل الحياه غالية ؟؟؟ هل البيئة كويسة؟؟ بس كده
شكــــــرا
عرض للطباعة
يا جماعة حد من أعضاء المنتدي يعرف حد مقيم في دولة قطر؟ محتاج أعرف إيه أخبار الحياه هناك.بوجه عام إيه أخبار مستوي المعيشة من عيوب ومميزات. هل الحياه غالية ؟؟؟ هل البيئة كويسة؟؟ بس كده
شكــــــرا
برجاء الإهتمام يا جماعة لأهمية الموضوع بالنسبة لوالدي.
يظهر إن مفيش حد هنا يفيد في الموضوع ده.شكرا يا جماعة
يعني حضرتك عامل الموضوع 6:38 و قررت 7:53 ان مافيش حد هنا هايفيدك
ياباشا صبراً فان الصبر جميل
اكيد في حد هنا هايفيدك بس لما ييجي
بسمع و العهدة علي الراوي ان الحياه في قطر بقت دبي التانيه من غير عيوب دبي
بس بصراحه مش عارف ايه المرتب المناسب و ايه الاسعار هناك بس فعلا اللي بيحكيلي مبسوط جدا هو و اهله هناك بقالهم مدة طويله عايشيين هناك
صدقني للأسف اي حته بقت احسن من هنا
بالراحه ياعم انت كده هتضربنا عشان نقولك
بص يا سيدى انا رحت قطر اكتر من مره
الجو هناك طبعا خليجى واكيد كلنا عرفينه
وبالنسبه للحياه والمعيشه غاليه جدا جدا
وتعتبر هيه والبحرين من اغلى دول الخليج
وبالنسبه لاهلها فيى الاغلبيه ناس كويسين وهيعرف يتعامل معاهم
وخلى بالك قوله ان الشتاء بالليل هناك بيبقه سقعه شويه
طيب العيشه هناك غالية أكتر من مصر دلوقتي..أصل بسمع إن الأكل والشرب هناك والخدمات أسعارها معقولة..والعربيات كمان كويسة..يعني سمعت إن الفئة السابعة موديل 2006 هناك سعرها 70000 ريال قطري
عشان يبقي الكلام منطقي
حدد الدخل هنا و المتوقع في قطر
لآلآلآلآلآ انت غلطان الموضوع مش بيتقاس بالعربيات اذا كانت غاليه ولا رخيصه والبى ام بكذا والمرسيدس بكذا لآلآلآلا
بص انا هحاول اوضحهالك
المرتب كامل طلع منه:
الاكل +الشرب+الانتقالات+السكن +المصروف الشخصى+ الاتصالات و.و.و.والخ....
اللى هيفيض منه بئه يستاهل الغربه ولا لآ هيه دى الحسبه المظبوطه
انت بتحسب حالة البلد اللى انت رايحها على اساس دخلك منها ومصروفك فيها والمده اللى انت هتشتغلها هناك
يعنى مينفعش انك تكون طالع 4 شهور وتقولى انا هنزل ببى ام لا انت كده متلحقش حتى تسد ديونك
انا اللى قولتهولك ده بناء عن تجربتى الشخصيه فى السفر وليس حاله عامه
والملخص هو :
ان الدخل +المنصب = حياه معتدله