الهاند بريك باظت ومحتاس ,,,

**E30power** · 07-10-2010 10:16 PM

السلام عليكم يا رجالة الدايو ...

....الهاند بريك بتاعت الانوس بوشيت منى و البراشام الى ماسكها فك .....طب والحل قالى لازم تتغير لانها كدة باظت ومتنفعش تانى .......

فكان عندى كام سؤال محيرنى شوية ومحتاج مشورتكم معايا ......انا دلوقتى على وشك انى اغير الهاند سواء باستيراد او جديد .....وبرضك اداء الهاند بتاعت الانوس مش اد كدة بصراحة مقارنة بعربيات كتير ...

فهل ممكن اغيرها بهاند تانية تدى اداء وتماسك اعلى .......مثلا النوبيرا ممكن تركب عندى هتجيب فرق ,,,

وفى حاجة اسمها هاند بريك هيدروليك....بس انا معرفش عنها حاجة ومحتاجة تعديل ولا تركب على طول عندى .....

ويا ريت يا جماعة الى عندة اى فكرة ازاى احسن الاداء او الاسعار يا ريت ميبخلش عليا ....

انا عارف ان الموضوع غريب شويتين ومش كتير هيهتم بيه بس فعلا بالنسبالى مهم جداااا ,,,

والله ما لعب ولا طيش عمال على بطال ..... بس الفكرة انى فى تيم وبنزل ايفانتات والاوتو ان شاء الله....

**mely** · 07-10-2010 10:34 PM

يا مان لما تكون بتدخل افنتات واتوكروس عدل لهاند مزدوجه حيث تقدر تتحكم فى كل عجله لوحدها تساعدك على الانزلاق يمين وشمال

**E30power** · 08-10-2010 02:57 AM

المشاركة الأصلية كتبت بواسطة mely

يا مان لما تكون بتدخل افنتات واتوكروس عدل لهاند مزدوجه حيث تقدر تتحكم فى كل عجله لوحدها تساعدك على الانزلاق يمين وشمال

جديدة عليا دية يا

mely..

بس انا عايز اى معلومة عن الهاند بريك الهيدورليك دية ........والنوبيرا بتاعتها تركب هتعمل فرق ولا لا

**karimfahmy99** · 08-10-2010 07:39 AM

اعتقد موضوع الهاند الهيدروليك دا موال كبير و صعب

غير الهاند و هات جديد و بس شد السلك كويس من غير ما يحمل على العجل الخلفى و انت فاكك الهاند و يكون شغال على تانى تكة يمسك العربية

**medo_8** · 08-10-2010 12:09 PM

يعنى ما شاء الله داخل ايفانتات واوتو نصيحه منى بلاش الانوس فى ايفانتات وحتى لو عملت الهاند عمرها ما هتشد معاك زى شدت اى عربيه انما الهاند الهيدروليك دى تكلفتها حوالى زى تكلفه العفشه الهيدروليك ضعف تمن العربيه مرتين ودى عايزه لعب فى حاجات كتير اوى اوى بس مدال عايز تشد بيها اعمل بنصيحه كريم وخليها على تانى شده هتلقيها مسكت العجل صح واعمل بقى الى انت عايزه

**محمد الشامي** · 08-10-2010 02:19 PM

انا لما كنت برجلش الفرامل الخلفيه عند محمد عبده واجربها على ارض منزلقه شويه (رمل او ميا) الفرامل الخلفيه كانت بتقفل العجل تماما (مع الهاند) وكانها فرامل اماميه , لكن مع الوقت طبعا الكفاءه بتقل لغايه لما تروح تعمل رجلاش تاني , او تريح دماغك وتعمل التعديل الخلفي للفرامل

**MMamdouh** · 09-10-2010 03:47 PM

الحل هو التعديل الخلفى... لان مع التعديل حيتفصل التيل اللى بيشغل فرامل الرجل عن فرامل الهاند و بالتالى استعمال الفرامل مش حياثر على استجابة الهاند

الاهاند بريك الهايدروليك فلم كبير و اعتقد مكلف... اسال عند هاى لاين على سعر المكونات

MMamdouh