ممكن تقولوا لي اعمل اية في المصيبة دي

**momen_ivf** · 07-10-2010 08:56 PM

اخوني الكرام
انا معايا عربية هوندا اكورد موديل 1990 وفي الرخصة موديل 1991 وهيا عربية حالتها فوق الممتازة ونظيفة جدا وصالونها رائع ومريحاني في كل شي هي اوتوماتك و ماتورها 2000 سي سي

مشكلتها الازلية اللي تعبت ومش عارف احلها ازاي هي البنزين ,,, استهلاكها للبنزين عالي جدا يعني بتعمل 100 كيلو في الصفيحة وتشغيل المكيف متوسط تقريبا

متخيلين 100 كيلو في الصفيحة ولما بفول العربية علي الاخر بتوصل لعلامة e بعد 250 كيلو بالضبط يعني 50 لتر بيمشوني 250 كيلو بس

طيب حقولكم انا عملت اية سالت ناس كتير متخصصين وروحت لمراكز هندسية متخصصة في الهوندا بس

اولا قالوا ليا شوف الخراطيم بتاعتها ممكن يكون في خرطوم من تحت مقطوع او مشقق وبينزل بنزين شوف كل توصيلات البنزين وملقتش اي حاجة خالص والخراطيم اللي راكبة الاصلية بتاعة بلادها متغيرتش ورفعت العربية واتاكدت بنفسي

ثانيا قالوا ليا شوف التاكيهات ممكن تكون مفتوحة اوي ودة بيخليها تاكل بنزين ظبطها علي الشعرة ومطلعش العيب منها خالص

ثالثا حالة الموتور وحالة الفتيس ممتاااازة لان لو الفتيس فية مشاكل ممكن تاكل بنزين بس لاسف الموتور والفتيس ممتازيين جدا جدا

رابعا يبقي المشكلة في الكرابتير روحت لناس متخصصين في الكرابتير ومشهورين جدا بالكفاءة وفكوة وشافوة وقالوا ليا الكرابيرتير ذي الفل دور علي اي حاجة تانية غير الكرابيرتير لان ذي الفل وممتاز جدا قلتلهم يعني مغيروش واجيب واحد استيراد قالوا لي لا طبعا الكرابيراتير بتاعك ممتاز

مع العلم اني لوفكرت اجيب كرابيراتير جديد 4900 جنية

وتسارع العربية معايا حلو جدااااااا رغم اني بحط بنزين 80 الا ان سحبها ممتاز وبتشد معايا ذي ما انا عايز

البوجيهات غيرتها وغيرت فلتر الهواء وكل حاجة ومفيش فايدة برضو

تعبت ومش لاقي حل خالص ومش عارف اعمل اية واللي مخليني محبط لاني روحت لناس كتير متخصين في اصلاح الهوندا وورش كبيرة ومعرفوش برضو

وضبط الموتور والار بي ام مضبوط وكل حاجة

ارجوكم دلوني اعمل اية محتاج مساعدتكم لو سمحتم وجزاكم الله خيرا

**lada2010** · 07-10-2010 11:49 PM

اولا ممكن تكون العربية عايزة طقم شنبر ثانيا راجع على الطرمبة ثالثا شيل الكاربايتر بتاعك وركب واحد تانى وجرب لان مشكلة استهلاك البنزين السبب الرئسى لة الكاربايتر

**momen_ivf** · 08-10-2010 02:52 AM

المشاركة الأصلية كتبت بواسطة elewey

انا راى ارجع لكاتلوج العربيه وممكن تجيبه من على النت لو مش عندك وشوف معدل استهلاك البنزين بتاعها ما هو احتمال يكون دة الطبيعى بتاعها

سالت في النقطة دي طبعا وسالت ناس معاهم نفس عربيتي وقالوا ليا بتعمل 170 و 180 كيلو في الصفيخة وقالوا انت اكيد عندك حاجة غلط واقل واحد قال لي بتعمل 140 في الصفيحة وكانت عربيتة حالتها سيئة جدا وبتعمل 140 كيلو .

