الله يسلمك وتحت امرك
استاذ حسين مجهود كبير تستحق التقدير عليه
كان لى استفسار خاص بالفرق بين تجربة حضرتك والاستاذ كريم بلال اللى انا فهمته ان الفرق بين الاتنين فى وجود جهاز انذار او لأ هل انا فاهم صح؟
واذا كان صح فهل تعطيل جهاز الانذار مثلا لو حرامى بيسرق العربيه هيوقف الموبايل اللى فى العربيه عن العمل ؟
وبالنسبه لشحن الموبايل هى ايه دايره الشحن هل هى نفسها الشاحن بتاع الولاعه ولا حاجه تانيه وياريت وتوضيح اكتر لها؟
انا بصراحه عجبتنى الفكره جدا وانشاء الله انفذها بس هحتاج اكيد مساعده حضرتك فلو امكن رقم حضرتك على الخاص
وشاكر جدا لحضرتك
بس اسمعت عن اجهزة انذار بتعمل كدة وأكتر
متشكر جدا دكتور تامر وبالنسبة للفرق بين تجربتى وتجربةاستاذ كريم هى ان الاتصال فى حالة الاستاذ كريم بيتم عن طريق زرار يتركب فى قايم الباب ياعنى الموابيل هيرن فى كل مرة تفتح الباب أما فى تجربتى فهى مرتبطة بالانذار المتركب فى العربية ياعنى الرنة هتيجى مع صوت الانذار والمعروف ان الانذار بشتغل فى حالة انك تفتح الباب بأى وسيلة الا فى حالة ان فتحت الباب بالريموت
وبالنسبة للحرامى فطبعا اول حاجة بيعملها انة بيقطع سلك السرينة اللى بيمر من فوق داير العجل الامامى وفى الحالة دى الموبايل هيرن برضة لان الوصلة متاخدة من خرج علبة الانذار مباشرة وحتى لو وصل للعلبة فمش هيلحق يفصل الموبايل لان الرنة بتجيلك بعد فتح الباب فى اقل من 5 ثوانى
وبالنسبة لشحن الموبايل فمن خلال شاحن موبايل بتاع العربية او دايرة شاحن موبايل عربية وتوصلها مباشرة على سلك الولاعة
وتحت امرك فى اى استتفسار ورقمى على الخاص
ملحوظة اخيرة لضمان عمل الفكرة كويس لازم تكون مركب سنتر فى العربية لاستخدام الهكرباء الواصلة لقربة السنتر لعمل زر الخروج فى الموبايل
معلش ياباشمهندس الرقم اللى ع الخاص تقريبا ناقص رقم
وبالنسبه للسنتر هى العربيه فيها سنتر بس مفيهاش انذار
انا بعد ماقريت فكره حضرتك قررت الاتى:
هاخد الموبايل ال 1100 اللى عندى واشترى 2 ريلاى والسلوك واخد الصور واروح لاى حد بتاع موبيلات يعملى التوصيله
وبعدين هشتر جهاز انذار نوع نظيف وهلى حسب ماقريت يبقى spy 2 وأطلع على اى حد بيشتغل في تركيبهم واخليه يركبلى الاتنين زى ماحضرتك شرحت بس الخوف ملاقيش حد يفهم الطريقه
اظن انا كده ماشى صح ولا حضرتك شايف ايه؟؟ او فى حاجه محتاج اعملها تانى فى العربيه مئلا محتاجه اى تضبيط ولا حاجه او حاجه زياده هشتريها
ياريت لو حضرتك شايف اى تغيير تعرفنى
ومستنى رقم حضرتك الصحيح
يا دكتور تامر الرقم صحيح( 010 وسبع ارقام )عامة انا بعتة تانى على الخاص وفكرة كويسة انك تروح لبتاع الموبيلات علشان يوصلك الدايرة وتحت امرك فى اى استشارة ولو قابلتك اى مشكلة مع اللى هيركب لك الانظار اتصل بى وانت معاة وانا هفهمة يركبة ازاى وبرضو لو بتاع الموبيلات مش فاهم الغرض او الطريقىة خلينى اكلمة
وانا اسف جدا والله لو فاضى كنت عملتلك الدايرة بس للاسف عربتى عملت حادثة ودايخ مع الصنيعية وبتوع الاستيراد وان شاء الله لو تنتظر على 10 ايام انا تحت امرك ولو مستعجل زى ما قلتك خلينى اكلم اللى هبنفزهولك
الف شكر ياباشمهندس جزاك الله كل خير وانشاء الله اول الاسبوع كده هبدأ فى الخطوات وهكون على اتصال بحضرتك اكيد انشاء الله وربنا يعوضك خير فى العربيه وييسرلك امورك ولعله خير انشاء الله
شكر خاص للبشمهندس حسين على الفكره الرائعه ومساعدته لى
وتم تنفيذ الفكره وشغاله زى الفل وتم توصيل الاربع ابواب والكبوت والشنطه على الدايره دون استخدام جهاز انذار والحمد لله مفيش اى مشكله:b4_611:
لو الموبايل الشبكة وقعت منه يبقي شكرا ...
الإنذار اللي الريموت بتاعه فيه شاشه يغنيك عن كل ده ...
لكن مشكور طبعا ع الفكرة والإبتكار ....