السلام عليكم
ارجو المساعده فى معرفه التعديلات اللى بتخرج العربيه من الضمان انا لسه مكملتش شهرين بالعربيه ومش ناقص الغى الضمان:B4_556:
وتقبلو تحياتى:satelite:
عرض للطباعة
السلام عليكم
ارجو المساعده فى معرفه التعديلات اللى بتخرج العربيه من الضمان انا لسه مكملتش شهرين بالعربيه ومش ناقص الغى الضمان:B4_556:
وتقبلو تحياتى:satelite:
اول حاجة عدم عمل الصيانة الدورية كل 5000 او 4 شهور ايهم اقرب
ثانيا اي تغيرات فى العربية زى كاسيت او زيادة اى قطع زي سينسور تلغى ضمان الكهرباء
اي تصليحات خارجية مؤثرة تخرج العربية برة الضمان
تغير الجنوط او تركيب تيل غير الاصلي يطلع العفشة برة الضمان
عارف لو اكلت حاجة مش عجباهم تخرج برة الضمان
دة الى انا فاكرة دلوقتى و اكيد الاخوة لو فية حاجة نسيتها هايكملولك
و بالتوفيق
الله ينور بس بعد اذنك في حاجه عاوز اعدلها وهي بخصوص الصيانه لازم كل 5000 كم او 4 شهور لو متعملتش يبقي العربيه بره الضمان الكلام ده سليم بس اللي انا عاوز اقوله لو العربيه مثلا عامله 50 الف كيلو يبقي حضرتك المفروض عامل 10 صيانات في التوكيل علشان متخرجش بره الضمان الكلام ده مش صحيح انت معاك سماح لنص عدد الصيانات يعني لو عامل 5 صيانات بس تبقي لسه في الضمان بس طبعا خليك في السليم واعمل كل الصيانات واهي برضوه محافظه علي العربيه واسف علي الاطاله
طيب افرض اشتريت الحاجة وركبتها عندهم!!!! أنا كنت سالت واحد من بتوع المبيعات في معرض رابعة العدوية عن تركيب إنذار ومكنة رفع وحساس ركن قالي الحاجة إللي هاتركب مش هاتأثر على الضمان لكن لو الأجهزة إللي ركبت بوظت حاجة..الحاجة إللي باظت تخرج برة الضمان..ماعرفش بقى دا كلام مبيعات ولا حقيقي
تعالوا احكلكم حاجة حصلت معاية
انا كان فية مشكلة مع شركة منصور و بعثت شكوى الى جهاز حماية المستهلك
و فى الجلسة الاخيرة علشان الجهاز يأخذ قرار
طلبت اللجنة الحارة من شركة منصور كتيب الضمان
و راجعوا الصيانات و بعد كدة ادو المستشار القانونى لجهاز حماية المستهلك كتيب الضمان و قالوا دة برة الضمان فليس لية اى حقوق على الشركة
فسألهم لية قالو فية صيانة معملهاش فالصيانة مش مختومة
مع ان كل الصيانات مختومة ما عدا واحدة
فقبل ان اسمع كلمة من الجهاز طلعت الفاتورة بتاعة الصيانة الى مش مختومة و قلت انا نسيت اختمها بس الفاتورة تثبت انى عملتها فى ىميعادها
وطبعا بعد التجربة دى تقدروا تقولو تعملو كل الصيانات او نصفها زي ما انتم عايزين
نيجى لاضافة كماليات
كان نفسي اول ما اشتريت العربية اغير الكاسيت فسألت مدير فرع الطيران فى الفترة دى و قلت لة لو غيرت الكاسيت اية الى هايحصل قال باللفظ
كهربة العربية تخرج برة الضمان بالكامل
و بعد فترة كنت عايز اركب سينسور و سألت واحد من المهندسين فى فرع الهرم وطلبت منة انى اركبة من خلال الشركة قال احنا ما بنركبش حاجة من الحاجات دى فسألتة طب لو ركبتة برة رد هاتخرج كهربة العربية برة الضمان
طيب بالنسبة لقطع الغيار ؟
حضرتك لو غيرت تيل الفرامل بماركة غير المستوردة عن طريق الوكيل هايركبوها بس الطنابير طلعت برة الضمان و لو العفشة حصلها حاجة هايقولوا اصل التيل مش اصلى و هو السبب فى مشكلة العفشة ( و الكلام دة قانونى )
طيب لو غيرت فلتر التكيف و الكمبروسر حصلة حاجة هايقولو ان الفلتر اتسد فاثر على التكيف (اثبت العكس )
اختصر كلامى بأن الوكيل من مصلحتة المالية انة يطلع العربية برة الضمان فلا داعى انك تساعدة على دة
و لا انكر انك ممكن تعمل كل دة و التوكيل يمشى الضمان او ميخدش بالة ولكن المخاطرة كبيرة
فارجوا ان تتقبلوا كلامى فليس من حقي اكثر النصيحة ولكم القرار
و بالتوفيق
انا مش عارف بالظبط الحاجات الى بتخرج العربيه بره الضمان بس انا معايا اوبترا 2010 واول ما اشتريتها من قبل ما اعمل صيانه 5000 روحت ركبت حساس من رواء وخرمت الاكصدام روكبته الحساس عادى ولما روحت اعمل صيانه 5000 محدش علق خالص ع الموضوع ده بس المهندس الى هناك قالى ياريت قبل ما تعمل حاجه تبلغنا عشان اقولك ينفع ولا لأ عشان مش تخرج من الضمان ع العموم خلى بالك وربنا يبركلك فيهااااااااااااا
ماهو ما علقش علشان حضرتك بتعمل صيانة دورية
لكن لا قدر الله لو فية عيب محتاج قطعة غيار على حساب الضمان هنا هايتكلم
و ادية كمان قال لحضرتك انك لازم تبلغ بعنى كلمك
طيب بالنسبة لتغير الكلاكس
زى ما استاذ ايمن قال مادام الضمان يهمك خليك فى المضمون ومتعدلش فى اى حاجه