الموضوع: هى الضريبه والتامين زادت

انتهيت اليوم من تجديد الرخصه كنت عاملها اول مره بسنه بس وبعدين عملتها المره دى سنتين اللى هم باقى المده افضل

لكن لاحظت ان التكاليف تقريبا الضعف

انا عربيتى هيونداى اكسيل 1500 موديل 95

دفعت تامين سنتين 219 ج
وضريبه 436 ج سنتين

لى استفسارين من اصحاب الخبره


هل كده مضبوط ولا فعلا زادت ؟

الاستفسار الثانى

وانا خارج من المرور فرحان انى انتهيت ورايح اركب عربيتى اللى كنت راكنها على اليمين بجوار المرور صف اول

واذا بها مخبوطه فى الجنب الشمال والرفرف لقيته داخل لجوه وطبعا اتصدمت لانها اتخبطت وهى راكنه وفى مكان تقريبا امين

اللى ضايقنى بقى انى مش عارف اللى خبطها فضلت اسأل الناس مين خبطها لكن للاسف المصريين طباعهم اتغيرت والراجل اللى كنت راكن قدامه بتاع تصوير رفض يقول مين خبطها ولكن لقيت شاب بينادى عليا انت صاحب العربيه دى قلت له ايوه قال لى التريلا دى وهى بترجع خبطتها وشالت العربيه لفوق ونزلتها

اتجننت وفضلت ادور عليه لما لقيته كان داخل هو كمان يجدد

زعقت له فى البدايه انكر وبعدين اعترف لما واجهته بالشاهد وقال لى طلباتك اللى انت عايزه وبعدين قال لى شوف انت عايز ايه قلت له مااعرفش انت تصلحها زى ماعملتها قال لى تشيل النصف وانا النصف قلت له لا انت خبطتها وهى راكنه قال لى مااقصدش وقال لى روح اشتكى بكل بجاحه وقله ادب وبعدين بقى انا اكثر حاجه اكرها هى اقسام الشرطه والمرور وبسبب اللى شفته خدت بعضى ومشيت وماعملتش بلاغ لانى حسيت انه هينكر انه خبطها

فياترى لو كنت شكيت كان يبقى صح وكنت اخد حقى ولا ايه المفروض فى الوضع ده ؟