سايت الكشف على الvin و أكونت خاص لنايل موتورز - لمن يهمه الامر

**ابو ليلى** · 08-10-2010 05:17 PM

المشاركة الأصلية كتبت بواسطة alsharief

متشكر أوى يا نورمال يا أبو الواجب يا جدع إنت ..... جزاك الله خيرا أصلى كنت بستخدم الفايرفوكس ........................ صحيح عربيتى طلعت إماراتى و أنا إشتريتها على إنها سعودى و القايم مكتوب عليها إنها سعودى ... طب إيه رأيكم فى الموضوع ده يا رجالة الإماراتى كويس و لا إيه متخبوش عليا أنا بردوا أخوكم الصغير و مش هاهون عليكم ............ بالله عليكم

طبعا جزاك الله خير يا نورمال لان فعلا الموضوع ده بقى مهم جدا جدا جدا

الشريف صدقتنى لما قلتلك ان الولاعه لو فى العربية متبقاش سعودى ...اعمل زى بقى

وارمى الولاعه علشان تبقى سعودى

حسبى الله ونعمة الوكيل فيك يا كل تاجر وصاحب معرض يغش الناس بالباطل

فى فرق سعر بين السعودى واى عربية تانية ودى معلومة معروفه

ومعلومة للاعضاء انا اشتريت العربية انها سعودى من عند سمير ريان وطلعت عمانى

وياريت اى حد حصل معاه الموضوع ده يكتب اسم المعرض ويحزر الاعضاء

**Hosam_Optrawy** · 08-10-2010 06:02 PM

تسلم ايدك يانورم على الموضوع المهم :)

**ma3lenahhh** · 08-10-2010 08:24 PM

تسلم ايدك يا نورمال باشا

فعلا موضوع مهم و بصراحه الواحد قبل ما يحط الرقم بيحس انه اختبار و بطنه بتقلب لايكون اتعمل عليه شغل
ربنا يكون فى عون اللى لسه مستنى الرقم عشان يحطه

انا بقى يا رجاله لسه مستلمتش اعمل ايه اجيب الرقم ازاى قبل ما استلم عشان اتاكد مانا اكيد مش هاخد معايا الكمبيوتر و اقعد اكشف على الرقم هناك :)

ربنا يستر المهم الف شكر و تسلم ايدك يا نورمال باشا انا سجلت الموقع فى المفضله عشان اول ما اعرف اجيب الرقم اشوفها علطول و ادعولى

**د.محمود صلاح** · 08-10-2010 11:07 PM

أنا محتفظ بالبرنامج ده لمعرفة معلومات عن ال vin أخذته من نايل موتورز في وقت سابق

تفضلوا

VINformer-setup_v.2.00.003.rar

**yasso0101** · 09-10-2010 01:01 AM

الف شكر يا نورمال على الموضوع المهم ده - وده العادي من بنك مصر

ليا رجاء يا جماع اللي يخش يعمل log out علشان اخواته يعرفوا يخشوا بعده

ويا ريت لو حد عنده تفسير للارقام اللي مبيتكتبش فيها البلد يا ريت يشرحلنا

**aymanay32** · 09-10-2010 01:50 AM

الله ينور عليك
و موضوع جميل جدا بس مش هجرب لانى عارف النتيجة تقريبا ايه
او زى ما تقول مش عاوز اعرف الحقيقة

**ALSHARIEF** · 09-10-2010 03:32 AM

المشاركة الأصلية كتبت بواسطة abouleila

طبعا جزاك الله خير يا نورمال لان فعلا الموضوع ده بقى مهم جدا جدا جدا

الشريف صدقتنى لما قلتلك ان الولاعه لو فى العربية متبقاش سعودى ...اعمل زى بقى

وارمى الولاعه علشان تبقى سعودى

حسبى الله ونعمة الوكيل فيك يا كل تاجر وصاحب معرض يغش الناس بالباطل

فى فرق سعر بين السعودى واى عربية تانية ودى معلومة معروفه

ومعلومة للاعضاء انا اشتريت العربية انها سعودى من عند سمير ريان وطلعت عمانى

وياريت اى حد حصل معاه الموضوع ده يكتب اسم المعرض ويحزر الاعضاء

صدقت يا كبير مع إنى بصدقك فى كل حاجة .............. بس الصدمة كانت مأثرة عليا بس إنما والله يا معلم أنا مش قصدى ساميحنى يا كبير.............. أما بالنسبة للولاعة فأنا أصلا بفضل الله مابدخنش يعنى مابستخدمهاش بس شكلى هروح المعرض قريب أستخدمها هناك ........... أنا يضحك عليا أنا هما ميعرفوش إن أهلى صعايدة ممكن يقطعوهم و لا إيه .

بس بجد يا كبير ............ جزء كبير من حبى للعربية ديه راجع لأن ربنا جعلها سبب فى إنى أتعرف على ناس كرام أفاضل زى حضراتكم بلا إستثناء بجد والله عمرى ما كنت أتخيل إنى ممكن أحب حد عمرى ما شوفته و الله ثم والله ثم والله أشهد الله و أشهد ملائكته و أشهدكم أجمعين أنى أحبكم أجمعين فى الله

-

-

-

الموضوع: سايت الكشف على الvin و أكونت خاص لنايل موتورز - لمن يهمه الامر

LinkBack

أدوات الموضوع

عرض

-

-

-

المواضيع المتشابهه

لمن يهمه الامر ان وجد

الى من يهمه الامر

لمن يهمه الامر

لمن يهمه الامر

الكلمات الدلالية لهذا الموضوع

المفضلات

المفضلات

ضوابط المشاركة