الطريق الى رمانه :(

**crazylambada** · 08-10-2010 01:09 AM

على نهج فيلم الطريق الى ايلات
قمت النهارده بمحاوله انتحاريه مثلها النهارده بالذهاب الى رمانه
طلعت من القاهره و قبل دخول الاسماعيليه مشيت بمحاذاه القناه طبعا الطريق حلو بس الناس اللي عليه مش حلوه المهم لحد ما لقيت كوبري السلام اللي حيعديني الناحيه التانيه
المهم كنت حاسس بفخر و انا طالع عليه و احد من اكبر الكباري المعلقه و انك نازل في سينا بقى و جو 6 اكتوبر
الكوبري تحفه بمل المقاييس حتى مفيش اي كسر في الكوبري معمول صح
نزلت من هنا الناحيه التانيه عاوز اروح رمانه دي طريق العريش و مشاورني على طريق غريب في وسط الصحرا ضلمه مشيت عليه لحد ما وصلت طريق العريش الكلام ده سبعه الا ربع
ماشي على الطريق اول حاجه عملتها خطيت الصليبه بتاعت العربيه جنبي قفلت الازاز و السنتر ماشي محرق على الغيار علشان لو حصل اي حاجه اعرف الحق نفسي لان الطريق بجد لو حد طلع عليك خلاص خلصت

المهم فضلت ماشي لحد كمين بالوظه لقيت فجاه ظايط المباحث اللي في الكمين بيقولي انتا رايح فين قولتله رمانه لقيته ابتسم و قالي اركن

اسمعوا بقى

قالي انتا عاوز تروح رمانه ليه قولتله حوار و مش عارف ايه قالي بص انا مش حمنعك تروح بس انتا لو ربنا بيحبك حتجيلنا مشي قولتله يعني ايه قالي انك اول ما تخشها انتا غريب العرب حيوقفوك و حتتقلب بالعربيه بكله

انتا لازم تيجي بالنهار و مش عارف ايه انا مسافر كام ساعه علشان معرفش اخشها و بيني و بينها 10 كيلو بس

المهم شيخ بتوع القبائل عدى على الكمين قالي انت ليك مكان تبات فيه قولتله لأ قالي يا ابني انا اقدر ادخلك بس مش حتعرف تطلع الا الصبح (هو مش احنا في مصر و حكومه مركزيه و امن مركزي و مخابرات فين دول )

المهم خلاصه الامر رجعت تاني بس نزلت الاسماعيليه على امل اجي الصبح و معايا عزوه ناس من اسماعيليه على ناس من قبائل علشان اعرف اخشها

منفعش الموضوع لان طلع ان بالوظه و رمانه اهلهم بقالهم اسبوعين بيضربوا نار في بعض و البوليس و الجيش مش عارف يتصرف و نصحوني اجي بعد شهر ممكن اخشها بعد ما الموضوع اتحل ان شاء الله

و كانك يا ابو زيد ما غزيت برغم انتقادي للاسلوب الامني الا ان انا بشكر ظابط المباحث اللي بامانه انقذ حياتي كان ممكن يسيبني اخش و يقول انا مالي
بس حسيت ان بعمل فيلم الطريق الى ايلات و ازاي اهرب نفسي لجوا البلد من غير ما حد ياخد باله

**crazylambada** · 08-10-2010 01:22 AM

ملحوظه رمانه ديه مدينه ساحليه سياحيه زي اسكندريه مرسى مطروح كده
مش عزبه مخدرات و لا حاجه

**tota_love** · 08-10-2010 03:13 AM

حمد الله علي سلامتك

**ahmed88hassan** · 08-10-2010 03:42 AM

ههههههه
طب عايزين نعمل المقابلة اللي جايه للمنتدي هناك
دي هتبقي اخر مهيصة

**Dr Zezo** · 08-10-2010 03:55 AM

حمدا لله علي سلامتك

بفضل الله

طريق القنطرة العريش

من أفضل الطرق امانا في مصر

ليس بسبب الحماية الامنية الغير متوفرة عليه

بل بسبب طبيعة اهل المنطقة البدوية التي تفرض هيبة و حفظ حياة و مال و عرض اي غريب في المنطقة

و قد قدت علي هذا الطريق عشرات المرات ليلا و نهارا فلم اري فيه حتي ذئب او ثعلب حتي اهاب القيادة عليه

و منذ بضعة ايام كنت مارا من هناك في الطريق الي العريش " في نفس التوقيت الذي تتحدث عنه "و رجعت ايضا " في وقت متأخر من الليل "و لم اري اي سوء او اسمع ان هناك اي مشاكل امنية ضخمة

كل الموضوع ثأر و نزاع بين قبائل في المنطقة يتجدد بين الحين و الاخر ينتج عنه قتل فلان و اصابة علان

كما يحصل في الصعيد

اما تصوير الامر بالمواجهات المسلحة كما اشار الضابط الذي فقط ارد " تهويشك " لكي ترجع "مزاج"

الامور مازلت كما هي مستقرة و امنة بفضل الله مع انحسار تهريب السلاح

فقط

ازدادت المحافظة قذارة

فتحية للمحافظ الهمام

**crazylambada** · 08-10-2010 12:35 PM

الله يسلمك يا توتا
احنا لو عملنا المقابله هناك يا احمد الكبار كلهم حيتقبض عليهم :)
طب حضرتك يا دكتور زيزو قالولي بمجرد ما حتنزل من على الطريق و تخش جوا مش حتطلع بس الظابط يشتغلني ليه :s
على العموم ان كرهتها اصلا كفايه المسافه و الرعب بتاع الطريق