**bishoy02010** · 08-10-2010 03:18 AM

اعتقد ديه مشكلة كاربيراتير انزل شبرا عند واحد اسمة ابراهيم وشوف

**amrelsaqqa** · 08-10-2010 03:26 AM

ايه اخبار الكاوتش / العجل معاك
الهوا و الترصيص وظبط الزوايا ؟

وهل 100 كيلو ده استهلاك جوة البلد ولا على الطريق
ولو جوة البلد بتعمل كام على الطريق

وايه اخبار دورة التبريد عندك والموتور بيسخن اوى ولا لا

وايه طبيعة سواقتك للعربية

وبتستخدمها كل قد ايه

**karimfahmy99** · 08-10-2010 06:54 AM

بعد كل اللى عملتة اعتقد دا عيب كاربيراتير . غير طقم بكات للكاربيراتير . لو دى البكات الاصلية من عمر العربية اكيد 99% لازم يكونوا وسعو من الاستهلاك و بيؤدى لزيادة كبيرة فى استهلاك البنزين .

زى ما قلت النصيحة الاخيرة شوف فى توكيل هوندا الفطيم اعتقد طقم بكات جديد للكربيراتير . او فى واحد مشهور فى شارع شمبليون متفرع من الشارع خلف سيما اوديون . بس لازم تاخد معاك البكات او الكاربيراتير نفسة

**momen_ivf** · 08-10-2010 02:13 PM

بالنسبة للكاوتش انا لما اشتريت العربية صاحبها كان جايببلها 5 فرد كاوتش جديدة يعني الكاوتش ذي الفل وبالنسبةللترصيص رصصت طبعا وضبطت زوايا وعملت كل دة
واستهلاك البنزين دة بيكون جوة البلد مجربتش علي طريق سفر مثلا بصراحة تعمل كام ؟؟؟

يعني دة استهلاك جوة البلد وبكون مشغل االمكيف احيانا

وبالنسبة للماتور مش بيسخن خالص الحمد لله ودورة التبريد ذي الفل

وبستخدم العربية بشكل يومي وممكن احيانا انزل صباحا ومساء عادي يعني ذي كل الناس

لو كانت بيكات الكربراتير ما انا يا جماعة لما روحت عند واحد بتاع كربراتير معروف اوي في شبرا وعلية زحمة جدا قال لي الكربراتير ذي الفل ومفهوش اي حاجة والمحل اللي انا ورحت عندة دة عليهم ناس زحمة جدا لان معروف اوي وبيشتغلوا في الكربراتير بس فهل ممكن يكون كانت البكات واسعة مثلا ومقليش انها السبب او انها محتاجة انها تتغير ؟؟؟

ولا اغير البكات دي وخلاص علي اي حال واجرب وثمنها يطلع كام تقريبا؟؟؟

**amrelsaqqa** · 08-10-2010 03:52 PM

المشاركة الأصلية كتبت بواسطة momen_ivf

بالنسبة للكاوتش انا لما اشتريت العربية صاحبها كان جايببلها 5 فرد كاوتش جديدة يعني الكاوتش ذي الفل وبالنسبةللترصيص رصصت طبعا وضبطت زوايا وعملت كل دة
واستهلاك البنزين دة بيكون جوة البلد مجربتش علي طريق سفر مثلا بصراحة تعمل كام ؟؟؟

يعني دة استهلاك جوة البلد وبكون مشغل االمكيف احيانا

وبالنسبة للماتور مش بيسخن خالص الحمد لله ودورة التبريد ذي الفل

وبستخدم العربية بشكل يومي وممكن احيانا انزل صباحا ومساء عادي يعني ذي كل الناس

لو كانت بيكات الكربراتير ما انا يا جماعة لما روحت عند واحد بتاع كربراتير معروف اوي في شبرا وعلية زحمة جدا قال لي الكربراتير ذي الفل ومفهوش اي حاجة والمحل اللي انا ورحت عندة دة عليهم ناس زحمة جدا لان معروف اوي وبيشتغلوا في الكربراتير بس فهل ممكن يكون كانت البكات واسعة مثلا ومقليش انها السبب او انها محتاجة انها تتغير ؟؟؟

ولا اغير البكات دي وخلاص علي اي حال واجرب وثمنها يطلع كام تقريبا؟؟؟

البكات دى تمنها ما يجيش 10 جنيه
بس هتدفع فلوس مصنعية لو هتحل الكربراتير كله

وان شاء الله هتحس بفرق