الموضوع: سايت الكشف على الvin و أكونت خاص لنايل موتورز - لمن يهمه الامر

المشاركة الأصلية كتبت بواسطة normal

ربنا يباركلك يا أبو ليلى والله على المساعده دى
أنا هحاول أعمل أكونت تانى للمنتدى
وشكرا على مساعدتك للناس والوفاء بوعدى بدالى وأنا مش موجود :)

انت عارف يانورمال انى جربت الموضوع ده وعارف قد ايه بيكون مزعج جدا لما تروح تتفق على مواصفات

وبعد ما تشترى العربية تعرف انها حاجه تانية ( عربيتى شريها انها سعودى طلعت عمانى )

الشكر كل الشكر للدكتور / مصطفى بصل اول من فتح الموضوع ده

والشكر ليك انت كمان اللى تبعته وعملت اكونت للقسم مخصوص وبترد على مشاركات الناس

وهو ده دورنا فى المنتدى اننا نفيد الاعضاء زى ما احنا كمان استفادنا

جزلك الله خير يا نورمال

المشاركة الأصلية كتبت بواسطة a_elbosaty

ياريت ممكن تكشفلي على الvin دة
knafw411bb5320754
وشكرا جزيلا

مش مكتوب اسم البلد اللى متصدره ليه العربية ياريت حضرتك تقولنا ايه هى

بس هى 2011
هاى لاين
6 غيار اوتو

المشاركة الأصلية كتبت بواسطة wizzoo

انا لسة هشترى سيراتو اول الشهر ممكن اعرف اجيب الرقم دا ازاى يعنى اروح المعرض واقولة عايز رقم ال vin عشان اكشف على العربية قبل ما اشتريها وهل هاخدو عادى والا دى مشكلة ارجو الرد والايضاح

امام باب السائق اسفل الزجاج الامامى من الناحية الشمال هتلاقى الرقم مكون من 17 رقم وحرق

لو عرفت تخده من غير ما حد يشوفك يبقى تمام معرفتش يبقى تقول للبياع انا هخده علشان اعرف مواصفات العربية من موقع الشركة فى كوريا

مع ان عربيتي مش خليجي بس الشكر واجب على مجهودك و موضوعك الجميل يا نورمال و ربنا يديم المعروف بين رجالة كيا دايما يا رب

على فكرة في زميل ليا في المكتب لسة جايب كيا سيراتو خليجي طبعا بعد ما استشارني و قارننا بين كزا عربية لحد ما استقر على سيراتو 2012 و كان بيسالني على الضمان و تكنو وان و بما انكم خبراء الخليجي يا ريت تفيدوني

و هاحاول اجيب منه الفين كود كمان عشان نتأكد من مواصفات العربية

معلش هاتعبكم معايا

المشاركة الأصلية كتبت بواسطة donzi

مع ان عربيتي مش خليجي بس الشكر واجب على مجهودك و موضوعك الجميل يا نورمال و ربنا يديم المعروف بين رجالة كيا دايما يا رب

على فكرة في زميل ليا في المكتب لسة جايب كيا سيراتو خليجي طبعا بعد ما استشارني و قارننا بين كزا عربية لحد ما استقر على سيراتو 2012 و كان بيسالني على الضمان و تكنو وان و بما انكم خبراء الخليجي يا ريت تفيدوني

و هاحاول اجيب منه الفين كود كمان عشان نتأكد من مواصفات العربية

معلش هاتعبكم معايا

الف مبروك وربنا يبارك فيها ويحميها من شر العين .....وابقى خليه يخش معانا هيستفاد كتير اكيد

انا من الناس اللى قعدت فى تكنو وان حوالى اسبوعين مقيم هناك بسبب مشكلة عربيتى واللى الحمد لله
اتحلت على ايديهم ....وشوفت بعينى كل حاجه ....الميزة اللى هناك انه عنده قطعه الغيار اللى ممكن يجرب بيها ..
وفاهم فى العربية ...وبيكون لينا هناك مميزات من خصم على المصنعية الى اهتمام بأعضاء المنتدى
بس اكيد عنده برضة عيوب وعلى طول كنت بقول عليه عامل زى التورتة اللى حاطط عليها شوية ملح.

دلوقتى كمان التوكيل بيسمح لعمل الصيانات عنده بزيادة فى المصنعية حوالى 30% للعربيات الخليجى.

الضمان ضرورى ضرووووووووورى ومش هيخسر كتير بالعكس هيكون كسبان يعنى مثلا من العيوب اللى
منتشرة فى السيراتو دراع النور ...بيكون فى التوكيل لوحده بحوالى 1000 او 1200 ولو باظ لاازم يتغير
ودول بحق سنة ضمان ....وفى حاجات كتير بتظهر من عيوب الصناعة الضمان بقى بيغطيها ( بس لو كنت اخدت الوصل ) شركة امان الشرق من ضمن مراكز الصيانة بتاعتهم تكنوان وليهم مقر هناك بيشترى الضمان بحوالى 900ج فى السنة ( الموضوع موجود فى الهيدر فوق ) وهيريح دماغه تماما لو لا قدر الله فى حاجه حصلت .

المشاركة الأصلية كتبت بواسطة behman

invalid user name or password ????????

كلمة السر اتغيرت للاسف بتاعة المنتدى حضرتك ممكن تكتب استفسارك هنا وانا اشفهولك او تعمل اكونت جديد باسمك